Bigg Boss 7 Gautham Re Entry : బిగ్ బాస్ హౌస్‍లోకి గౌతమ్ రీఎంట్రీ.. వచ్చిరాగానే శివాజీతో ఫైట్

కిందటి వారం బిగ్ బాస్ లో డబుల్ ఎలిమినేషన్ జరిగింది. మంచి ఫ్రెండ్స్ అయిన శుభ శ్రీతోపాటుగా గౌతమ్ కూడా ఎలిమినేట్ అయ్యాడు. గౌతమ్ వెళ్లిపోతుంటే మళ్లీ పిలిచాడు నాగార్జున. ఇది ఉల్టా పుల్టా సీజన్ అన్నట్టుగానే గౌతమ్‍ను సీక్రెట్ రూమ్‍లోకి పంపించాడు. అక్కడే ఉండి గౌతమ్ అందరిని పరిశీలిస్తున్నాడు. మళ్లీ ఎంట్రీ ఇచ్చాక తన ఆట ఏంటో చూపిస్తున్నానని మాట్లాడాడు.

తేనె పూసి కత్తిలా కొందరూ ఉన్నారని, వారికి తగిన బుద్ధి చెప్పాలని గౌతమ్ డిసైడ్ అయ్యాడు. నేను మళ్లీ ఎంట్రీ ఇస్తే.. అక్కడున్న వాళ్లు ఎలా షాక్ అవుతారోనని చూడాలని ఉందని బిగ్ బాస్‍తో చెప్పాడు గౌతమ్. గ్రూపులుగా ఉన్నారని, తాను మాత్రం ఏ గ్రూపునకు చెందినవాడిని కాదని అనుకుంటున్నాడు. మన అనుకున్నవారే మోసం చేశారని గౌతమ్ చెప్పడం చూడొచ్చు. పెద్దరికం చూపిస్తూ.. వెన్నుపోటు పొడిచారని అన్నాడు. సూర్యుడికి మేఘాలు అడ్డురావని, వచ్చినా వెళ్లిపోతాయని తనను తాను సూర్యుడితో పోల్చుకున్నాడు. కాసేపటి తర్వాత గౌతమ్ హౌస్‍లోకి వెళ్లేందుకు సమయం అయిందని బిగ్ బాస్ చెప్పాడు.

దీనికోసం గౌతమ్ కూడా ఎంతగానో వెయిట్ చేస్తున్నాడు. సీక్రెట్ రూమ్‍లో అందరి ఆటను పరిశీలించిన అతడు.. ఎలా ఆడాలో ఓ క్లారిటీకి వచ్చినట్టుగా ఉన్నాడు. అయితే హౌస్‍లోకి గౌతమ్ వెళ్లేది ఆటగాడిగా కాదు.. పోటుగాడిగా. అంటే వైల్డ్ కార్డ్ ఎంట్రీ ద్వారా వచ్చిన పోటుగాళ్ల టీమ్‍లో గౌతమ్ ఒకడు.

మెుత్తానికి హౌస్‍లోకి వెళ్లాడు గౌతమ్. వెళ్తూనే రాననుకున్నారా? రాలేననుకున్నారా? అని అరిచాడు. అశ్వద్ధామ ఈజ్ బ్యాక్ అంటూ తనను పోల్చుకున్నాడు. తేనె పూసిన కత్తిని గొంతులో దింపారని, అయినా ఈ అశ్వద్ధామ చావడి అని పేర్కొన్నాడు. శివాజీ దగ్గరకు వచ్చి.. గౌతమ్ అయితే ఎక్కువ ఎంటర్టైన్ చేయలేడేమో అన్నారని, ఎంటర్టైన్మెంట్ అంటే ప్యాంట్ విప్పేసి తిరగడం కాదు కదా అని శివాజీకి సెటైర్ వేశాడు గౌతమ్.

గౌతమ్ అడిగిన ప్రశ్నతో శివాజీ ఫైర్ అయ్యాడు. బట్టలు విప్పడం ఎంటర్ట్మైన్మెంట్ అని అంటున్నావ్, బట్టలు లేకుండా 100 సినిమాల్లో చేశాను అని, నేను యాక్టర్ అని, ఏమైనా చేయగలను అంటూ శివాజీ సీరియస్ అయ్యాడు. సీక్రెట్ రూమ్ నుంచి వచ్చిన గౌతమ్ ప్రేక్షకులను మెప్పిస్తాడో లేదో చూడాలి..