Attaanti Ittaanti Lyrical Video: మాస్ నెంబర్‌తో దుమ్ము రేపిన కిరణ్ అబ్బవరం.. అదిరిపోయిన్ ఐటెం సాంగ్

Item song from NMBK: ఇటీవల కాలంలో వరుస చిత్రాలతో దూసుకెళ్తున్న నటుడు కిరణ్ అబ్బవంరం. ఈ టాలీవుడ్ యంగ్ హీరో ఈ ఏడాది ఇప్పటికే స్టెబాస్టియన్, సమ్మతమే చిత్రాలతో ప్రేక్షకుల ముందుకొచ్చాడు. ఇందులో స్టెబాస్టియన్ చిత్రం అనుకున్న స్థాయిలో ఆడనప్పటికీ.. సమ్మతమే మాత్రం ఫర్వాలేదనిపించింది. త్వరలో నేను మీకు బాగా కావాల్సిన వాడినే చిత్రంతో ప్రేక్షకుల ముందుకు రానున్నాడు. ఇప్పటికే ఈ సినిమాకు సంబంధించిన ఫస్ట్ లుక్ పోస్టర్ విడుదల కాగా.. తాజాగా ఈ చిత్రం నుంచి ప్రత్యేక గీతాన్ని విడుదల చేసింది.

ఈ ఐటెమ్ నెంబర్‌తో కిరణ్ అబ్బవరం దుమ్మురేపాడు. తనదైన శైలి స్టెప్పులతో ఆకట్టుకున్నాడు. అట్టాంటి ఇట్టాంటి దాన్ని కాదు మామ అంటూ ఈ పాట ఆకట్టుకుంది. ఆ పాటను సాకేత్ కొమండూరి, కేతన శర్మ ఆలపించారు. కాసర్ల శ్యామ్ పాటకు సాహిత్యాన్ని అందించాడు.మెలోడీ బ్రహ్మ మణిశర్మ సంగీతాన్ని సమకూర్చారు. మణిశర్మ మ్యూజిక్‌తో ఈ ఐటెం సాంగ్ ఇంకా అదిరిపోయింది.

శ్రీధర్ గాదే దర్శకత్వం వహించిన ఈ చిత్రానికి కోడి దివ్య దీప్తి నిర్మాతగా వ్యవహరించారు. కిరణ్ అబ్బవరం సరసన సంజన ఆనంద్, సోనూ ఠాకూర్, దివ్యా రాధన్ హీరోయిన్లుగా చేశారు. త్వరలోనే ఈ చిత్రానికి సంబంధించిన టీజర్, ట్రైలర్లను విడుదల చేసి వీలైనంత త్వరగా ప్రేక్షకుల ముందుకు తీసుకురానుంది చిత్రబృందం.