Bigg Boss 7 Telugu : టేస్టీ తేజకు ఎలుకల మందు పెట్టాలని షకీలా ప్లాన్.. నాగర్జున షాక్

బిగ్ బాస్ 7 తెలుగు మెుదటి ఎలిమినేషన్ జరిగింది. కిరణ్ రాథోడ్‍ ఎలిమినేట్ అయింది. అయితే అంతకుముందు కాస్త ఫన్నీ ఫన్నీగా ఎపిసోడ్ సాగింది. హౌస్ మేట్స్ తో గుర్తుంచుకోవాల్సినవి, మరిచోపోవాలనుకున్న ఘటనల గురించి చెప్పే టాస్క్ ఇచ్చాడు నాగర్జున. గర్తుంచుకునే విషయమైతే.. లవ్ సింబల్ దగ్గర నిల్చోపెట్టాలి. మరిచిపోవాలనుకునే విషయమైతే.. క్రాస్ మార్క్ దగ్గర నిల్చోబెట్టాలి.

ఈ సందర్భంగా ఒక్కో కంటెస్టెంట్‍ను పిలిచి.. గుర్తుంచుకోవాల్సిన, మరిచిపోవాల్సిన విషయాల గురించి నాగర్జున చెప్పమని తెలిపాడు. శివాజీ మాటలు నమ్మి షకీలా అందరినీ భయపెట్టే ప్రయత్నం చేసిన విషయం తెలిసిందే. ఏదో దయ్యం పట్టినట్టుగా వ్యవహరించింది. ఇది చూసి టేస్టీ తేజ భయపడుతూనే ఆమెకు దగ్గరలోనే ఉన్నాడు. ఈ విషయాన్ని గుర్తుచేసుకున్నాడు తేజ. షకీలాను తీసుకొచ్చి డిస్ లైక్ దగ్గర నిలబెట్టాడు. ఆ రోజు చాలా భయపడ్డానని అలాంటి ఘటన మరొకటి రాకూడదని చెప్పుకొచ్చాడు.

ఇంట్లో చాలా ఎలుకలు ఉన్నాయని, మీరు పర్మిషన్ ఇస్తే.. తేజకు కూడా ఎలుకల మందు ఇస్తాను అని షకీలా ఫన్నీగా అన్నారు. నీకు అన్నం పెట్టేది నేనే.. ఎలుకల మందు కలుపుతానని కామెడీగా తేజతో చెప్పింది షకీలా. నాగర్జున షాక్ అయి.. ఆ తర్వాత నవ్వుకున్నాడు. తనకు శివాజీ టాస్క్ ఇస్తే.. చేశానని, అందరూ తననే అంటున్నట్టుగా వెల్లడించింది. ఇక లైక్‍లో శోభా శెట్టిని నిలబెట్టాడు తేజ. ఆమెను హౌస్ బయటనుంచి ఫాలో అవుతున్నట్టుగా తెలిపాడు. హౌస్‍లోకి వచ్చినప్పటి నుంచి పాజిటివ్ వైబ్స్ వచ్చాయని తెలిపాడు. శోభా కూడా తేజను లైక్ లో నిలబెట్టింది. తనకు ఇంట్లో వాళ్లు తప్పా ఎవరూ తినిపించలేదని ఎమోషనల్ అయింది. తేజ తనకు తినిపించడం స్పెషల్ అని చెప్పగా.. అతడు హౌస్‍లో ఉన్న ఆడవాళ్ల అందరికీ తినిపించాడని నాగర్జున కామెంట్స్ చేశాడు.

మెుత్తానికి ఈ వీకెండ్ ఎపిసోడ్ ద్వారా కంటెస్టెంట్లు కాస్త దగ్గర అయ్యారు. తమ మనసులోని విషయాలను పంచుకున్నారు. ఎవరు ఏ విషయం వల్ల బాధపడ్డారో తెలిపారు. మరిచిపోవాలనుకున్న విషయాలను వెల్లడించారు. ప్రియాంక్ జైన్, దామిని మెుదట్లో గొడవ పెట్టుకున్నా.. తర్వాత బెస్ట్ ఫ్రెండ్స్ అయ్యారు. ఇదే విషయాన్ని చెప్పుకొచ్చారు. అమర్ దీప్ ఆట గురించి శివాజీ మాట్లాడుతూ.. వేరేవాళ్ల గేమ్ ఆడేలా చేయాలనుకుంటున్నాడు కానీ అతడు ఆడటం లేదని సలహా ఇచ్చాడు. ఈ విషయంపై గౌతమ్ కృష్ణతో మాట్లాడాడు అమర్ దీప్. నువ్ అందరితో కలిసిపోవడం లేదని గౌతమ్ కృష్ణ చెప్పుకొచ్చాడు. అందరూ ఒక దగ్గర ఉంటే.. నువ్ ఒక్క దగ్గర ఉంటున్నావని తెలిపాడు. మిగతా వాళ్లతో కలిసి పోవడం లేదని చెప్పాడు. మెుత్తానికి బిగ్ బాస్ సీజన్ 7 తెలుగు సండే ఫండే ఎపిసోడ్ ఆసక్తిగా సాగింది. మెుదటి ఎలిమినేషన్‍లో కిరణ్ రాథోడ్ బయటకు వచ్చింది.