Guntur Kaaram Live Updates: గుంటూరు కారం సినిమా చూసిన గౌత‌మ్‌, సితార - ఫొటోలు వైర‌ల్‌

గుంటూరు కారం సినిమాను మ‌హేష్ బాబు త‌న‌యుడు గౌత‌మ్‌, కూతురు సితార వీక్షించారు.తండ్రి మ‌హేష్‌బాబుతో క‌లిసి హైద‌రాబాద్‌లోని సుద‌ర్శ‌న్ థియేట‌ర్‌లో గౌత‌మ్, సితార గుంటూరు కారం సినిమా చూసిన ఫొటోలు సోష‌ల్ మీడియాలో వైర‌ల్ అవుతోన్నాయి.

మ‌హేష్ బాబు గుంటూరు కారం మూవీ తొలిరోజు ఓవ‌ర్ సీస్‌లో మూడు మిలియ‌న్ డాల‌ర్ల‌కుపైగా క‌లెక్ష‌న్స్ రాబ‌ట్టే అవ‌కాశం ఉన్న‌ట్లు ట్రేడ్ వ‌ర్గాలు చెబుతోన్నాయి.

బుక్‌మై షోలో మ‌హేష్‌బాబు గుంటూరు కారం రికార్డ్ క్రియేట్ చేసింది. 24 గంట‌ల్లో ఈ టికెట్ బుకింగ్స్ యాప్ ద్వారా 24 గంట‌ల్లో 389 కే టికెట్స్ అమ్ముడుపోగా...హ‌నుమాన్ 164 కే టికెట్లు సేల్ అయ్యాయి. సైంధ‌వ్ 14 కే టికెట్స్ అమ్ముడుపోయాయి.

గుంటూరు కారంలో శ్రీలీల యాక్టింగ్‌పై ట్రోల్స్ వ‌స్తోన్నాయి. శ్రీలీల‌కు యాక్టింగ్ రాద‌ని, డ్యాన్స్‌తో మ్యానేజ్ చేస్తుందంటూ సోష‌ల్ మీడియాలో పోస్ట్‌లు పెడుతున్నారు.

ఫ‌స్ట్ డే బుకింగ్స్‌లో గుంటూరు కారం మూవీని హ‌నుమాన్ దాటేసింది. పాజిటివ్ టాక్ కార‌ణంగా హ‌నుమాన్ బుకింగ్స్ పెరిగాయి. లాస్ట్ వ‌న్ అవ‌ర్‌లో గుంటూరు కారం 16.7 కే టికెట్లు అమ్ముడుపోగా...హ‌నుమాన్ టికెట్లు 16.9 కే టికెట్లు అమ్ముడుపోయాయి.

గుంటూరు కారం సినిమాను అభిమానుల‌తో క‌లిసి చూశారు మ‌హేష్‌బాబు. హైద‌రాబాద్ ఆర్టీసీ క్రాస్‌రోడ్స్‌లోని సుద‌ర్శ‌న్ థియేట‌ర్‌ను మ‌హేష్‌బాబు సంద‌ర్శించారు. మ‌హేష్‌బాబు వెంట దిల్‌రాజు కూడా థియేట‌ర్‌కు వ‌చ్చారు.

గుంటూరు కారం సినిమాకు ప్రీ రిలీజ్ ఈవెంట్ నిర్వ‌హించ‌డం మిన‌హా పెద్ద‌గా ప్ర‌మోష‌న్స్ చేయ‌లేదు. రిజ‌ల్ట్‌ను ముందుగానే ఊహించి మ‌హేష్, త్రివిక్ర‌మ్ ప్ర‌మోష‌న్స్‌పై ఆస‌క్తి చూప‌లేద‌ని ప్ర‌చారం జ‌రుగుతోంది.

ట్విట్ట‌ర్‌లో ప‌వ‌న్ క‌ళ్యాణ్‌, త్రివిక్ర‌మ్ కాంబోలో రూపొందిన అజ్ఞాత‌వాసి మూవీ ట్రెండింగ్‌గా మారింది. ఈ సినిమా రిలీజై ఆరేళ్లు పూర్త‌యిన సంద‌ర్భంగా ఈ సినిమా టీజ‌ర్స్‌, ట్రైల‌ర్స్‌ను సోష‌ల్ మీడియాలో చ‌క్క‌ర్లు కొడుతున్నాయి. త్రివిక్ర‌మ్ ద‌ర్శ‌క‌త్వం వ‌హించిన ఈ మూవీ కూడా భారీ అంచ‌నాల‌తో రిలీజై డిజాస్ట‌ర్‌గా మిగిలింది.

గుంటూరు కారం క‌థ‌లో అత్తారింటికి దారేది, అలా వైకుంఠ‌పుర‌ములో ఛాయ‌లు ఎక్కువ‌గా క‌నిపిస్తాయ‌ని ఫ్యాన్స్ చెబుతుంది. ఈ రెండు సినిమాలు క‌లిపితే ఎలా ఉంటుందో గుంటూరు కారం అలా ఉంద‌ని కామెంట్స్ చేస్తున్నారు.

