Guntur Kaaram First Song: గుంటూరు కారం ఫస్ట్ సాంగ్ వచ్చేసింది.. మాస్ బీట్‍తో దద్దరిల్లిపోయేలా ‘దమ్ మసాలా’

Guntur Kaaram First Song: టాలీవుడ్ సూపర్ స్టార్ మహేశ్ బాబు హీరోగా నటిస్తున్న ‘గుంటూరు కారం’ సినిమాపై హైప్ మామూలుగా లేదు. మాటల మాంత్రికుడు త్రివిక్రమ్ శ్రీనివాస్ ఈ చిత్రానికి దర్శకత్వం వహిస్తున్నారు. మహేశ్ - త్రివిక్రమ్ కాంబినేషన్‍లో చాలా ఏళ్ల తర్వాత సినిమా వస్తుండడంతో అంచనాలు భారీ రేంజ్‍లో ఉన్నాయి. ఈ మూవీకి థమన్ సంగీతం అందిస్తున్నారు. కాగా, నేడు (నవంబర్ 7) తివిక్రమ్ శ్రీనివాస్ పుట్టిన రోజు సందర్భంగా గుంటూరు కారం సినిమా నుంచి తొలి పాట వచ్చింది. మాస్ బీట్‍తో అదిరిపోయేలా ఈ సాంగ్ ఉంది.

గుంటూరు కారం సినిమా నుంచి 'దమ్ మసాలా' అనే తొలి ఫుల్ లిరికల్ సాంగ్ నేడు రిలీజ్ అయింది. ఈ పాటకు ఫుల్ జోష్‍గా ఉండే మాస్ బీట్ ఇచ్చారు థమన్. ఈ పాటను సంజిత్ హెగ్డే, థమన్ పాడారు. ప్రముఖ పాటల రచయిత రామజోగయ్య శాస్త్రి లిరిక్స్ అందించారు. ఈ సినిమాలో ఇది మహేశ్ బాబుకు ఇంట్రడక్షన్ సాంగ్‍గా ఉండనుంది. మాస్ లుక్‍లో సూపర్ స్టార్ అదిరిపోయారు. లిరిక్స్ కూడా క్యాచీగా పవర్ ఫుల్‍‍గా ఉన్నాయి.

“సర్రుమండుతాది బాబు గొడ్డుకారం.. గిర్ర తిరుతాది వీడితోటి బేరం” అంటూ ఈ దమ్ మసాలా పాట మొదలైంది. సాంగ్ మొత్తం ఊపున్న బీట్.. మాస్ పదాలతో ఆకట్టుకునేలా ఉంది. మహేశ్ బాబు బీడీ అంటించుకునే విజువల్ కూడా ఈ లిరికల్ సాంగ్‍లో ఉంది. “దమ్ మసాలా బిర్యానీ.. ఎర్రకారం అరకోడి” అంటూ దద్దరిల్లేలా ఈ పాట ఉంది.

గుంటూరు కారం సినిమాలో శ్రీలీల, మీనాక్షి చౌదరి హీరోయిన్లుగా నటిస్తున్నారు. జగపతి బాబు, జయరామ్, ప్రకాశ్ రాజ్, రమ్యకృష్ణ కీలకపాత్రలు చేస్తున్నారు. సంక్రాంతి సందర్భంగా వచ్చే ఏడాది జనవరి 12వ తేదీన ఈ సినిమాను థియేటర్లలో విడుదల చేయనున్నట్టు మూవీ యూనిట్ ఇప్పటికే ప్రకటించింది. ప్రస్తుతం గుంటూరు కారం షూటింగ్ శరవేగంగా సాగుతోంది.

గుంటూరు కారం చిత్రాన్ని హారిక & హాసినీ క్రియేషన్స్ బ్యానర్‌పై చినబాబు (ఎస్.రాధాకృష్ణ) నిర్మిస్తున్నారు. మాస్ యాక్షన్ ఎంటర్‌టైనర్‌గా ఈ చిత్రాన్ని త్రివిక్రమ్ రూపొందిస్తున్నారు. అతడు, ఖలేజా తర్వాత మహేశ్ - త్రివిక్రమ్ కాంబినేషన్‍లో వస్తున్న మూడో మూవీ ఇది. దీంతో అంచనాలు పీక్స్‌లో ఉన్నాయి. ఇప్పటికే వచ్చిన గుంటూరు కారం పోస్టర్లలో మాస్ అవతార్‌లో మహేశ్ సూపర్‌గా ఉన్నారు. అభిమానుల నుంచి అదిరిపోయే రెస్పాన్స్ వచ్చింది.