Bigg Boss Telugu 6: బిగ్‌ బాస్‌ 6 ప్రారంభమయ్యేది ఆ రోజే.. ప్రోమో వచ్చేసింది

సస్పెన్స్‌కు తెరపడింది. బిగ్‌బాస్‌ సీజన్‌ 6 ప్రారంభం కాబోయే తేదీని హాట్‌స్టార్‌ అధికారికంగా ప్రకటించింది. ఈ పాపులర్‌ రియాల్టీ షో సెప్టెంబర్‌ 4 నుంచి ప్రారంభం కానుంది. శుక్రవారం ఓ ప్రోమో ద్వారా హాట్‌స్టార్‌ ఈ బిగ్ అనౌన్స్‌మెంట్‌ చేసింది. ఈ సీజన్‌ను కూడా అక్కినేని నాగార్జున హోస్ట్‌ చేయనున్నాడు. అతనితోనే ఈ తాజా ప్రోమోను చేశారు.

ఈ లేటెస్ట్‌ ప్రోమోలో కొందరు గల్లీలో క్రికెట్‌ ఆడుతూ ఉంటారు. బ్యాటర్‌ రెడీగా ఉంటే.. బౌలర్‌ బౌలింగ్‌ చేయడానికి సిద్ధమవుతూ గంట కొట్టగానే అలా పరుగెత్తుకుంటూ ఇంట్లోకెళ్లిపోతాడు. వీడికేమైంది అనుకుంటూ బ్యాటర్‌ షాక్‌తో ఇటు చూసే సరికి ఎవరూ ఉండరు. ఈలోపు మన హీరో నాగార్జున.. అలా ఎర్రి మొహమేసుకొని సూత్తావేంటిరా అంటూ వచ్చేస్తాడు.

ఇక్కడ ఆట ఆగిందంటే.. అక్కడ అసలు ఆట మొదలైనట్లే అంటూ బిగ్‌బాస్‌ షోను అనౌన్స్‌ చేస్తాడు. లైఫ్‌లో ఏ మూమెంట్‌ అయినా బిగ్‌బాస్‌ తర్వాతే అంటూ నాగ్‌ తనదైన స్టైల్లో అదరగొట్టాడు. ఈ సీజన్‌ 6 ఎప్పుడు స్టార్ట్‌ అవుతుందా అని ఫ్యాన్స్‌ చాలా కాలంగా వెయిట్ చేస్తున్నారు. సెప్టెంబర్‌లో అవుతుందని కొంతకాలంగా వార్తలు వస్తున్నా.. కచ్చితమైన తేదీ తెలియలేదు.

ఇప్పుడు మేకర్సే అఫీషియల్‌గా డేట్‌ వెల్లడించడంతో బిగ్‌బాస్‌ అసలు సందడి మొదలు కానుంది. ఇప్పటికే ఇందులో కంటెస్టెంట్లు ఎవరు అన్నదానిపై ఉత్కంఠ వీడలేదు. ఎప్పటిలాగే సెలబ్రిటీలతోపాటు కామన్‌మెన్‌కు కూడా హౌజ్‌లో చోటివ్వనున్నారు. ఉదయభాను, శ్రీహాన్‌, నేహాలాంటి వాళ్లు ఈసారి హౌజ్‌లోకి రానున్నట్లు వార్తలు వస్తున్న విషయం తెలిసిందే.