pawan kalyan | వెయ్యి మంది ఆర్టిస్టుల‌తో భారీ యాక్ష‌న్ ఎపిసోడ్‌...హ‌రిహ‌ర‌వీర‌మ‌ల్లు టీమ్ ప్లాన్‌

హ‌రిహ‌ర‌వీర‌మ‌ల్లు షూటింగ్‌తో ప‌వ‌న్ ఫుల్ బిజీగా ఉన్నారు. హైద‌రాబాద్ లో వేసిన స్పెష‌ల్ సెట్స్‌లో ప‌వ‌న్‌క‌ళ్యాణ్‌పై యాక్ష‌న్ ఎపిసోడ్స్ ను చిత్రీక‌రిస్తున్నారు. ఈ సెట్స్‌లోనే చాలా వ‌ర‌కు షూటింగ్‌ను పూర్తిచేసేందుకు ద‌ర్శ‌కుడు క్రిష్ స‌న్నాహాలు చేస్తున్నారు. కాగా ఈ సినిమాలో కీల‌క‌మైన సంద‌ర్భంలో వ‌చ్చే భారీ యాక్ష‌న్ సీక్వెన్స్‌ను త్వ‌ర‌లోనే తెర‌కెక్కించ‌బోతున్న‌ట్లు తెలిసింది. ఈ ఫైట్ సీక్వెన్స్ లో వెయ్యి మంది జూనియ‌ర్ ఆర్టిస్టులు క‌నిపిస్తార‌ని స‌మాచారం. వార్ బ్యాక్‌డ్రాప్‌లో ప‌వ‌న్ క‌ళ్యాణ్ లోని హీరోయిజాన్ని హైలైట్ చేస్తూ డిఫ‌రెంట్‌గా ఈ యాక్ష‌న్ ఎపిసోడ్‌ను ప్లాన్ చేస్తున్న‌ట్లు చెబుతున్నారు. ఈ యాక్ష‌న్ ఎపిసోడ్‌కు ఫారిన్ ఫైట్ మాస్ట‌ర్స్ ప‌నిచేయ‌నున్న‌ట్లు తెలిసింది. పీరియాడిక‌ల్ క‌థాంశంతో ద‌ర్శ‌కుడు క్రిష్ ఈ సినిమాను తెర‌కెక్కిస్తున్నారు. ఇందులో 1700 శ‌తాబ్దానికి చెందిన వీరుడిగా ప‌వ‌న్ క‌ళ్యాణ్ క‌నిపించ‌నున్న‌ట్లు స‌మాచారం. నిధి అగ‌ర్వాల్ ఈ సినిమాలో క‌థానాయిక‌గా న‌టిస్తోంది. మెగా సూర్య ప్రొడ‌క్ష‌న్స్ ప‌తాకంపై ఏ.ఎమ్‌. ర‌త్నం ఈ సినిమాను నిర్మిస్తున్నారు.