Bigg Boss Double Elimination: హౌజ్ నుంచి అశ్విని ఔట్.. ఇవాళ మరొకరు ఎలిమినేట్.. ట్విస్ట్ ఇచ్చిన రైతు బిడ్డ

Bigg Boss 7 Telugu 12th Week Double Elimination: బిగ్ బాస్ 7 తెలుగు 12వ వారం డబుల్ ఎలిమినేషన్ ఉండగా.. ఇదివరకే అశ్విని శ్రీ ఎలిమినేట్ అయి వెళ్లిపోయింది. ఎప్పటిలాగే శనివారం ఎపిసోడ్‌లో కంటెస్టెంట్ల గేమ్ తీరుపై నాగార్జున రివ్యూ ఇచ్చాడు. అమర్ విషయంలో శివాజీ మాట తప్పడంపై అడిగాడు. కానీ, దాన్ని శివాజీ సమర్దించుకుంటూ సమాధానాలు చెప్పాడు.

అయితే, శివాజీనీ మాత్రం గట్టిగా అడగలేకపోయాడు నాగార్జున. ప్రియాంక కెప్టెన్‌గా ఉన్నప్పుడు అరుస్తూ పనులు చేయించుకుందని నాగార్జున ముందే అరిచేశాడు నాగార్జున. కానీ, శివాజీని వారించకుండా ప్రియాంకను సైలెంట్‌గా ఉండమని అతన్ని ఎంకరేజ్ చేశాడు నాగ్. ఇదిలా ఉంటే, ఈ రివ్యూ తర్వాత డైరెక్ట్ ఎలిమినేషన్ ప్రాసెస్ స్టార్ట్ చేశారు.

గన్ ఇచ్చి తలకు షూట్ చేసుకోవాలని, క్లిక్ సౌండ్ వస్తే సేఫ్ అని.. గన్ పేలిన సౌండ్ వస్తే ఎలిమినేట్ అని నాగార్జున చెప్పాడు. దీంతో హౌజ్ మేట్స్ అంతా డమ్మీ గన్‌తో కాల్చుకున్నారు. అందరికీ క్లిక్ సౌండ్ వస్తే అశ్విని శ్రీకి మాత్రం గన్ శబ్దం వచ్చింది. దీంతో అశ్విని శ్రీ ఎలిమినేట్ అని నాగ్ చెప్పాడు. అయితే, ఈవారం పల్లవి ప్రశాంత్ ఎవిక్షన్ ఫ్రీ పాస్ గెలుచుకున్న విషయం తెలిసిందే.

అశ్విని ఎలిమినేట్ అవుతుంది. రేపు (ఆదివారం) మరొకరు ఎలిమినేట్ అవుతారు. ఆ ఎవిక్షన్ పాస్ అశ్వినికి వాడతావా.. లేదా నీకే వాడుకుంటావా, లేకుంటే రేపు ఎలిమినేట్ అయ్యేవారి కోసం ఉపయోగిస్తావా అని నాగ్ అడిగాడు. దానికి పల్లవి ప్రశాంత్ ఇప్పుడైతే వాడుకోను.. 14వ వారంలో నాకోసం ఉపయోగించుకుంటాను అని రైతు బిడ్డ పల్లవి ప్రశాంత్ ట్విస్ట్ ఇచ్చాడు.

బిగ్ బాస్ తెలుగు 12వ వారం డబుల్ ఎలిమినేషన్‌లో అశ్వినితోపాటు ఇవాళ రతిక రోజ్ కూడా ఎలిమినేట్ కానుంది. అర్జున్, రతిక చివరిగా మిగిలారు. ఎవిక్షన్ పాస్ ఈవారంతో ఎక్స్‌పైర్ కానుందని, వీరిలో ఎవరిని సేవ్ చేస్తావని నాగార్జున అడిగినట్లు తెలుస్తోంది. దాంతో చేసేది లేక అర్జున్‌ను ప్రశాంత్ సేవ్ చేసి రతిక ఎలిమినేషన్‌కు కారణమైనట్లు బిగ్ బాస్ వర్గాల నుంచి వచ్చిన సమాచారం.

కాగా బిగ్ బాస్ హౌజ్‌లో పల్లవి ప్రశాంత్‌తో లవ్ ట్రాక్ నడిపించిన రతిక రోజ్ ఒక్కసారిగా అతనిపై రివర్స్ అయింది. దాంతో ఆమెపై తీవ్ర నెగెటివిటీ వచ్చి నాలుగో వారం ఎలిమినేట్ అయి వెళ్లిపోయింది. అనంతరం మళ్లీ వైల్డ్ కార్డ్‌తో ఎంట్రీ ఇచ్చిన రతిక పరోక్షంగా ప్రశాంత్ ద్వారా 12వ వారం ఎలిమినేట్ అయింది.