Calling Sahasra OTT Release:సుడిగాలి సుధీర్ కాలింగ్ స‌హ‌స్ర ఓటీటీలోకి వ‌చ్చేది అప్పుడే - స్ట్రీమింగ్ ప్లాట్‌ఫామ్ ఇదే
14 December 2023, 5:46 IST
Share
Calling Sahasra OTT Release Date: సుడిగాలి సుధీర్ హీరోగా న‌టించిన కాలింగ్ స‌హ‌స్ర మూవీ డిస్నీ ప్ల‌స్ హాట్ స్టార్ ద్వారా ఓటీటీ ఆడియెన్స్ ముందుకు రాబోతున్న‌ట్లు స‌మాచారం. ఈసినిమా ఏ రోజు నుంచి ఓటీటీలో స్ట్రీమింగ్ కానుందంటే?
సుడిగాలి సుధీర్ కాలింగ్ స‌హ‌స్ర
Calling Sahasra OTT Release Date: సుడిగాలి సుధీర్ హీరోగా న‌టించిన కాలింగ్ స‌హ‌స్ర మూవీ కొత్త ఏడాది తొలి రోజున ఓటీటీలోకి రాబోతోన్న‌ట్లు స‌మాచారం. ఈ క్రైమ్ హార‌ర్‌ థ్రిల్ల‌ర్ మూవీ డిజిట‌ల్ రైట్స్‌ను డిస్నీ ప్ల‌స్ హాట్‌స్టార్ ద‌క్కించుకున్న‌ట్లు తెలిసింది. జ‌న‌వ‌రి 1న కాలింగ్ స‌హ‌స్ర ఓటీటీలో స్ట్రీమింగ్ కానున్న‌ట్లు వార్త‌లు వినిపిస్తున్నాయి.
బుల్లితెర‌పై సుడిగాలి సుధీర్‌కు ఉన్న ఫాలోయింగ్ కార‌ణంగా భారీ ధ‌ర‌కు కాలింగ్ స‌హ‌స్ర స్ట్రీమింగ్ హ‌క్కుల‌ను డిస్నీ ప్ల‌స్ హాట్‌స్టార్ ద‌క్కించుకున్న‌ట్లు చెబుతున్నారు. గాలోడు స‌క్సెస్ త‌ర్వాత సుడిగాలి సుధీర్ హీరోగా న‌టించిన కాలింగ్ స‌హ‌స్ర మూవీకి అరుణ్ విక్కీరాలా ద‌ర్శ‌క‌త్వం వ‌హించాడు.
డాలీషా హీరోయిన్‌గా న‌టించిన ఈ సినిమాలో శివ‌బాలాజీ కీల‌క పాత్ర పోషించాడు. డిసెంబ‌ర్ 1న కాలింగ్ స‌హ‌స్ర థియేట‌ర్ల‌లో రిలీజైంది. కానీ అదే రోజు యానిమ‌ల్ రిలీజ్ కావ‌డంతో ఆ ఎఫెక్ట్ కాలింగ్ స‌హ‌స్ర ఓపెనింగ్స్‌పై ప‌డింది. దానికితోడు క‌థ‌లో కొత్త‌ద‌నం లేక‌పోవ‌డంతో కాలింగ్ స‌హ‌స్ర ప్రేక్ష‌కుల్ని మెప్పించ‌లేక‌పోయింది.
కాలింగ్ స‌హ‌స్ర క‌థ ఇదే...
ఈ సినిమాలో అజ‌య్ శ్రీవాత్స‌వ అనే యువ‌కుడిగా సుడిగాలి సుధీర్ క‌నిపించాడు. ఓ సిమ్ ద్వారా అజ‌య్ లైఫ్‌లోకి స‌హ‌స్ర వ‌స్తుంది. అస‌లు ఆమె ఎవ‌రు? స‌హ‌స్ర గురించిన అన్వేష‌ణ‌లో అజ‌య్ తెలుసుకున్ననిజాలేమిట‌న్న‌ది, త‌న సోద‌రి మ‌ర‌ణానికి సంబంధించిన మిస్ట‌రీని అజ‌య్ ఎలా ఛేదించాడ‌న్న‌దే ఈ సినిమా క‌థ.