Bigg Boss Elimination: ఎలిమినేషన్‌లో ఊహించని ట్విస్ట్.. మళ్లీ ఆమెను కాపాడేందుకే!

Bigg Boss 7 Telugu 8th Week Elimination: బిగ్ బాస్ 7 తెలుగు సీజన్ ప్రారంభమైనప్పటి నుంచి ఇప్పటివరకు హౌజ్ నుంచి అంతా అమ్మాయిలే ఎలిమినేట్ అయి వెళ్లిపోయారు. మొదటి వారం కిరణ్ రాథోడ్, రెండో వారం షకీలా, మూడో వారం సింగర్ దామిని, నాలుగోవారం రతిక, ఐదోవారం శుభ శ్రీ రాయగురు ఎలిమినేట్ అయి వెళ్లిపోయారు. ఐదోవారానికి బిగ్ బాస్ 2.0 అంటూ వైల్డ్ కార్డుతో మరో ఐదుగురు కంటెస్టెంట్స్ ఎంట్రీ ఇచ్చారు.

నామినేషన్లలో 8 మంది

వైల్డ్ కార్డుతో వచ్చిన వారిలో మొదటి వారానికే (ఆరో వారం) హాట్ బ్యూటి నయని పావని ఎలిమినేట్ అయి వెళ్లిపోయింది. ఇక ఏడో వారం పూజా మూర్తి ఎలిమినేట్ కాగా.. రతిక రోజ్ రీ ఎంట్రీ ఇచ్చేసింది. ఇప్పుడు బిగ్ బాస్ 7 ఎనిమిదో వారానికి వచ్చేసింది. ఎనిమిదో వారం నామినేషన్లలో ప్రియాంక జైన్, శివాజీ, అమర్ దీప్ చౌదరి, శోభా శెట్టి, ఆట సందీప్, సింగర్ భోలే, గౌతమ్ కృష్ణ, అశ్విని శ్రీ మొత్తంగా 8 మంది ఉన్నారు. వీరిలో మొదటి వారం నుంచి శివాజీ, అమర్‌కు అత్యధిక ఓటింగ్ నమోదు అవుతోంది.

మళ్లీ కాపాడే అవకాశం

నామినేషన్‌లో ప్రశాంత్, యావర్ లేకపోయేసరికి వారి ఓట్లు కూడా శివాజీకి పడుతున్నాయి. అలాగే వీరి గ్యాంగ్‌లోకి చేరిన సింగర్ భోలేకి సైతం ఓట్లు పడటంతో మూడో స్థానంతో పదిలంగా ఉన్నాడు. అయితే చివరి రెండు స్థానాల్లో అశ్విని, శోభా శెట్టి ఉన్నారు. అరుపులు, గొడవలు, కేకలు వేస్తూ శోభా బాగా కంటెంట్ ఇస్తోంది. ఇదివరకు కాపాడినట్లే మళ్లీ శోభా శెట్టిని ఈ వారం బిగ్ బాస్ కాపాడే అవకాశం ఉందని తెలుస్తోంది. ఆరో వారం ఎలిమినేట్ కావాల్సిన శోభాకు బదులు నయనిని బలి చేశాడు బిగ్ బాస్.

నో ఎలిమినేషన్

ఇప్పుడు ఎనిమిదో వారం మళ్లీ శోభానే తక్కువ ఓట్లతో పాతాళానికి పడిపోయింది. ఆమె ఉంటే హౌజ్‌లో గొడవలు, అసలైన మజా రాదనుకుంటున్న బిగ్ బాస్ ఈవారం కూడా ఆమెను సేవ్ చేసే పనిలో పడ్డాడట. ఆమెకు బదులు అశ్విని శ్రీని ఎలిమినేట్ చేసే అవకాశం ఉందని తెలుస్తోంది. లేదా ఈవారం మొత్తానికి ఎలిమినేషన్ లేకుండా ఊహించని ట్విస్ట్ ఇచ్చే ఛాన్సెస్ ఉన్నాయని టాక్.