మ‌హేష్ బాబు కెరీర్‌లోనే హ‌య్యెస్ట్ ప్రీ రిలీజ్ చేసిన మూవీగా గుంటూరు కారం నిలిచింది. ఈ సినిమా ప్రీ రిలీజ్ బిజినెస్ 130 కోట్ల వ‌ర‌కు జ‌రిగింది. మ‌హేష్ గ‌త సినిమాలు స‌ర్కారు వారి పాట 120 కోట్లు, స‌రిలేరు నీకెవ్వ‌రు 99 కోట్ల వ‌ర‌కు ప్రీ రిలీజ్ చేశాయి.

గుంటూరు కారం మూవీని హైద‌రాబాద్‌లో అభిమానుల మ‌ధ్య త్రివిక్ర‌మ్ వీక్షించాడు. స‌గం మాత్ర‌మే సినిమా చూసి వెళ్లిపోయాడంపై అభిమానులు ఫైర్ అవుతోన్నారు.

మ‌హేష్ బాబు గుంటూరు కారం మూవీ వ‌ర‌ల్డ్ వైడ్‌గా రెండు వేల థియేట‌ర్ల‌లో రిలీజైంది. ఈ మూవీ అడ్వాన్స్ బుకింగ్స్ వ‌ర‌ల్డ్ వైడ్‌గా 21 కోట్ల వ‌ర‌కు జ‌రిగాయి.

వ‌ర‌ల్డ్ వైడ్‌గా గుంటూరు కారం ప్రీ రిలీజ్ బిజినెస్ 130 కోట్ల వ‌ర‌కు జ‌రిగిన‌ట్లు స‌మాచారం. 133 కోట్ల బ్రేక్ ఈవెన్ టార్గెట్‌తో ఈ మూవీ రిలీజైన‌ట్లు స‌మాచారం.

గుంటూరు కారం మూవీ తొలి రోజు హైద‌రాబాద్‌లో 1300 స్క్రీన్స్‌లో రిలీజైంది. ఇందులో 1100 వ‌ర‌కు హౌజ్‌ఫుల్స్ కావ‌డం గ‌మ‌నార్హం.

డైరెక్ట‌ర్ త్రివిక్ర‌మ్‌ను మ‌హేష్ ఫ్యాన్స్ సోష‌ల్ మీడియాలో ఆట ఆడుకుంటున్నారు. గుంటూరు కారం క‌థ‌, క‌థ‌నాలు, డైలాగ్స్‌ను దారుణంగా ట్రోల్ చేస్తున్నారు. గురూజీ ప‌నైపోయింద‌ని కామెంట్స్ చేస్తున్నారు.

గుంటూరు కారం సినిమాలో హీరోయిన్‌గా మొదట పూజా హెగ్డే అనుకున్నారు. కానీ, ఊహించని విధంగా రెండో హీరోయిన్‌గా అనుకున్న శ్రీలీలను ప్రధాన కథానాయికగా చేసింది. అలాగే శ్రీలల సెకండ్ హీరోయిన్‌ స్థానంలో హిట్ 2 బ్యూటి మీనాక్షి చౌదరిని తీసుకున్నారు.

గుంటూరు కారం సినిమాకు సంబంధించిన సీన్స్ వీడియోలు నెట్టింట్లో వైరల్ అవుతున్నాయి. గుంటూరు కారం టైటిల్ సాంగ్ వీడియో ప్రస్తుతం వైరల్ గా మారింది. వాటికి థియేటర్లలో రెస్పాన్స్ అదిరిపోతుంది.

గుంటూరు కారం సినిమా పొలిటికల్ బ్యాక్ డ్రాప్ లో ఉండనున్నట్లు ట్రైలర్ చూస్తుంటే తెలుస్తోంది. రాజకీయ నేపథ్యానికి అమ్మ సెంటిమెంట్ ను మాటల మాంత్రికుడు తివిక్రమ్ యాడ్ చేసినట్లుగా ప్రచార చిత్రాల ద్వారా అర్థమవుతోంది.

గుంటూరు కారం సినిమా మొదటి రోజు నుంచే ఆటంకాలు ఎదుర్కొంది. ప్రారంభం నుంచి ఎవరో ఒకరు టెక్నిషీయిన్ సినిమా నుంచి తప్పుకుంటూ వచ్చారు. ఎట్టకేలకు జనవరి 12న గుంటూరు కారం విడుదల కానుంది.

గుంటూరు కారం సినిమా కోసం మ‌హేష్ బాబు దాదాపు 70 కోట్ల వ‌ర‌కు రెమ్యున‌రేష‌న్ తీసుకున్న‌ట్లు స‌మాచారం. మ‌హేష్ రెమ్యున‌రేష‌న్‌తో క‌లిసి ఈ సినిమా బ‌డ్జెట్ 150 కోట్లు దాటిన‌ట్లు స‌మాచారం.

గుంటూరు కారం శాటిలైట్ రైట్స్‌ను జెమిని టీవీ సొంతం చేసుకున్న‌ది. రికార్డు ధ‌ర‌కు డిజిట‌ల్‌, శాటిలైట్ రైట్స్ అమ్ముడుపోయిన‌ట్లు స‌మాచారం.

