Actor Sivaji: షాకింగ్.. హీరో శివాజీపై వేటు.. దెబ్బ మీద దెబ్బ.. సీరియస్‌గా తీసుకున్న బిగ్ బాస్

Bigg Boss 7 Telugu September 30th Episode: బిగ్ బాస్ 7 తెలుగు ప్రతి శని వారం కంటెస్టెంట్స్ గేమ్, బిహేవియర్‌పై హోస్ట్ నాగార్జున రివ్యూ చేయడం, సలహాలు, వార్నింగ్‌లు వంటివి చేస్తాడన్న విషయం తెలిసిందే. గత శనివారం నాటి ఎపిసోడ్‌లో దాదాపు కంటెస్టెంట్స్ అందరికి తలంటాడు నాగార్జున. ఆ వారం మొత్తం చేసిన పనులపై తెగ సీరియస్ అయ్యాడు. తేజతో మొదలుపెట్టిన వార్నింగ్ హీరో శివాజీతో ముగిసింది.

ఎవరికైనా నష్టం

బిగ్ బాస్ హౌజ్‌లో హౌజ్‌మెట్స్ అయిన శివాజీ, ఆట సందీప్, శోభా శెట్టి ముగ్గురు సంచాలకులుగా నిర్వహించారు. ఈ ముగ్గురిని టాస్కుల్లో సంచాలకులుగా నియమించాడు బిగ్ బాస్. కొంతమంది సంచాలకుల నిర్ణయం వల్ల కొంతమంది కంటెస్టెంట్స్ నష్టపోయారు. ఈ విషయంపై ముగ్గురు సంచాలకుల్లో ఎవరూ పక్షపాతం చూపిస్తున్నారు, వారి వల్ల ఎవరికైనా నష్టం జరిగిందా అని నాగార్జున కంటెస్టెంట్స్ కు టాస్క్ ఇచ్చాడు. వీళ్ల ముగ్గురిలో సంచాలకులుగా ఫెయిల్ అయినవాళ్లు ఎవరో చెప్పాల్సిందిగా తెలిపాడు.

చెరో మూడు ఓట్లు

యాక్టివిటీ ఏరియాలో శివాజీకి అనర్హుడని అమర్ దీప్, రతిక రోజ్, గౌతమ్ ఓట్ చేశారు. సందీప్ అనర్హుడని యావర్, ప్రశాంత్, శుభ శ్రీ చెప్పారు. ప్రియాంక, తేజ ఎవరి పేరు చెప్పలేదు. తర్వాత హౌజ్‌లో ఇద్దరికి సమానంగా ఓట్స్ వచ్చాయని, సంచాలకులుగా ఎవరు అనర్హులో చెప్పాల్సిందిగా ఓటింగ్ నిర్వహించారు నాగార్జున. ఇందులో ప్రియాంక, టేస్టీ తేజ, శోభా శెట్టి కూడా శివాజీ అని చెప్పారు. దీంతో ఆరు ఓట్లతో శివాజీకి అనర్హుడిగా డిక్లేర్ చేశారు.

కంటెస్టెంట్‌గా పడేయండి

శివాజీ పవరాస్త్రను తీసుకురమ్మని చెప్పిన నాగార్జున దాన్ని పగలగొట్టమని శోభాకు చెప్పాడు. దీంతో శివాజీ పవరాస్త్రను సుత్తితో పగులగొట్టింది శోభా. ఇలా శివాజీపై అనర్హుడి వేటు పడింది. అయితే, అంతకుముందు ఎపిసోడ్‌లో తనపై అందరూ నెగెటివిటీ పెంచుకోవడంతో.. నాకు హౌజ్‌మేట్ వద్దు, కంటెస్టెంట్‌గా ఉండాలని శివాజీ కోరాడు. గాలా టాస్క్ తర్వాత నన్ను కంటెస్టెంట్‌గా పడేయండి బిగ్ బాస్ అని చెప్పుకున్నాడు. బిగ్ బాస్ దాన్ని ఎలా చెప్పినా.. బిగ్ బాస్ మాత్రం సీరియస్‌గా తీసుకున్నాడని తెలుస్తోంది.

దెబ్బ మీద దెబ్బ

అంతేకాకుండా హీరో శివాజీపై వరుసగా ఆరోపణలు వచ్చాయి. శివాజీ ప్రవర్తనతో తనకు అన్ కంఫర్టబుల్‌గా అనిపించిందని శుభ శ్రీ చెప్పింది. అది తన అభిప్రాయం అని నాగ్ చెప్పారు. స్మైలీ టాస్క్ లో గౌతమ్‌పై తేజ చేసిన ఫిజికల్ ఫోర్స్ ను ఆపకపోవడంపై నాగ్ సీరియస్ అయ్యారు. తర్వాత సంచాలుకుడిగా అనర్హుడి వేటు వేశారు. ఇలా శివాజీకి వరుసగా దెబ్బ మీద దెబ్బ తగిలింది.