Bigg Boss Telugu 8 Finale Live: బిగ్ బాస్ విన్నర్ నిఖిల్.. రన్నరప్‌గా గౌతమ్.. ప్రకటించిన రామ్ చరణ్
15 December 2024, 19:41 IST
- Bigg Boss Telugu 8 Winner And Runner Up Today Grand Finale Highlights: బిగ్ బాస్ తెలుగు 8 విన్నర్ ఎవరో ఇవాళ (డిసెంబర్ 15) జరిగే గ్రాండ్ ఫినాలే ఈవెంట్‌లో తేలిపోనుంది. బిగ్ బాస్ 8 తెలుగు విన్నర్, ప్రైజ్ మనీ, రెమ్యునరేషన్, గ్రాండ్ ఫినాలే గెస్ట్, వచ్చే స్టార్ సెలబ్రిటీలు ఎవరో ఇక్కడ తెలుసుకుందాం.
బిగ్ బాస్ విన్నర్ నిఖిల్
బిగ్ బాస్ తెలుగు 8 విన్నర్‌గా నిఖిల్ మలియక్కల్ నిలిచినట్లు బీబీ వర్గాల నుంచి సమాచారం అందింది. ఇక రన్నరప్‌గా గౌతమ్ కృష్ణ నలిచినట్లు తెలుస్తోంది. బిగ్ బాస్ 8 తెలుగు టైటిల్ విన్నర్‌గా నిఖిల్‌ను రామ్ చరణ్ ప్రకటించినట్లు సమాచారం.
కంటెస్టెంట్స్ డ్యాన్స్
టాప్ 5 కంటెస్టెంట్స్ డ్యాన్స్ పర్ఫామెన్స్ చూపిస్తున్నారు. పుష్ప 2 టైటిల్ సాంగ్‌పై గౌతమ్ డ్యాన్స్ పర్ఫామెన్స్ ఇచ్చాడు. డబుల్ ఇస్మార్ట్ శంకర్ పాటపై నబీల్ డ్యాన్స్ చేశాడు.
టేస్టీ తేజకు నాగార్జున డ్రెస్
బిగ్ బాస్ ఫినాలే కోసమే స్పెషల్‌గా డ్రెస్ డిజైన్ చేసుకుని వచ్చానని టేస్టీ తేజ అన్నాడు. దానికి వైట్ కలర్, హారిజాంటల్ లైన్స్ లావుగా ఉన్నవాళ్లకు సూట్ కావు. ముందు పెళ్లి చేసుకో అప్పుడు నేను నీకు ఏం వేసుకోవాలో చెబుతాను అని నాగార్జున అన్నాడు.
తేజ పోహా వల్లే ఆరోగ్యం పాడైంది
బిగ్ బాస్ ఫినాలేకి వచ్చిన ఎలిమినేషన్ కంటెస్టెంట్స్ ఒక్కొక్కరి గురించి చెప్పుకున్నాారు. టేస్టీ తేజ పెట్టిన పోహా వల్లే ఆరోగ్యం పాడైందని బిగ్ బాస్ గంగవ్వ చెప్పింది. అది నాగార్జునకు అర్థం కాకపోవడంతో రోహిణి అర్థమయ్యేలా వివరించింది.
ఎలిమినేట్ కంటెస్టెంట్స్ ఎంట్రీ
బగ్ బాస్ తెలుగు 8 గ్రాండ్ ఫినాలే ప్రారంభం అయింది. హోస్ట్ నాగార్జునతోపాటు ఎలిమినేట్ అయిన కంటెస్టెంట్స్ స్టేజీపైకి ఎంట్రీ ఇచ్చారు.
రామ్ చరణే స్పెషల్ గెస్ట్
ఎన్నో రూమర్స్ తర్వాత బిగ్ బాస్ తెలుగు 8 గ్రాండ్ ఫినాలేకు గెస్టుగా రామ్ చరణ్ వస్తున్నాడని కన్ఫర్మ్ అయింది. వీడియో రిలీజ్ చేసి మరి గ్లోబల్ స్టార్ బిగ్ బాస్ ఫినాలే గెస్ట్ అని చెప్పేసింది స్టార్ మా.
300 మంది పోలీసుల బందోబస్తు
బిగ్ బాస్ తెలుగు 8 గ్రాండ్ ఫినాలే రోజున జరిగిన పల్లవి ప్రశాంత్ ఎఫెక్ట్‌తో ఇవాళ పోలీసులు జాగ్రత్త చర్యలు చేపట్టారు. జూబ్లీహిల్స్ లోని అన్నపూర్ణయ స్టూడియో వద్ద ఆంక్షలు విధిస్తూ 300 మంది పోలీసులను బందోబస్త్‌గా ఉంచారు. ఇవాళ బిగ్ బాస్ 8 తెలుగు విన్నర్‌ను ప్రకటించనున్న నేపథ్యంలో ఎలాంటి అవాంఛనీయ సంఘటనలు జరగకుండా చర్యలు చేపట్టారు.
