Bimbisara Twitter Review: బొమ్మ సూపర్ హిట్ అంటున్న ఫ్యాన్స్

నందమూరి కల్యాణ్‌రామ్‌ చాలా రోజుల తర్వాత ఓ వెరైటీ కథతో ప్రేక్షకుల ముందుకు వచ్చాడు. హిస్టారికల్‌ ఫ్యాంటసీకి టైమ్‌ ట్రావెల్‌ను జోడించి ఫ్యాన్స్‌ను ఉర్రూతలూగించాడు. అసలు రెండు ట్రైలర్లతోనే ఈ మూవీపై అంచనాలు భారీగా పెరిగిపోగా.. ఇప్పుడు సినిమా కూడా అదే రేంజ్‌లో ఉన్నట్లు ఫ్యాన్స్‌ ట్విటర్‌లో ట్వీట్లు పెడుతున్నారు.

బొమ్మ సూపర్‌ హిట్‌ అని వాళ్లు తేల్చేశారు. వశిష్ట్‌ మల్లిడి డైరెక్షన్‌లో ఈ మూవీ వచ్చింది. అయితే ఈ సినిమా చూస్తే ఈ డైరెక్టర్‌కు ఇదే తొలి మూవీ అంటే నమ్మబుద్ధి కావడం లేదని, ఎంతో అనుభవం ఉన్న డైరెక్టర్‌లాగా సినిమాను తీశాడని ఓ యూజర్‌ ట్విటర్‌లో రాశాడు. ముఖ్యంగా కల్యాణ్‌ రామ్‌ నటకు ఫ్యాన్స్‌ ఫిదా అవుతున్నారు. అతన్ని ఓ ఇంతకుముందెప్పుడూ చూడని క్యారెక్టర్‌లో చూసి మురిసిపోతున్నారు.

కల్యాణ్‌ రామ్‌ ఎంట్రీ సీన్‌, బ్యాగ్‌గ్రౌండ్‌ మ్యూజిక్‌, సాంగ్స్‌, పాటలు, సెకండాప్‌ రచ్చ రచ్చ అంటూ మరో యూజర్‌ ట్విటర్‌లో తన రివ్యూ రాశాడు. ఈ మూవీకి సంబంధించి థియేటర్లలో తీసిన కొన్ని వీడియోలను కూడా షేర్‌ చేస్తున్నారు. చాలా రోజుల తర్వాత తెలుగులో ఓ బెస్ట్‌ మూవీ వచ్చిందని, ఇది మళ్లీ ప్రేక్షకులను థియేటర్లకు తీసుకొస్తుందని మరో యూజర్‌ అనడం విశేషం.

ఇంటర్వెల్‌ బ్యాంగ్‌ గూస్‌బంప్స్‌ తెప్పించాయని మరో వ్యక్తి ట్వీట్‌ చేశాడు. ఈ మూవీ పూర్తిగా కల్యాణ్‌ రామ్‌ వన్‌ మ్యాన్‌ షో అంటూ చాలా మంది ఫ్యాన్స్‌ తేల్చేశారు. క్లాసిక్‌ బ్లాక్‌ బస్టర్‌, ఫీల్‌ గుడ్‌ టైమ్‌ ట్రావెల్‌ మూవీ అంటూ మరో అభిమాని ట్విటర్‌లో తన రివ్యూ చెప్పాడు. స్టోరీ చెప్పిన విధానం, ఎడిటింగ్‌ కూడా చాలా బాగుందని మరికొందరు యూజర్లు ట్వీట చేశారు. ట్విటర్‌లో చాలా వరకూ పాజిటివ్‌ రివ్యూలే రావడం విశేషం. ఆ లెక్కన కల్యాణ్‌రామ్‌ మరో హిట్‌ కొట్టినట్లే.