KGF Chapter 2 | నా సామర్థ్యమేంటో నాకు తెలిసొచ్చింది: సంజయ్ దత్

కేజీఎఫ్ ఛాప్టర్ 2 సినిమా విడుదలై సంచలన విజయాన్ని నమోదు చేసింది. అంతేకాకుండా అన్ని కేంద్రాలను అద్భుతమైన కలెక్షన్లతో దూసుకెళ్తోంది. పాన్ఇండియా సినిమాగా విడుదలైన ఈ చిత్రం ప్రేక్షకుల అంచనాలను అందుకున వసూళ్ల వర్షాన్ని కురిపిస్తోంది. ఇందులో నటించిన హీరో యశ్‌తో పాటు కీలక పాత్రలు పోషించిన సంజయ్ దత్, రవీనా టాండన్‌కు కూడా మంచి పేరును తీసుకొచ్చింది. ఈ చిత్రం విజయం సాధించడంపై సంజూ ఆనందాన్ని వ్యక్తం చేశారు. ఈ మేరకు అభిమానులు, కుటుంబ సభ్యులకు కృతజ్ఞతలు తెలుపుతూ ఓ సందేశాన్ని సోషల్ మీడియాలో పంచుకున్నారు.

"కొన్ని సినిమాలు ఎప్పుడూ ఇతర చిత్రాలకంటే భిన్నంగా ఉంటాయి. ప్రత్యేకంగా నిలుస్తాయి. ప్రతిసారి నేను నా కంఫర్ట్ జోన్ నుంచి బయటకు వచ్చి పనిచేయాలని అనుకుంటాను. కేజీఎఫ్-2 అలాంటి సినిమానే. ఈ చిత్రం నా సామర్థ్యమేంటో మరోసారి నాకు తెలియజేసింది. జీవితం ఎప్పుడూ ఏదోక సర్‌ప్రైజ్‌ను అందిస్తుంది. దాన్ని గొప్పగా మలచుకోవడం మన చేతిలోనే ఉంటుంది. సినిమాను ప్యాషన్ అని ఎందుకంటారో నాకు కేజీఎఫ్ చిత్రంతో అర్థమైంది. అధీరా పాత్రను దర్శకుడు పూర్తిగా నాకు అప్పగించారు. ప్రస్తుతం నాకు అందుతున్న ప్రశంసల క్రెడిట్ అంతా ఆయనకే చెందుతుంది. తెరపై మేము కనిపించినీ తీరు ఆయన కల. కేజీఎఫ్ ఎప్పుడూ నాకు ప్రత్యేకమే. ఈ ప్రయాణంలో నాకు తోడుగా నిలిచిన వారందరికీ కృతజ్ఞతలు" అని సంజయ్ దత్ తన ప్రకటనలో పేర్కొన్నారు.

ఏప్రిల్ 14న ప్రేక్షకుల ముందుకు కేజీఎఫ్ చిత్రం వసళ్ల వర్షాన్ని కురిపిస్తోంది. విడుదలైన 8 రోజుల్లోనే రూ.750 కోట్ల కలెక్షన్లతో దూసుకెళ్తోంది. హోంబలే ఫిల్మ్స్ పతాకంపై విజయ్ కిరగందూర్ నిర్మించిన ఈ చిత్రంలో శ్రీనిధి శెట్టి హీరోయిన్‌గా చేసింది. బాలీవుడ్ నటులు సంజయ్ దత్, రవీనా టాండన్ కీలక పాత్రలు పోషించారు. ప్రశాంత్ నీల్ దర్శకత్వం వహించిన ఈ సినిమా ఏప్రిల్ 14న ప్రేక్షకుల ముందుకు వచ్చి సూపర్ హిట్ టాక్ తెచ్చుకుంది.