Mahesh Babu: కండ‌లు పెంచుతోన్న మ‌హేష్‌బాబు - రాజ‌మౌళి మూవీ కోస‌మేనా? - జిమ్ ఫొటోలు వైర‌ల్‌

Mahesh Babu: టాలీవుడ్‌లో ఫిటెనెస్‌కు ఎక్కువ‌గా ఇంపార్టెన్స్ ఇచ్చే హీరోల్లో మ‌హేష్‌బాబు ఒక‌రు. అదే ఆయ‌న గ్లామ‌ర్ సీక్రెట్‌గా అభిమానులు చెబుతోంటారు. ఎక్కువ‌గా స్లిమ్‌లుక్‌లో క‌నిపించే మ‌హేష్‌బాబు ప్ర‌స్తుతం కండ‌లు పెంచుతోన్నారు. జిమ్‌లో సీరియ‌స్‌గా వ‌ర్క‌వుట్ చేస్తోన్న ఫొటోల‌ను మ‌హేష్‌బాబు ఇన్‌స్టాగ్రామ్‌లో పోస్ట్ చేశాడు.

త‌న వ‌ర్క‌వుట్ ఫొటోకు హార్డ్‌వ‌ర్క్‌కు క‌ష్ట‌ప‌డ‌టం మిన‌హా మ‌రో ప్ర‌త్యామ్నాయం ఉండ‌దు అంటూ కామెంట్ జోడించాడు మ‌హేష్‌బాబు. అత‌డుషేర్ చేసిన ఈ ఫొటో సోష‌ల్ మీడియాలో వైర‌ల్ అవుతోంది. మ‌హేష్ పోస్ట్ చేసిన ఫొటోకు అత‌డి స‌తీమ‌ణి న‌మ్ర‌తా శిరోద్క‌ర్ స్పీచ్‌లెస్ అంటూ కామెంట్ చేసింది.

రాజ‌మౌళి మూవీ కోస‌మేనా...

రాజ‌మౌళి మూవీ కోస‌మే మ‌హేష్‌బాబు మేకోవ‌ర్ అవుతోన్న‌ట్లు స‌మాచారం. ఫారెస్ట్ అడ్వెంచ‌ర‌స్ థ్రిల్ల‌ర్‌గా రూపొందుతోన్న ఈ సినిమా కోస‌మే మ‌హేష్‌బాబు కండ‌లు పెంచి బాడీని డ‌బుల్ చేయ‌బోతున్న‌ట్లు స‌మాచారం. స్పెష‌ల్ వ‌ర్క‌వుట్ ట్రైనింగ్ తీసుకుంటున్న‌ట్లు చెబుతోన్నారు. ఈ ఏడాది చివ‌ర‌లో లేదా వ‌చ్చే ఏడాది ఆరంభంలో మ‌హేష్‌బాబు రాజ‌మౌళి మూవీ సెట్స్‌పైకి వ‌చ్చే అవ‌కాశం ఉన్న‌ట్లు స‌మాచారం.

గుంటూరు కారం సంక్రాంతికే...

ప్ర‌స్తుతం త్రివిక్ర‌మ్ ద‌ర్శ‌క‌త్వంలో గుంటూరుకారం సినిమా చేస్తోన్నాడు మ‌హేష్ బాబు. ఫ్యామిలీ యాక్ష‌న్ అంశాల క‌ల‌బోత‌గా రూపొందుతోన్న ఈ సినిమా సంక్రాంతికి రిలీజ్ కానుంది. ఈ సినిమాలో శ్రీలీల‌, మీనాక్షి చౌద‌రి హీరోయిన్లుగా న‌టిస్తోన్నారు. ప్ర‌స్తుతం హైద‌రాబాద్‌లో ఈ సినిమా షూటింగ్ జ‌రుగుతోంది.