Bigg Boss Vj Sunny New Movie: ఫుల్ ఎంట‌ర్‌టైన్‌మెంట్ ప‌క్కా అంటోన్న బిగ్‌బాస్ విన్న‌ర్ వీజే స‌న్నీ

Bigg Boss Vj Sunny New Movie: ఇటీవ‌లే ఏటీఎమ్ వెబ్‌సిరీస్‌తో ప్రేక్ష‌కుల ముందుకొచ్చాడు బిగ్‌బాస్ విన్న‌ర్ వీజే స‌న్నీ. మాస్ క్యారెక్ట‌ర్‌లో అద‌ర‌గొట్టాడు. ఓ వైపు వెబ్‌సిరీస్‌ల‌పై దృష్టిసారిస్తూనే వ‌రుస‌గా సినిమాల‌కు గ్రీన్‌సిగ్న‌ల్ ఇస్తున్నాడు వీజే స‌న్నీ. అత‌డు హీరోగా ఫుల్ మూన్ మీడియా ప్రొడ‌క్ష‌న్స్ ప‌తాకంపై రూపొందుతోన్న కొత్త సినిమా ఇటీవ‌ల ప్రారంభ‌మైంది.

ఈ సినిమాతో ర‌చ‌యిత సంజ‌య్ ద‌ర్శ‌కుడిగా అరంగేట్రం చేస్తోన్నారు. వి. జ‌య‌శంక‌ర్ ద‌ర్శ‌క‌త్వ ప‌ర్య‌వేక్ష‌కుడిగా వ్య‌వ‌హ‌రిస్తోన్నాడు. ఔట్ అండ్ ఔట్ ఎంట‌ర్‌టైన‌ర్‌గా రూపొంద‌నున్న ఈ సినిమాలో వీజే స‌న్నీ క్యారెక్ట‌ర్ డిఫ‌రెంట్‌గా ఉంటుంద‌ని స‌మాచారం.

గురువారం నుంచి ఈ సినిమా రెగ్యుల‌ర్ షూటింగ్‌ను మొద‌లుపెట్టారు. సింగిల్ షెడ్యూల్‌లో సినిమాను కంప్లీట్ చేయ‌బోతున్న‌ట్లు చిత్ర యూనిట్ వెల్ల‌డించింది. త్వ‌ర‌లోనే టైటిల్‌తో పాటు ఇత‌ర వివ‌రాల్ని ప్ర‌క‌టిస్తామ‌ని తెలిపింది. ఈ సినిమాలో వీజే స‌న్నీతో పాటు శివ‌న్నారాయ‌ణ‌, శైల‌జ ప్రియ‌, స‌ప్త‌గిరి ప్ర‌ధాన పాత్ర‌ల్లో న‌టిస్తోన్నారు.

ఈ సినిమాకు మ‌దీన్ సంగీతాన్ని అందిస్తోన్నాడు. ప్ర‌స్తుతం అన్‌స్టాప‌బుల్ పేరుతో మ‌రో సినిమా చేస్తోన్నాడు వీజే స‌న్నీ. డైమండ్ ర‌త్న‌బాబు ద‌ర్శ‌క‌త్వం వ‌హిస్తోన్న ఈ సినిమా త్వ‌ర‌లో రిలీజ్ కానుంది.