Sudigali Sudheer: జబర్ధస్త్ లో సుధీర్ కు అవమానం జరగలేదు... కిరాక్ ఆర్‌పీ ఆరోపణలు అబద్దం

గత కొద్ది రోజులుగా జబర్ధస్త్ తో (jabardasth show)పాటు మల్లెమాలపై కిరాక్ ఆర్‌పీ (kirak rp) అరోపణలు చేస్తున్న సంగతి తెలిసిందే. మల్లెమాల వ్యవహార శైలి వల్ల జబర్ధస్త్ లో ఉన్న సమయంలో తాము ఎన్నో స్ట్రగుల్స్ ఫేస్ చేశామని కిరాక్ ఆర్‌పీ పేర్కొన్నాడు. కష్టాల్లో ఉన్న సమయంలో ఆదుకునే వారు కాదని పేర్కొన్నాడు. జబర్ధస్త్ లో అవమానం జరగడం వల్లే సుధీర్ బయటకు వచ్చాడని పేర్కొన్నాడు. కష్టపడి పనిచేసినా సరిగా భోజనం పెట్టేవారు కాదని తెలిపాడు.

.కిరాక్ ఆర్‌పీ వ్యాఖ్యలపై హైపర్ ఆది, ఆటో రాంప్రసాద్ స్పందించారు. ఆర్ పీ చెప్పినవన్నీ అబద్దాలు అని పేర్కొన్నారు. సుధీర్ కు అవమానం జరగడంతోనే జబర్ధస్త్ ను వదిలి వెళ్లిపోయాడని ఆర్‌పీ చేసిన ఆరోపణల్లో నిజంలేదని అన్నాడు. జబర్ధస్త్ తో పాటు ఇతర ఛానెల్స్ లో సుధీర్ కు అవకాశాలు వచ్చాయని, రెమ్యునరేషన్ పెరగడంతోనే సుధీర్ జబర్ధస్త్ ను వదిలిపెట్టాడని, అంతేకానీ మల్లెమాలపై కోపంతో కాదని పేర్కొన్నారు. అవకాశాలు పెరుగుతుండటంతో జబర్ధస్త్ షో నుండి తప్పుకోవాలని చాలా రోజుల క్రితమే సుధీర్ అనుకున్నాడని, కానీ తమతో ఉన్న స్నేహం కారణంగానే ఇన్నాళ్లు ఉండిపోయాడని ఆటో రాంప్రసాద్ పేర్కొన్నాడు.

సుధీర్, రష్మి పర్సనల్ లైఫ్ వాడుకుంటూ జబర్ధస్త్ క్రేజ్ పెంచుకునేందుకు మల్లెమాల ప్రయత్నిందని కిరాక్ ఆర్‌పీ చెప్పిన మాటలు వాస్తవం కాదని హైపర్ ఆది అన్నాడు. ఆ ట్రాక్ లను బలవంతంగా వారిద్దరితో ఏ రోజు చేయించలేదని అన్నాడు. సుధీర్ తో పాటు తాను వెళ్లిపోయిన తర్వాత జబర్ధస్త్ రేటింగ్స్ తగ్గిపోలేదని ఆది అన్నాడు. వర్క్ పరమైన ఒత్తిడి వల్లే తాను జబర్ధస్త్ గ్యా ప్ ఇచ్చానని అంతేకానీ దూరం కాలేదని ఆది తెలిపాడు. మల్లెమాలలో శ్రీదేవిడ్రామా కంపెనీ, ఢీ షోస్ చేస్తున్నానని పేర్కొన్నాడు