Bigg Boss 7 Elimination : ఎహే పోతే పోతా.. ఎలిమినేట్ కావాలనుకుంటున్న అమర్‍దీప్

బిగ్ బాస్ హౌస్‍లో(Bigg Boss House) మెుదటి కెప్టెన్సీ కోసం లెటర్స్ ఓపెన్ చేసే టాస్క్ పెట్టాడు బిగ్ బాస్. బడ్డీలో ఎవరో ఒకరు లెటర్ త్యాగం చేసి మరొకరికి కంటెండర్ షిప్ ఇవ్వాల్సి ఉంటుంది. ఆట సందీప్, అమర్‍దీప్ ఒక జట్టు.. సో ఇద్దరిలో ఎవరో ఒకరు లెటర్ తీసుకుని.. మరొకరు త్యాగం చేయాలి. ఈ సందర్భంగా.. ఇద్దరూ యాక్టివిటీ రూమ్‍లోకి వెళ్లారు. ఆట సందీప్ వాళ్ల అమ్మకు ఆరోగ్యం బాగాలేదు. దీంతో వాళ్ల అమ్మకు సంబంధించిన సమాచారం ఏదైనా ఉంటుందని చాలా ఎమోషనల్ అయ్యాడు. ఇక అమర్‍దీప్ కూడా లెటర్ చూసి.. ఎమోషనల్ అయినట్టుగా అనిపించింది.. కాదు కాదు.. కావాలనే నటించినట్టుగా అందరూ అనుకున్నారు.

లెటర్ చూడగానే.. అమర్‍దీప్ తన భార్యను గుర్తుచేసుకున్నాడు. కింద కూర్చున్నాడు. నీకోసం ఏం చేయలేదు ఇప్పటివరకూ అన్నాడు. కానీ సందీప్ మాస్టర్ వాళ్ల అమ్మ గురించి కాబట్టి త్యాగం చేస్తున్నానని చెప్పాడు. ఆ సమయంలో అతడి చేసింది మాత్రం చాలా మందికి నవ్వు తెప్పించింది. ఎందుకంటే.. వచ్చిన కంటెస్టెంట్స్ అందరూ ఎమోషనల్ అయ్యారు. అమర్‍దీప్ విషయానికి వస్తే.. మాత్రం ఎమోషనల్ అయినట్టు నటించినట్టుగా కనిపించింది. అక్కడ అతడు చేసింది చూసి.. చాలా మంది నవ్వుకున్నారు. మెుత్తానికి లెటర్‍తోపాటు కంటెండర్‍షిప్ త్యాగం చేసి వచ్చేశాడు అమర్.

ఇక కెప్టెన్ అయ్యేందుకు రంగు పడుద్ది ఆటను పెట్టాడు బిగ్ బాస్. ఇక్కడ కూడా అమర్‍దీప్ ప్రవర్తన చాలా మందికి కామెడీగా అనిపించింది. శివాజీతో వాదనకు దిగాడు. టాస్క్ జరుగుతుంటే మధ్య మధ్యలో ఏదేదో చెబుతున్నాడు. న్యాయంగా ఉండాలంటూ సంచాలక్‍ ప్రియాంకకు చెప్పాడు శివాజీ. అన్నా.. నువేం బాధపడకు.. కచ్చితంగా ప్రశాంత్ గెలుస్తాడని వేటకారం చేశాడు అమర్‍దీప్. దీంతో ఇద్దరికీ కాసేపు మాటల యుద్ధం నడిచింది.

చివరకు నేను నీతో మాట్లాడి వేస్ట్ అన్నట్టుగా చెప్పాడు శివాజీ. ఏం జరుగుతుందో జనాలు చూస్తున్నారని అన్నాడు. జనాలు చూస్తున్నారు.. కదా ఈ ఆదివారం నన్ను ఎలిమినేట్ చేసేయండని అమర్‍దీప్ కామెంట్స్ చేశాడు. లోపలకు వెళ్తూ.. కూడా ఎహే పోతా పోతా.. నన్ను పంపించేయండని అంటూ వెళ్లాడు. అసలు అందరూ ఏదేదో ఆడుతున్నారని, ప్రియాంక కూడా అని తనలో తానే మాట్లాడుకున్నాడు. ఒంటరిగా కూర్చున్నాడు. అసలు ఎవరూ కరెక్ట్ గా లేరని చెప్పాడు.

రంగు పడుద్ది టాస్క్ పూర్తి అయి ప్రశాంత్ గెలిచాడు. ఈ ఆటతో తనకు సంబంధం లేకున్నా.. ముఖానికి రంగు పూసుకున్నాడు అమర్‍దీప్. వెళ్లి ఒంటరిగా కూర్చున్నాడు. ప్రియాంక అతడి దగ్గరకు వెళ్లింది. నేను వేస్ట్.., ఈ హౌస్‍లో నేనొక వ్యర్థాన్ని అంటూ కామెంట్స్ చేశాడు. నేను మాట్లాడేందుకు కూడా పనికిరానట అంటూ శివాజీ గురించి చెప్పాడు. ఆమె ఏదో చెప్పేందుకు ప్రయత్నించినా పట్టించుకోలేదు. మెుత్తానికి తాజా ఎపిసోడ్‍లో అమర్‍దీప్ ప్రవర్తన మాత్రం చాలా మందికి నవ్వు తెప్పించింది. వీకెండ్ ఎపిసోడ్‍లో నాగర్జున ఏం అంటాడో చూడాలిక..