Boys Hostel OTT: ఓటీటీలోకి వచ్చేసిన బ్లాక్ బస్టర్ కామెడీ మూవీ.. స్ట్రీమింగ్ ప్లాట్‍ఫామ్ ఇదే!

కన్నడ చిత్ర పరిశ్రమ నుంచి చిన్న సినిమాగా వచ్చి ట్రెండ్ సెట్టర్‍గా నిలిచిన మూవీ హాస్టల్ హుదుగురు బేకగిద్దారే (Hostel Hudugaru Bekagiddare). జులై 21న కన్నడలో విడుదలైన ఈ సినిమా సూపర్ హిట్ కొట్టింది.

మర్డర్ మిస్టరీ నేపథ్యంలో ఔట్ అండ్ ఔట్ కామెడీ ఎంటర్టైనర్‍గా తెరకెక్కిన ఈ సినిమాను తెలుగులోకి బాయ్స్ హాస్టల్ పేరుతో విడుదల చేశారు. దీన్ని తెలుగులో ఛాయ్ బిస్కెట్‍తో కలిసి అన్నపూర్ణ స్టూడియోస్ అనువాదం చేసి రిలీజ్ చేసింది.

ఆగస్ట్ 26న తెలుగులో విడుదలైన బాయ్స్ హాస్టల్ మూవీ మంచి కలెక్షన్స్ రాబట్టింది. నితిన్ కృష్ణమూర్తి దర్శకత్వం వహించిన బాయ్స్ హాస్టల్ మూవీలో ప్రజ్వల, మంజనాథ్ కీలక పాత్రలు పోషించారు. అంతేకాకుండా కన్నడ వెర్షన్‌లో స్టార్ హీరో రక్షిత్ శెట్టి, నటి రమ్య అతిథి పాత్రల్లో మెరవగా.. తెలుగులో ఈ పాత్రలను డైరెక్టర్ తరుణ్ భాస్కర్, యాంకర్ రష్మీ గౌతమ్ పోషించారు.

ఈ సినిమాకు విరూపాక్ష ఫేమ్ అజనీష్ లోక్‍నాథ్ సంగీతం అందించారు. అయితే తెలుగు ప్రజలకు తగినట్లుగా కొన్ని మార్పులు చేసి సినిమాను రిలీజ్ చేశారు. ఇప్పుడు బాయ్స్ హాస్టల్ మూవీ ఓటీటీలోకి వచ్చేసింది.

సెప్టెంబర్ 1, సెప్టెంబర్ 15 తేదిల్లో డిజిటల్ స్ట్రీమింగ్ చేస్తారని ముందుగా వార్తలు వచ్చాయి. కానీ, ఆ తేదీలు కాకుండా ఎవరూ ఊహించనివిధంగా సెప్టెంబర్ 29 (గురువారం అర్ధరాత్రి) నుంచి స్ట్రీమింగ్ అవుతోంది.

బాయ్స్ హాస్టల్ మూవీ ప్రముఖ ఓటీటీ జీ5లో అందుబాటులో ఉంది. థియేటర్లలో మిస్ అయినవాళ్లు ఓటీటీలో ఈ సినిమాను చూసేయొచ్చు. కాగా ఓ హాస్టల్ వార్డెన్ సూసైడ్‌ కథతో కామెడీ ఎంటర్టైనర్‍గా మూవీ వచ్చింది.