Bigg Boss Telugu Winner: బిగ్ బాస్ టైటిల్ విన్నర్ రేస్‌లో ఆ ముగ్గురిదే హవా.. కప్పు కొట్టేది అతనే!

Bigg Boss 7 Telugu Winner Voting: బిగ్ బాస్ 7 తెలుగు సీజన్ తుది ఘట్టానికి చేరుకుంది. ఇంకా రెండు రోజుల్లో ఏడో సీజన్ ముగిసిపోనుంది. డిసెంబర్ 15 వరకు టైటిల్ విన్నర్ ఓటింగ్ పోల్స్ ఉంచుతారు. డిసెంబర్ 17న గ్రాండ్ ఫినాలే నిర్వహించి బిగ్ బాస్ 7 తెలుగు టైటిల్ విన్నర్ ఎవరనేది ప్రకటించనున్నారు నిర్వాహకులు. ఇందుకోసం సూపర్ స్టార్ మహేశ్ బాబును ముఖ్య అతిథిగా హాజరు కానున్నాడని రీసెంట్‌గా టాక్ వస్తున్న విషయం తెలిసిందే.

ఇక బిగ్ బాస్ 7 తెలుగు సీజన్‌లో ప్రస్తుతం శివాజీ, ప్రశాంత్, ప్రియాంక, అమర్ దీప్, అర్జున్ అంబటి, ప్రిన్స్ యావర్ మొత్తం ఆరుగురు కంటెస్టెంట్స్ ఉన్నారు. ఈ ఆరుగురు టాప్ 6లో ఫినాలేకు వెళ్లారు. ఇలా ఆరుగురు ఫినాలేకు వెళ్లడం ఇదే మొదటిసారి. ఎప్పుడైనా ఫినాలేలో టాప్ 5 కంటెస్టెంట్స్ ఉంటారు. ఈ ఆరుగురికి టైటిల్ విన్నర్ ఎవరనే విషయంలో పోలింగ్ జరుగుతోంది.

బిగ్ బాస్ 7 తెలుగు టైటిల్ విన్న ర్ రేసులో ముగ్గురు హోరా హోరాహీ పోటీ పడుతున్నారు. హీరో శివాజీ, రైతుబిడ్డ పల్లవి ప్రశాంత్, సీరియల్ హీరో అమర్ దీప్ చౌదరి ఈ ముగ్గురికి పోటాపోటీగా ఓటింగ్ నమోదు అవుతున్నట్లు బిగ్ బాస్ వర్గాల నుంచి వస్తున్న సమాచారం. అయితే, ఈ ముగ్గురిలో టైటిల్ విన్నర్ ఎవరనేది ఆసక్తిగా మారింది. ఈ ముగ్గురికి ప్రజల నుంచి ఓటింగ్ కాస్తా అటు ఇటుగా ఉంటోందట. ఈ ముగ్గురిగా అధికంగా ఓట్స్ పడుతున్నాయని తెలుస్తోంది.

అయితే, అన్ అఫీషియల్ ఓటింగ్స్‌లో మాత్రం ఎక్కువగా రైతుబిడ్డ పల్లవి ప్రశాంత్‌కు అధిక ఓట్లు నమోదు అవుతున్నట్లు సమాచారం. ప్రశాంత్ తర్వాత హీరో శివాజీ, మూడో ప్లేసులో అమర్ దీప్ ఉన్నట్లు తెలుస్తోంది. పేరుకు అన్ అఫీషియల్ ఓట్స్ అయినా.. దాదాపు అవి విజేతను నిర్ణయించడంలో కీలకపాత్ర పోషిస్తాయి. ఈ రకంగా చూసుకుంటే బిగ్ బాస్ 7 తెలుగు టైటిల్ విన్నర్‌గా పల్లవి ప్రశాంత్, రన్నరప్‌గా శివాజీ, మూడో స్థానంలో అమర్ దీప్ చౌదరి ఉన్నట్లు తెలుస్తోంది.