పోలీసుల వార్నింగ్
బిగ్ బాస్ తెలుగు 8 విన్నర్‌ను ప్రకటించిన తర్వాత ఎలాంటి సెలబ్రేషన్స్, ర్యాలీలు నిర్వహించొద్దని పోలీసులు ఆంక్షలు విధించారు. విన్నర్ అయినా రన్నరప్ అయిన డిసెంబర్ 16 ఉదయం మూడు గంటలకు బయటకు పంపించున్నారని సమాచారం.
ప్రైజ్ మనీకి పడని ప్రేరణ
శనివారం (డిసెంబర్ 14) జరిగిన బిగ్ బాస్ తెలుగు 8 ఫినాలే ఎపిసోడ్ షూటింగ్‌లో టాప్ 4 కంటెస్టెంట్ స్థానంలో ప్రేరణను హీరోయిన్ ప్రగ్యా జైస్వాల్ ఎలిమినేట్ చేసి బయటకు తీసుకొచ్చింది. బిగ్ బాస్ ప్రైజ్ మనీలోని రూ. 15 లక్షలు ఆశ చూపించిన ప్రేరణ తీసుకోలేదు. దాంతో ఎలిమినేట్ అయింది ప్రేరణ.
అవినాష్ ఎలిమినేట్
బిగ్ బాస్ తెలుగు 8 గ్రాండ్ ఫినాలే ఎపిసోడ్ షూటింగ్ కొంత భాగం శనివారం నాడే జరిగింది. అందులో టాప్ 5 కంటెస్టెంట్‌గా అవినాష్ ఎలిమినేట్ అయ్యాడు. అవినాష్‌ను కన్నడ స్టార్ హీరో ఉపేంద్ర బయటకు తీసుకొచ్చారని సమాచారం.
బిగ్ బాస్ ప్రైజ్ మనీ
బిగ్ బాస్ తెలుగు 8 ప్రైజ్ మనీ రూ. 55 లక్షలు అని ఇవాళ విడుదల చేసిన ప్రోమోలో నాగార్జున చెప్పారు. అంతేకాకుండా ఏ తెలుగు సీజన్‌లోను లేనంతగా ఈ సీజన్‌లో ప్రైజ్ మనీ ఉంది. ఇప్పటివరకు ప్రతి సీజన్‌లో రూ. 50 లక్షల వరకు మాత్రమే ప్రైజ్ మనీ ఉండేది.
టాప్ 2 కంటెస్టెంట్స్
టాప్ 5 ఫైనలిస్ట్స్‌గా అవినాష్, నిఖిల్, గౌతమ్, ప్రేరణ ఉన్నారు. ఇవాళ వీరి నుంచి ఒక్కొక్కరిని ఎలిమినేట్ చేస్తూ టాప్ 2 కంటెస్టెంట్స్ ను ఉంచనున్నారు.
6వ వారం నుంచి ఎలిమినేషన్స్
వైల్డ్ కార్డ్ కంటెస్టెంట్స్ వచ్చాక.. బిగ్ బాస్ తెలుగు 8 నుంచి మొదటగా కిర్రాక్ సీత, ఆ తర్వాత నయని పావని, మెహూబబ్ దిల్ సే, నాగ మణికంఠ, గంగవ్వ, హరితేజ, టేస్టీ తేజ, పృథ్వీరాజ్, రోహిణి, విష్ణుప్రియ ఎలిమినేట్ అయి వెళ్లిపోయారు.
వైల్డ్ కార్డ్ కంటెస్టెంట్స్ ఎంట్రీ
బిగ్ బాస్ తెలుగు 8 ఐదో వారం ఇద్దరు ఎలిమినేట్ అయ్యారు. అదే వారం వైల్డ్ కార్డ్ కంటెస్టెంట్స్‌గా కొత్తగా 8 మంది హౌజ్‌లోకి అడుగుపెట్టారు. వారిలో
1. హరితేజ
2. టేస్టీ తేజ
3. నయని పావని
4. మెహబూబ్ దిల్ సే
5. జబర్దస్త్ రోహిణి
6. గౌతమ్ కృష్ణ
7. జబర్దస్త్ అవినాష్
8. గంగవ్వ ఉన్నారు.
