Bigg Boss Telugu 7 Elimination: అనుకున్నదే జరిగింది.. నామినేట్ అయిన తొలిసారే హౌస్ నుంచి అతడు ఎలిమినేట్.. శోభ మళ్లీ సేవ్

Bigg Boss 7 Telugu Elimination - Sandeep: బిగ్‍బాస్ 7వ సీజన్‍లో మరో ఎలిమినేషన్ జరిగింది. మరో కంటెస్టెంట్ హౌస్ నుంచి బయటికి వెళ్లారు. బిగ్‍బాస్ 8వ వారం ఎలిమినేషన్ ప్రక్రియ ఆదివారం (అక్టోబర్ 29) సాగింది. వీకెండ్ కావటంతో కంటెస్టెంట్లతో కొన్ని ఫన్నీ గేమ్స్ ఆడించారు నాగార్జున. ఎలిమినేషన్ ప్రక్రియ కూడా సాగింది. ఈ 8వ వారం కొరియోగ్రాఫర్ సందీప్ మాస్టర్ హౌస్ నుంచి ఎలిమినేట్ అయ్యారు. 7వ సీజన్‍లో తొలి ఏడు వారాలు మహిళా కంటెస్టెంట్లు హౌస్ నుంచి బయటికి వెళ్లగా.. తొలిసారి పురుష కంటెస్టెంట్ ఎలిమినేట్ అయ్యారు. వివరాలివే..

బోటులో ఇద్దరి ఫొటోలను ఉంచి.. ఒకవేళ బోటు ముగినిపోతే ఎవరిని కాపాడతారు.. ఎవరిని తోసేస్తారంటూ కంటెస్టెంట్లతో ఆట ఆడించారు నాగార్జున. ఇలా అందరు కంటెస్టెంట్లు ఈ గేమ్ ఆడారు. ఇది చాలా ఫన్‍గా సాగింది. హెడ్‍ఫోన్స్ పెట్టుకొని.. ఎదురుగా ఉండే కంటెస్టెంట్ చెప్పే డైలాగ్ గెస్ చేయాలంటూ మరో గేమ్ పెట్టారు నాగార్జున. ఇది కూడా చాలా సరదాగా సాగింది. కంటెస్టెంట్లపై మీమ్స్ కూడా నవ్వించాయి. ఈ గేమ్‍లతో పాటు ఎలిమినేషన్ ప్రక్రియ కూడా సాగింది.

బిగ్‍బాస్ తెలుగు 7వ సీజన్ 8వ వారంలో అమర్ దీప్, శివాజీ, భోలే షావలి, అశ్విని, గౌతమ్ కృష్ణ, ప్రియాంక, సందీప్, శోభా శెట్టి నామినేషన్లలో నిలిచారు. వీరి మధ్య ఎలిమినేషన్ ప్రక్రియ సాగింది. వీరిలో నుంచి క్రమంగా సందీప్, శోభ మినహా ఆరుగురు సేవ్ అయ్యారు. చివరికి డేంజర్ జోన్‍లో సందీప్, శోభా శెట్టి నిలిచారు.

సందీప్, శోభ మధ్య ఎలిమినేషన్ ప్రక్రియ కన్ఫెషన్ రూమ్‍లో హార్ట్ బీట్‍తో సాగింది. టీవీ స్క్రీన్లలో హార్ట్ బీట్‍ను చూపించారు నాగార్జున. ఎవరి ఫొటో పక్కన ఉన్న హార్ట్ బీట్ ఫ్లాట్ లైన్ అయితే వారు ఎలిమినేట్ అయినట్టు అని చెప్పారు. ఉత్కంఠగా ఇది సాగింది. ఇక చివరికి సందీప్ మాస్టర్ ఎలిమినేట్ అయ్యారు. శోభా శెట్టి మరోసారి ఎలిమినేషన్ గండం నుంచి సేవ్ అయింది. అయితే, శోభను సేవ్ చేసేందుకు సందీప్‍ను ఈ వారం బలిచేశారంటూ కొందరు నెటిజన్లు సోషల్ మీడియాలో ఆగ్రహం వ్యక్తం చేస్తున్నారు. ఇక, సందీప్ ఎలిమినేట్ అవడంతో శోభా శెట్టి కన్నీరు పెట్టుకున్నారు.

ప్రియాంక.. ఆల్ టైమ్ ఫేవరెట్

ఎలిమినేట్ అయ్యాక బిగ్‍బాస్ స్టేజీపైకి సందీప్ వచ్చారు. హౌస్‍లోని మిగిలిన కంటెస్టెంట్ల గురించి తన అభిప్రాయం చెప్పాలని సందీప్‍ను నాగార్జున అడిగారు. దీంతో శోభను ముందుగా చూసినప్పుడు అగ్రెసివ్ అనుకున్నానని, కానీ ఆమె చాలా సాఫ్ట్, చిన్నపిల్లలా ఉంటుందని చెప్పారు. యావర్ ఫిజికల్‍గా స్ట్రాంగ్‍గా కనిపించినా.. ఎమోషనల్ అని, నిజాయితీగా ఉంటాడని సందీప్ అన్నారు. శివాజీ బంగారం అని, హార్ట్ ఫుల్ పర్సన్ అని సందీప్ అభిప్రాయపడ్డారు. అమర్ తనకు బెస్ట్ ఫ్రెండ్ అయ్యారని అన్నారు. ప్రియాంక జైన్ తనకు ఆల్‍టైమ్ ఫేవరెట్ అని సందీప్ చెప్పారు. ఇలా హౌస్‍లోని వారిపై అభిప్రాయాలను చెప్పిన సందీప్.. ఆ తర్వాత వెళ్లిపోయారు.

బిగ్‍బాస్ 7వ సీజన్‍తో తొలిసారిగా 8వ వారం సందీప్ మాస్టర్ నామినేట్ అయ్యారు. తొలి ఐదు వారాలు ఇమ్యూనిటీ కారణంగా నామినేషన్లలోకి రాలేదు. ఆరోవారం నామినేషన్లలోకి వచ్చినా.. గౌతమ్ కృష్ణ స్పెషల్ పవర్‌తో కాపాడారు. ఇక, 8వ వారంలో సందీప్‍ను టేస్టీ తేజ నామినేట్ చేశారు. నామినేట్ అయిన తొలిసారే సందీప్ మాస్టర్ హౌస్‍లో నుంచి ఎలిమినేట్ అయ్యారు.