Bobby Deol in HariHara Veera Mallu: హ‌రిహ‌ర‌వీర‌మ‌ల్లులో బాలీవుడ్ సీనియ‌ర్ హీరో

Bobby Deol in HariHara Veera Mallu: ప‌వ‌న్ క‌ళ్యాణ్ (Pawan kalyan)హీరోగా పీరియాడిక‌ల్ క‌థాంశంతో రూపొందుతోన్న చిత్రం హ‌రిహ‌ర‌వీర‌మ‌ల్లు. మొఘ‌లుల కాలానికి చెందిన ఓ బందిపోటు దొంగ క‌థ‌తో ప‌వ‌ర్‌ఫుల్ యాక్ష‌న్ ఎంట‌ర్‌టైన‌ర్‌గా ద‌ర్శ‌కుడు క్రిష్ ఈ సినిమాను తెర‌కెక్కిస్తోన్నారు. ఈ సినిమాలో బాలీవుడ్ సీనియ‌ర్ హీరో బాబీ డియోల్ కీల‌క పాత్ర‌లో న‌టించ‌నున్న‌ట్లు వార్త‌లు వినిపిస్తున్నాయి. మొఘ‌ల్ రాజు ఔరంగ‌జేబు పాత్ర‌లో బాబీడియోల్ క‌నిపించ‌బోతున్న‌ట్లు తెలిసింది.

ఇటీవ‌ల బాబీడియోల్‌ను క‌లిసిన క్రిష్ (Krish)అత‌డికి క‌థ‌ను వినిపించిన‌ట్లు చెబుతున్నారు. ఈ పీరియాడిక‌ల్ సినిమాలో న‌టించ‌డానికి బాబీ డియోల్ అంగీక‌రించిన‌ట్లు తెలిసింది.

న‌వంబ‌ర్‌లో బాబీడియోల్ హ‌రిహ‌ర‌వీర‌మ‌ల్లు షూటింగ్‌లో పాల్గొనే అవ‌కాశం ఉన్న‌ట్లు చెబుతున్నారు. హ‌రిహ‌ర‌వీర‌మ‌ల్లు తాజా షెడ్యూల్ ఇటీవ‌ల ప్రారంభ‌మైంది. హైద‌రాబాద్‌లో వేసిన స్పెష‌ల్ సెట్స్‌లో ప‌వ‌న్‌క‌ళ్యాణ్‌తో పాటు ప్ర‌ధాన తారాగ‌ణంపై కీల‌క స‌న్నివేశాల‌ను ద‌ర్శ‌కుడు క్రిష్ తెర‌కెక్కిస్తున్నారు.

న‌వంబ‌ర్ సెకండ్ వీక్ వ‌ర‌కు ఈ షెడ్యూల్ కొన‌సాగ‌నున్న‌ట్లు స‌మాచారం. ఈ సినిమాలో నిధి అగ‌ర్వాల్ (Nidhhi Agerwal) హీరోయిన్‌గా న‌టిస్తోంది. పంచ‌మి అనే పాత్ర‌లో ఆమె క‌నిపించ‌బోతున్న‌ది. కీర‌వాణి (MM Keeravani) సంగీతాన్ని అందిస్తున్నాడు.

వ‌చ్చే ఏడాది మార్చి 30న ఈ సినిమాను రిలీజ్ చేసేందుకు చిత్ర నిర్మాత‌లు ప్లాన్ చేస్తున్నారు. ఈ పీరియాడిక‌ల్ సినిమా కోసం యుద్ధ విద్య‌ల్లో ప‌వ‌న్ క‌ళ్యాణ్ ప్ర‌త్యేకంగా శిక్ష‌ణ తీసుకున్నాడు