Guardians of the Galaxy Vol. 3 trailer: అద్భుతం.. గార్డియన్స్‌ ఆఫ్‌ ద గెలాక్సీ వాల్యూమ్‌ 3 ట్రైలర్‌

Guardians of the Galaxy Vol. 3 trailer: గార్డియన్స్‌ ఆఫ్‌ గెలాక్సీ మళ్లీ వచ్చేశారు. ఈ మూవీ వాల్యూమ్‌ 3 ట్రైలర్‌ శుక్రవారం (డిసెంబర్‌ 2) ప్రేక్షకుల ముందుకు వచ్చింది. ఈ మూవీ వచ్చే ఏడాది మే 5న రిలీజ్‌ కానుంది. అయితే ఈ ట్రైలర్‌ చూసిన నెటిజన్లు ప్రశంసలు కురిపిస్తున్నారు. సినిమా ఓ ఎపిక్‌గా నిలిచిపోతుందని వాళ్లు అంటున్నారు.

ఈ గెలాక్సీ గార్డియన్స్‌ కొత్త వాల్యూమ్‌లో మరో గ్రహానికి వెళ్తారు. అక్కడ మనుషుల్లాగే ఉంటూ జంతువుల ముఖాలతో ఉన్న వాళ్లు వీళ్లకు వెల్‌కమ్‌ చెబుతారు. ఇప్పటి వరకూ వచ్చిన రెండు సినిమాలతో పోలిస్తే ఇదే బెస్ట్‌గా నిలవబోతోందని ఈ ట్రైలర్‌ చూసిన తర్వాత ఓ అభిమాని అన్నారు. "ఈ ట్రైలర్‌ ఎపిక్‌. సినిమా కూడా ఎపిక్‌గా ఉండబోతోంది" అని మరో అభిమాని ట్విటర్‌లో అభిప్రాయపడ్డారు.

ఈ సినిమాకు సంబంధించి అన్నీ అద్భుతంగా ఉన్నాయని ఇంకో అభిమాని రాశారు. కామెడీ, ఎమోషన్‌ కలగలసిన ఈ ట్రైలర్‌ సినిమాపై అంచనాలు పెంచేసింది. విన్‌ డీజిల్‌, బ్రాడ్లీ కూపర్‌, సిల్వస్టెర్‌ స్టాలోన్‌ ఈ మూవీలో నటించారు. జేమ్స్‌ గన్‌ ఈ మూవీని డైరెక్ట్‌ చేయగా.. జాన్‌ మర్ఫీ మ్యూజిక్ అందించారు.