గుంటూరు కారం సినిమాను ఫైట్‌..పాట‌...సెంటిమెంట్ ..టెంప్లేట్ ఫార్మెట్‌లో త్రివిక్ర‌మ్ తెర‌కెక్కించాడ‌ని ఫ్యాన్స్ చెబుతోన్నారు. త‌ల్లీకొడుకుల ఎమోష‌న్ మిన‌హా మిగిలిన సీన్స్ చాలా వ‌ర‌కు వ‌ర్క‌వుట్ కాలేద‌నే కామెంట్స్ వినిపిస్తున్నాయి.

గుంటూరు కారం ఓటీటీ హ‌క్కుల‌ను నెట్‌ఫ్లిక్స్ ద‌క్కించుకున్న‌ట్లు స‌మాచారం. థియేట‌ర్ల‌లో రిలీజైన ఎనిమిది వారాల త‌ర్వాత ఈ మూవీ ఓటీటీలోకి రాబోతున్న‌ట్లు చెబుతున్నారు.

గుంటూరు కారం క‌థ‌, క‌థ‌నాల్లో కొత్త‌ద‌నం లేద‌ని నెటిజ‌న్లు చెబుతున్నారు. కంప్లీట్ ఔట్ డేటెడ్ స్క్రిప్ట్‌తో త్రివిక్ర‌మ్ ఈ మూవీని తెర‌కెక్కించాడ‌ని అంటున్నారు. అత‌డిపై మ‌హేష్ ఫ్యాన్స్ ఫైర్ అవుతోన్నారు.

గుంటూరు కారం సినిమాకు అడ్వాన్స్ బుకింగ్స్ ద్వారానే దాదాపు 18 కోట్ల వ‌ర‌కు గ్రాస్ వ‌చ్చిన‌ట్లు స‌మాచారం. అడ్వాన్స్ బుకింగ్స్ వ‌ల్ల ఫ‌స్ట్ డే భారీగా ఈ మూవీ క‌లెక్ష‌న్స్ రాబ‌ట్టే అవ‌కాశం ఉంద‌ని ట్రేడ్ వ‌ర్గాలు చెబుతోన్నాయి.

గుంటూరు కారం మూవీ మొద‌టిరోజు వ‌ర‌ల్డ్ వైడ్‌గా న‌ల‌భై నుంచి న‌ల‌భై ఐదు కోట్ల మ‌ధ్య క‌లెక్ష‌న్స్ రాబ‌ట్టే అవ‌కాశం ఉన్న‌ట్లు ట్రేడ్ వ‌ర్గాలు అంచ‌నా వేస్తున్నాయి. మ‌హేష్ కెరీర్‌లో ఫ‌స్ట్ డే హ‌య్యెస్ట్ క‌లెక్ష‌న్స్ రాబ‌ట్టిన సినిమాల్లో ఒక‌టిగా గుంటూరు కారం రికార్డు నెల‌కొల్ప‌డం ఖాయ‌మ‌ని అంటున్నారు.

గుంటూరు కారం సినిమాలో ఔట్ అండ్ ఔట్ క్యారెక్ట‌ర్‌లో మ‌హేష్ కామెడీ టైమింగ్, ఎన‌ర్జీ బాగుంద‌ని అభిమానులు ట్వీట్స్ చేస్తున్నారు. యాక్ష‌న్ సీన్స్‌లో ఎలివేష‌న్స్ బాగున్నాయ‌ని అంటున్నారు.

త్రివిక్ర‌మ్ మ్యాజిక్‌...మార్కు గుంటూరు కారంలో మిస్స‌యింద‌ని అభిమానులు కామెంట్స్ చేస్తున్నారు. అత‌డి సినిమాల్లో ఉండే డైలాగ్స్ మెరుపులు ఇందులో క‌నిపించ‌వ‌ని అంటున్నారు.

గుంటూరు కారం సినిమాకు అల వైకుంఠ‌పుర‌ములో..అత్తారింటికి దారేదిల‌తో కొన్ని పోలిక‌లు క‌నిపిస్తాయ‌ని నెటిజ‌న్లు అంటున్నారు. క‌థ‌, సెంటిమెంట్ సీన్స్ ఆ సినిమాల్ని గుర్తుకు తెస్తాయ‌ని చెబుతున్నారు.

కుర్చీ మ‌డ‌త‌పెట్టి పాట‌లో మ‌హేష్‌, శ్రీలీల స్టెప్పులు అదిరిపోయాయ‌ని అభిమానులు చెబుతున్నారు. ఈ పాట సినిమాకు హైలైట్‌గా నిలిస్తుంద‌ని అంటున్నారు.

గుంటూరు కారం ప్రీమియ‌ర్స్‌కు పాజిటివ్ టాక్ ల‌భిస్తోంది. మ‌హేష్ వ‌న్ మెన్ షో మూవీ ఇద‌ని ఫ్యాన్స్ ట్వీట్స్ చేస్తున్నారు.