Gandeevadhari Arjuna Trailer: గాండీవ‌ధారి అర్జున ట్రైల‌ర్‌ను రిలీజ్ చేయ‌నున్న గ్లోబ‌ల్ స్టార్ - సినిమా బ‌డ్జెట్ ఎంతంటే?

Gandeevadhari Arjuna Trailer: వ‌రుణ్ తేజ్ హీరోగా న‌టించిన గాండీవ‌ధారి అర్జున మూవీ ట్రైల‌ర్ రిలీజ్‌కు ముహూర్తంతో పాటు గెస్ట్ ఫిక్స‌య్యాడు. ఈ ట్రైల‌ర్‌ను సోమ‌వారం ఏడు గంట‌ల‌కు గ్లోబ‌ల్ స్టార్ రామ్‌చ‌ర‌ణ్ రిలీజ్ చేయ‌బోతున్నాడు.

రామ్‌చ‌ర‌ణ్ ట్రైల‌ర్‌ను రిలీజ్ చేయ‌నున్న సంగ‌తిని రివీల్ చేస్తూ చిత్ర యూనిట్ స్పెష‌ల్ పోస్ట‌ర్‌ను విడుద‌ల‌ చేసింది. స్పై యాక్ష‌న్ థ్రిల్ల‌ర్‌గా రూపొందుతోన్న ఈ మూవీకి ప్ర‌వీణ్ స‌త్తారు ద‌ర్శ‌క‌త్వం వ‌హిస్తోన్నాడు. ఈ సినిమాలో అర్జున్ అనే గూఢ‌చారిగా వ‌రుణ్‌తేజ్ క‌నిపించ‌బోతున్నారు.

గ‌త చిత్రాల‌కు భిన్నంగా వ‌రుణ్‌తేజ్ క్యారెక్ట‌ర్‌ను స్టైలిష్‌గా ద‌ర్శ‌కుడు ప్ర‌వీణ్ స‌త్తారు డిజైన్ చేసిన‌ట్లు స‌మాచారం. ఈ సినిమాలో ఏజెంట్ ఫేమ్ సాక్షి వైద్య హీరోయిన్‌గా న‌టిస్తోంది. విరూపాక్ష స‌క్సెస్ త‌ర్వాత శ్రీ వెంక‌టేశ్వ‌ర సినీ చిత్ర బ్యాన‌ర్‌లో రూపొందిన సినిమా ఇది.

ఈ సినిమా బ‌డ్జెట్ ఎంతంటే?

గాండీవ‌ధారి అర్జున బ‌డ్జెట్ 55 కోట్ల‌ను దాటిన‌ట్లు టాలీవుడ్ వ‌ర్గాల్లో వార్త‌లు వినిపిస్తోన్నాయి. ఈ సినిమా ప్రీ రిలీజ్ బిజినెస్ మాత్రం బ‌డ్జెట్ కంటే త‌క్కువ‌గానే అవుతోన్న‌ట్లు పుకార్లు షికారు చేస్తోన్నాయి.

ఈ ప్ర‌చారాల్లో నిజం లేన‌ట్లు స‌మాచారం. 40 కోట్ల బ‌డ్జెట్ లోపే గాండీవ‌ధారి అర్జున సినిమాను పూర్తిచేసిన‌ట్లు పేర్కొన్నారు. భారీ యాక్ష‌న్ సీక్వెన్స్‌లు, ఫారిన్ షెడ్యూల్స్‌తో ముడిప‌డిన సినిమా కావ‌డంతో షూటింగ్ పూర్తిచేయ‌డానికి 75 రోజుల పాటు టైమ్ తీసుకోవాల‌ని చిత్ర యూనిట్ భావించార‌టా.

కానీ డైరెక్ట‌ర్‌తో పాటు సినిమా యూనిట్ ప‌ర్‌ఫెక్ట్ ప్లానింగ్ కార‌ణంగా 53 రోజుల్లోనే గాండీవ‌ధారి అర్జున షూటింగ్ పూర్త‌యిన‌ట్లు తెలిసింది. అనుకున్న బ‌డ్జెట్ కంటే త‌క్కువ‌లోనే ఈ స్పై యాక్ష‌న్ థ్రిల్ల‌ర్ సినిమాను పూర్తిచేసిన‌ట్లు చిత్ర యూనిట్ చెబుతోంది.