Family Star Glimpse: విజయ్ దేవరకొండ, పరశురామ్ ఫ్యామిలీ స్టార్ ఫస్ట్ గ్లింప్స్.. డిఫరెంట్ లుక్‌లో..

Family Star Glimpse: విజయ్ దేవరకొండ, పరశురామ్ హిట్ కాంబినేషన్ మరోసారి కలిసి సినిమా చేస్తున్న విషయం తెలిసిందే. ఈ మూవీకి ఫ్యామిలీ స్టార్ అనే టైటిల్ పెట్టడం విశేషం. దీనికి సంబంధించిన ఫస్ట్ లుక్ ను బుధవారం (అక్టోబర్ 18) రిలీజ్ చేశారు. ఈ సినిమాలో విజయ్ సరసన మృనాల్ ఠాకూర్ ఫిమేల్ లీడ్ గా నటిస్తోంది.

గతంలో విజయ్, పరశురామ్ కాంబినేషన్ లో వచ్చిన గీతగోవిందం సినిమా ఎంత పెద్ద హిట్ అయిందో మనకు తెలుసు. దీంతో ఈ లేటెస్ట్ మూవీ ఫ్యామిలీ స్టార్ పై భారీ అంచనాలు ఉన్నాయి. ఈ మూవీ గ్లింప్స్ కూడా ఇంట్రెస్టింగా ఉంది. వీడియో మొదట్లోనే లుంగీ, బనియన్ పై కనిపిస్తాడు విజయ్. బ్యాక్‌గ్రౌండ్లో విలన్ వాయిస్ చాలా గంభీరంగా వినిపిస్తుంది.

"లైన్లో నిలబడి ఉల్లిపాయలు తేవడం.. పొద్దున్నే లేచి పిల్లలను రెడీ చేయడం అనుకున్నావా సెటిల్మెంట్ చేయడమంటే" అంటూ విలన్ అంటాడు. ఆ వెంటనే విజయ్ మార్క్ డైలాగ్, యాక్షన్ సీన్ ఉంటుంది. ఉల్లిపాయలు తెస్తే మనిషి కాదా.. పిల్లలను రెడీ చేస్తే మగాడు కాదా.. ఐరన్ నే వంచాలా అంటూ పక్కనే ఉన్న స్టీల్ రాడ్ ను వంచేస్తాడు.

ఓ విలన్ తల పగలగొట్టి.. సారీ బాబాయ్ కంగారులో కొబ్బరికాయ తేవడం మరచిపోయాను.. తలకాయ కొట్టేశానని అంటాడు. ఆ వెంటనే ఫ్యామిలీ స్టార్ టైటిల్ స్క్రీన్ పై పడుతుంది. చివర్లో ఎంట్రీ ఇచ్చే మృనాల్.. ఏవండీ అంటూ విజయ్ ను పిలిచే సీన్ తో గ్లింప్స్ ముగించారు. తెలుగుతోపాటు తమిళంలోనూ ఈ గ్లింప్స్ వచ్చింది. స్టార్ ప్రొడ్యూసర్స్ దిల్ రాజు, శిరీష్.. శ్రీ వెంకటేశ్వర క్రియేషన్స్ బ్యానర్ లో ఈ మూవీని నిర్మిస్తున్నారు.

మొత్తానికి ఈ సినిమాలో విజయ్ ఓ డిఫరెంట్ లుక్ లో కనిపిస్తున్నాడు. లైగర్, ఖుషీ ఫ్లాపులతో ఢీలా పడిపోయిన విజయ్.. ఈ ఫ్యామిలీ స్టార్ పై భారీ ఆశలే పెట్టుకున్నాడు. సంక్రాంతి బరిలో పలు బడా సినిమాలతో పోటీలో ఉండటంతో ఈ ఫ్యామిలీ స్టార్ ఎలా మెరుస్తాడో చూడాలి. ఈ సినిమా షూటింగ్ ప్రస్తుతం శరవేగంగా జరుగుతోంది.