Dunki Day 1 Collection:షారుఖ్‌కు షాకిచ్చిన డంకీ - ప‌ఠాన్‌, జ‌వాన్ ఫ‌స్ట్ డే క‌లెక్ష‌న్స్‌లో స‌గం కూడా రాలేదుగా!

Dunki Day 1 Collection: షారుఖ్‌ఖాన్ డంకీ మూవీ ఫ‌స్ట్ డే బాక్సాఫీస్ వ‌ద్ద డిజాస్ట‌ర్ రెస్పాన్స్‌ను సొంతం చేసుకున్న‌ది. పాన్ ఇండియ‌న్ లెవెల్‌లో భారీ ఎక్స్‌పెక్టేష‌న్స్‌తో రిలీజైన ఈ మూవీ గురువారం రోజు కేవ‌లం 30 కోట్ల వ‌సూళ్ల‌ను మాత్ర‌మే రాబ‌ట్టింది. ఈ ఏడాది రిలీజైన షారుఖ్ ఖాన్ సినిమాల్లో లోయెస్ట్ క‌లెక్ష‌న్స్ రాబ‌ట్టిన మూవీగా డంకీ నిలిచింది.

షారుఖ్‌ఖాన్ జ‌వాన్ మూవీ తొలిరోజు 89 కోట్ల క‌లెక్ష‌న్స్ రాబ‌ట్ట‌గా, ప‌ఠాన్ 57 కోట్ల వ‌సూళ్ల‌ను ద‌క్కించుకున్న‌ది. జ‌వాన్‌, ప‌ఠాన్ క‌లెక్ష‌న్స్‌లో స‌గం కూడా డంకీ రాబ‌ట్ట‌లేక‌పోయింది. డంకీ సినిమాకు రాజ్ కుమార్ హిరాణీ ద‌ర్శ‌క‌త్వం వ‌హించాడు. యాక్ష‌న్ ఎమోష‌న‌ల్ డ్రామాగా రూపొందిన ఈ సినిమాలు షారుఖ్‌ఖాన్‌తో పాటు తాప్సీ, విక్కీ కౌశ‌ల్ కీల‌క పాత్ర‌లు పోషించారు. అడ్డ దారుల్లో విదేశాల‌కు వ‌ల‌స వెళుతోన్న వారి జీవితాల‌ను వినోదం, ఎమోష‌న్స్ క‌ల‌గ‌లిపి ఈ సినిమాలో చూపించారు డైరెక్ట‌ర్ రాజ్‌కుమార్ హిరాణీ.

డంకీలో హ‌ర్డీ సింగ్‌గా త‌న కామెడీ టైమింగ్‌తో షారుఖ్ ఖాన్ ఆక‌ట్టుకున్నాడు. హ‌ర్డీ సింగ్‌తో పాటు మ‌రో న‌లుగురు స్నేహితులు ఇంగ్లండ్‌కు అక్ర‌మ మార్గాల ద్వారా వ‌లస వెళ్లాల‌ని అనుకుంటారు. ఈ క్ర‌మంలో వారి జీవితాలు ఎలాంటి మ‌లుపులు తిరిగాయ‌న్న‌దే ఈ సినిమా క‌థ‌. డంకీ సినిమాను రాజ్ కుమార్ హిరాణీతో క‌లిసి షారుఖ్ ఖాన్ నిర్మించాడు.