Bigg Boss Telugu: నువ్వు వెధవ అని చెబుతున్నాడు.. మళ్లీ అమర్ దీప్‌పై శివాజీ కామెంట్స్

Bigg Boss 7 Telugu Sivaji About Amardeep: బిగ్ బాస్ 7 తెలుగు ఫైనల్‌కు వచ్చేసింది. ఇంకా ఒక్క వారమే మిగిలి ఉంది. ఈ చివరి వారంలో టాప్ 6 కంటెస్టెంట్స్ బిగ్ బాస్ జర్నీ ప్లే చేశారు. అనంతరం హౌజ్ మేట్స్‌కు పాత టాస్క్‌లు, డిబేట్స్ ఇస్తూ షోను మరింత రసవత్తరంగా మారుస్తున్నాడు బిగ్ బాస్. ఈ క్రమంలోనే ఇంటి నుంచి వచ్చిన ఆహారం కోసం పాత టాస్క్‌లు ఇచ్చిన బిగ్ బాస్ తాజాగా ఓ డిబేట్ పెట్టాడు.

బిగ్ బాస్ షో ప్రసారం చేసే గంట సమయంలో ఎవరు ఎంత టైమ్ కనిపిస్తారో చెప్పమంటూ ఓ టాస్క్ ఇచ్చాడు పెద్దయ్య. మీ 14 వారాల జర్నీ తర్వాత మీ మొత్తం ఫర్మామెన్స్ ఆధారంగా 60 నిమిషాల ఒక ఎపిసోడ్‌లో మీరు ఎంతసేపు కనిపించడానికి అర్హులు అని భావిస్తారో వారికి ఆ టైమ్ కార్డ్ ఇచ్చి అందుకు తగిన కారణాలు చెప్పాల్సి ఉంటుందని ప్రోమో ప్రారంభంలో బిగ్ బాస్ తెలిపాడు.

ఓవరాల్ 60 నిమిషాల్లో తాను 10 నిమిషాలు కనపడాలని కోరుకుంటున్నట్లు అర్జున్ చెప్పాడు. తర్వాత వచ్చిన శివాజీ.. అమర్ దీప్‌కు 3 నిమిషాల టైమింగ్ మాత్రమే ఇచ్చాడు. దాన్ని నేను అంగీకరించలేకపోతున్నాను అని అమర్ అన్నాడు. ప్రియాంకకు పది నిమిషాల టైమ్ ఇచ్చాడు శివాజీ. అనంతరం ప్రియాంక వచ్చి 20 నిమిషాల టైమింగ్‌ను శివాజీకి ఇచ్చింది. దాంతో అమర్ ఆశ్చర్యపోయాడు.

ప్రియాంకకు అమర్ దీప్ 7 నిమిషాల టైమింగ్, పల్లవి ప్రశాంత్‌కు 3 నిమిషాల టైమింగ్ ఇచ్చాడు. అమర్ తనకు తాను 15 నిమిషాలు ఇచ్చుకుని ఇలా ఉంటుందేమో అని చెప్పాడు. ఇక అమర్ దీప్‌కు 20 నిమిషాల టైమింగ్ ఇచ్చాడు అర్జున్. నీకెందుకు 20 నిమిషాలో నాకు అర్థం కావట్లేదు అని శివాజీ ఆశ్చర్యపోయాడు. దానికి అర్జున్ ఆన్సర్ ఇచ్చాడు.

వాడంటే దొంగతనాలు, ఫౌల్ గేమ్స్ ఆడతాడు అని అర్జున్ చెబుతుంటే.. మధ్యలో అమర్ ఆపమని చెప్పాడు. దానికి చెప్పనివ్వు అని శివాజీ అన్నాడు. మనకు గొప్పలు వద్దు అని అమర్ అంటే.. గొప్పలు ఎవరూ చెప్పట్లేదు. నువ్వు వెధవ అని చెబుతున్నాడు అని మరోసారి అమర్ దీప్‌పై శివాజీ పంచ్‌లు వేశాడు. దాంతో హౌజ్‌ మేట్స్ అంతా నవ్వుకున్నారు.