Hi Nanna Leaked: షాకింగ్.. హాయ్ నాన్న మూవీ హెచ్‌డీ క్వాలిటీ ఆన్‌లైన్‌లో లీక్

Hi Nanna Leaked: నేచురల్ స్టార్ నాని, మృణాల్ ఠాకూర్ నటించిన హాయ్ నాన్న మూవీ గురువారం (డిసెంబర్ 7) ప్రేక్షకుల ముందుకు వచ్చిన విషయం తెలిసిందే. అయితే ఈ సినిమా తొలి రోజే ఆన్‌లైన్ లో లీకైంది. అది కూడా హెచ్‌డీ క్వాలిటీలో కావడం గమనార్హం. పైరసీని అడ్డుకోవడానికి ఎన్ని చర్యలు తీసుకుంటున్నా.. ఇలా తొలి రోజే సినిమాలు లీకవడం ఆందోళన కలిగించే విషయమే.

శౌర్యువ్ డైరెక్ట్ చేసిన హాయ్ నాన్న మూవీకి తొలి షో నుంచే పాజిటివ్ రివ్యూలు వచ్చాయి. దసరాలో మాస్ అవతార్ లో కనిపించిన నాని మరోసారి ఈ మూవీ ద్వారా తనదైన క్లాస్ రోల్, యాక్టింగ్ తో అదరగొట్టాడు. ఓవైపు సినిమాకు పాజిటివ్ టాక్ వచ్చిన ఆనందంలో మేకర్స్ ఉండగా.. మరోవైపు మూవీని ఆన్‌లైన్లో లీక్ చేశారు. హెచ్‌డీ క్వాలిటీలో ఈ మూవీని ఫ్రీగా డౌన్‌లోడ్ చేసుకునేలా కొన్ని పైరసీ వెబ్ సైట్లు లింకులు పెట్టాయి.

తమిళ్‌రాకర్స్, టెలిగ్రామ్, మూవీరూల్స్, ఫిల్మీజిల్లా, కుట్టీమూవీస్, ఫిల్మీవాప్, ఫిల్మీమీట్, మూవీస్‌ఫ్లిక్స్, వెగామూవీస్ లాంటి సైట్లు హాయ్ నాన్న పైరసీ కాపీలను తమ వెబ్‌సైట్లలో పెట్టాయి. ఈ ఏడాది ఇప్పటికే ఎన్నో సినిమాలు, వెబ్ సిరీస్ లు పైరసీ బారిన పడగా.. తాజాగా నాని మూవీకి కూడా ఆ బెడద తప్పలేదు.

సామ్ బహదూర్, యానిమల్, ఆర్య 3, తేజస్, ఘోస్ట్, టైగర్ నాగేశ్వర్ రావ్, భగవంత్ కేసరిలాంటి సినిమాలు, షోలను ఆన్‌లైన్ లో లీక్ చేశారు. ఇప్పుడు హాయ్ నాన్న రిలీజైన తొలి రోజే హై క్వాలిటీ మూవీని అప్‌లోడ్ చేశారు. ఈ పైరసీ సైట్లపై గతంలో చర్యలు తీసుకున్నారు. అయినా ఈ లీకులు మాత్రం ఆగడం లేదు. ముఖ్యంగా తమిళ్‌రాకర్స్ అయితే అన్ని సినిమా ఇండస్ట్రీలకు పెద్ద ముప్పుగా పరిణమిస్తోంది. ఈ సైట్ కొన్ని సినిమాలు రిలీజ్ కాకముందే లీక్ చేసేస్తోంది.

ఇక హాయ్ నాన్న విషయానికి వస్తే.. ఓ మంచి ఫ్యామిలీ ఎంటర్ టైనర్ గా ఈ సినిమా తెరకెక్కింది. విరాజ్ పాత్ర‌లో నాని అద‌ర‌గొట్టాడు. కూతురి కోసం ఆరాట‌ప‌డే తండ్రిగా...ప్రేమికుడిగా, డిఫ‌రెంట్ వేరియేష‌న్స్‌తో కూడిన పాత్ర‌లో చ‌క్క‌టి వేరియేష‌న్స్ చూపించాడు.

వ‌ర్ష‌, య‌శ్న‌గా రెండు షేడ్స్‌తో సాగే పాత్ర‌లో మృణాల్ యాక్టింగ్ ఈ సినిమాకు హైలైట్‌గా నిలిచింది. సీతారామం త‌ర్వాత మ‌రోసారి త‌న యాక్టింగ్‌తో మెప్పించింది. శృతిహాస‌న్ ఓ పాట‌లో మాత్ర‌మే క‌నిపిస్తుంది. బేబీ కియారా న‌ట‌న ఆక‌ట్టుకుంటుంది. అంగ‌డ్‌బేడీ, జ‌య‌రామ్ చిన్న పాత్ర‌లే అయినా త‌మ అనుభ‌వంతో మెప్పించారు.ఈ సినిమాకు హీష‌మ్ అబ్దుల్ వ‌హాబ్ మ్యూజిక్ పెద్ద ఎసెట్‌గా నిలిచింది.