Kushi Lip Lock Scenes: సమంత విజయ్ లిప్ లాక్ సీన్స్.. ఇబ్బందేం లేదంటూ క్లారిటీ

Samantha Vijay Devarakonda Lip Lock Scenes In Kushi: రౌడీ హీరో విజయ్ దేవరకొండతోపాటు స్టార్ హీరోయిన్ సమంత, డైరెక్టర్ శివ నిర్వాణ ముగ్గురికి ఖుషి సినిమా (Kushi 2023) ద్వారా ఓ హిట్ పడింది. మైత్రీ మూవీ మేకర్స్ నిర్మాణంలో నవీన్ యెర్నెనీ, యలమంచిలి రవి శంకర్ నిర్మాతలుగా రూపొందిన ఖుషి సినిమా సెప్టెంబర్ 1న ప్రపంచవ్యాప్తంగా విడుదలై ప్రేక్షకుల మన్ననలు పొందుతోంది. ఈ సినిమాలో విజయ్, సామ్‍తోపాటు వెన్నెల కిశోర్, మురళి శర్మ, సీనియర్ నటి లక్ష్మి, జయరాం, రోహిణి, సచిన్ ఖేడేకర్, శరణ్య పొన్వన్నన్ తదితరులు నటించారు.

మలయాళ పాపులర్ మ్యూజిక్ డైరెక్టర్ హేషమ్ అబ్దుల్ వహాద్ సంగీతం అందించిన ఖుషి సినిమా హిట్ కావడంతో సెప్టెంబర్ 1 సాయంత్రం ప్రెస్ మీట్ నిర్వహించారు మేకర్స్. ఈ నేపథ్యంలో ఖుషి సినిమాలో విజయ్ దేవరకొండ, సమంత లిప్ లాక్ సన్నివేశాల గురించి ప్రశ్నలేవనెత్తారు. ఖుషిలో సామ్, విజయ్ కిస్సింగ్ సీన్స్ వైరల్ కావడంతో.. ఓ జర్నిలిస్ట్ లిప్ లాక్ సీన్స్ పెట్టాల్సిన అసరం ఎందుకొచ్చింది అని క్వశ్చన్ చేశారు. దీనికి డైరెక్టర్ శివ నిర్వాణ ఆసక్తికర సమాధానం ఇచ్చారు.

"ఆ సన్నివేశాల్లో సమంతను చూడలేదు. ఆరాధ్య పాత్రను మాత్రమే చూశాను. ఇద్దరూ కలిసి ఏడాదిపాటు ట్రావెల్ చేశారు. పెళ్లయింది. పిల్లల కోసం అని ఒక ఎమోషన్ పెట్టాం. ఇలాంటి ఎమోషన్‍లో ఒక చిన్న ముచ్చట కూడా లేకపోతే అసలు అర్థం ఉంటుందా. ప్రేమ ఎమోషన్ చెప్పడానికి లిపి లాక్ అవసరమే. కొంచెం సహజంగా కనిపించాలి కదా. వాళ్లు నిజంగానే భార్యాభర్తలుగా ఉన్నారనే ఫీలింగ్ రావాలి కదా. జనం నమ్మాలి కదా. అది లైట్ హార్టెడ్‍గా ఉన్నంతవరకు ఎలాంటి సమస్య ఉండదు" అని దర్శకుడు శివ నిర్వాణ వివరణ ఇచ్చారు.

విజయ్, సమంతతో ఆ సీన్స్ ఎలా చేయించారని మరొకరు అడిగితే.. "ఏముంది. యాక్షన్ అంటే చేశారు. కట్ అంటే అయిపోయింది అంతే. ఇలాంటి రొమాంటిక్ సన్నివేశాల్లో ఇబ్బంది ఏముండదు. ఇది కూడా ప్రొఫెషన్‍లో భాగమే కదా" అని శివ నిర్వాణ పేర్కొన్నారు. ఖుషి సినిమాలో లిప్ లాక్ సీన్స్ సమంతను చూడలేదు.. సమంత పాత్రకు అవి అవసరం అన్నట్లుగా డైరెక్టర్ శివ నిర్వాణ క్లారిటీ ఇచ్చారు. ఏది ఏమైనా ప్రస్తుతం సోషల్ మీడియాలో మాత్రం విజయ్ దేవరకొండ, సమంత లిప్ కిస్ సీన్స్ తెగ గింగిరాలు తిరుగుతున్నాయి.