అల్లు అర్జున్‌కు బదులుగా
బిగ్ బాస్ తెలుగు 8 గ్రాండ్ ఫినాలేకు రామ్ చరణ్ స్పెషల్ గెస్ట్‌గా రానున్నారని ప్రచారం జరుగుతోంది. అయితే, మొదటగా అల్లు అర్జున్‌ను చీఫ్ గెస్ట్‌గా వస్తారని ప్రచారం జరిగింది. కానీ, అల్లు అర్జున్ అరెస్ట్, బెయిల్ నేపథ్యంలో బన్నీ స్థానంలో రామ్ చరణ్‌ను బీబీ నిర్వహాకులు సంప్రదించినట్లు టాక్ నడుస్తోంది. మరి బిగ్ బాస్ ఫినాలేకు ఎవరు గెస్ట్‌గా రానున్నారో ఇవాళ రాత్రి 7 గంటల వరకు ఆగాల్సిందే.
బిగ్ బాస్ ఎలిమినేషన్స్
బిగ్ బాస్ తెలుగు 8 నుంచి నాలుగో వారం సోనియా ఆకుల ఎలిమినేట్ అయి వెళ్లిపోయింది. నిఖిల్‌తో ఆమె వ్యవహరించిన తీరు చాలా నెగెటివిటీ తీసుకొచ్చింది. ఇక ఐదో వారం మిడ్ వీక్‌లో భాగంగా ఆదిత్య ఓం ఎలిమినేట్ అయ్యాడు. తర్వాత అదే వారం వీకెండ్‌‌లో నైనిక ఎవిక్షన్‌కు గురి అయింది.
మూడో వారం ఎలిమినేట్ ఎవరంటే?
బిగ్ బాస్ తెలుగు 8 సీజన్‌లో నాలుగో వారం అభయ్ నవీన్ ఎలిమినేట్ అయి వెళ్లిపోయాడు. బిగ్ బాస్‌ను, బీబీ టీమ్‌ను అనవసరంగా తిట్టి నోరు జారాడు. దాంతో ఆడియెన్స్ బుద్ధి చెప్పినట్లుగా ఎలిమినేట్ చేశారు.
బిగ్ బాస్ రెండో ఎలిమినేషన్
బిగ్ బాస్ తెలుగు 8 రెండో వారం ఆర్జే శేఖర్ బాషా ఎలిమినేట్ అయి వెళ్లిపోయాడు. అయితే, ఎలిమినేట్ అయినందుకు శేఖర్ బాషా చాలా సంతోషించాడు. ఎందుకంటే ఆ సమయంలో శేఖర్ బాషా భార్య పండండి మగబిడ్డకు జన్మనిచ్చింది.
బిగ్ బాస్ మొదటి ఎలిమినేషన్
బిగ్ బాస్ తెలుగు 8 మొదటి వారం యూట్యూబర్ బేబక్క ఎలిమినేట్ అయి వెళ్లిపోయింది. ఆమె సింగర్‌గా మధు నెక్కంటి పేరుతో ప్రేక్షకులకు పరిచయం.
జోడీలుగా బిగ్ బాస్ తెలుగు 8 కంటెస్టెంట్స్
బిగ్ బాస్ తెలుగు 8 కంటెస్టెంట్స్‌గా 14 మంది బడ్డీలుగా ఎంట్రీ ఇచ్చారు. అంటే, హౌజ్‌లోకి ఒక్కొక్కరు కాకుండా జంటలుగా వెళ్లారు. అలా
మొదటగా యష్మీ గౌడ- ఆమె బడ్డీగా రెండో కంటెస్టెంట్‌గా నిఖిల్ మలియక్కల్
3. అభయ్ నవీన్- 4. ప్రేరణ కంబం
5. ఆదిత్య ఓం- 6. సోనియా ఆకుల
7. బెజవాడ బేబక్క- 8. ఆర్జే శేఖర్ బాషా
9. కిర్రాక్ సీత- 10. నాగ మణికంఠ
11. పృథ్వీరాజ్ - 12. విష్ణుప్రియ
13. నైనిక - 14. నబీల్ అఫ్రిది జోడీలుగా బిగ్ బాస్ హౌజ్‌లోకి అడుగు పెట్టారు.
బిగ్ బాస్ తెలుగు 8 ప్రారంభ తేది
బిగ్ బాస్ తెలుగు 8 సీజన్ సెప్టెంబర్ 1న అట్టహాసంగా ప్రారంభం అయింది. ఎప్పటిలాగే బిగ్ బాస్ 8 తెలుగు సీజన్‌కు హోస్ట్‌గా నాగార్జున ఉన్నారు. బిగ్ బాస్ తెలుగు 8లోకి మొదటగా కంటెస్టెంట్స్‌గా 14 మంది సెలబ్రిటీలు అడుగుపెట్టారు.