Bigg Boss 7 Telugu: ఈ పంచాయితీలు పెట్టకండి: బిగ్‍బాస్‍కు తేజ రిక్వెస్ట్.. పోటేశానంటూ ప్రియాంకకు భోలే పంచ్: వీడియో

Bigg Boss 7 Telugu Day 57 Promo: బిగ్‍బాస్ తెలుగు 7వ సీజన్ తొమ్మిదో వారానికి వచ్చేసింది. 8వ వారం సందీప్ మాస్టర్ ఎలిమినేట్ అయ్యారు. ఇక 9వ వారం ఎలిమినేషన్ కోసం నామినేషన్ల ప్రక్రియ నేటి (అక్టోబర్ 30) ఎపిసోడ్‍లో రానుంది. ఎప్పటిలాగే ఈసారి కూడా నామినేషన్ల తంతు రసాభాసగానే సాగినట్టు తెలుస్తోంది. అంబటి అర్జున్, శోభా శెట్టి మధ్య వాగ్వాదం జరిగింది. ప్రియాంక, భోలే షావలి మళ్లీ గొడవ పడ్డారు. ఇందుకు సంబంధించిన ప్రోమో వచ్చింది.

హౌస్‍లో ఉండేందుకు అనర్హులని భావించే ఇద్దరిని నామినేట్ చేయాలని కంటెస్టెంట్లకు బిగ్‍బాస్ సూచించారు. నామినేట్ చేయాలనుకుంటున్న ఇద్దరిని డ్రాగన్, స్నేక్ దగ్గరికి తీసుకెళ్లి నిలబెట్టాలని చెప్పారు. ముందుగా అమర్ దీప్‍ను పల్లవి ప్రశాంత్ నామినేట్ చేశారు. ఎవరితోనే తాను మాట్లాడిన దాన్ని పట్టుకొని తనను నామినేట్ చేయడం ఏంటని అమర్ ప్రశ్నించారు. దీనికి ప్రశాంత్ కూడా గట్టిగానే సమాధానం ఇచ్చారు.

ఆ తర్వాత ప్రియాంక, రతిక మధ్య వాదన జరిగింది. తన ఆట చూపిస్తానని హోస్ట్ నాగార్జునతో చెప్పావు కదా అని రతికను ప్రియాంక ప్రశ్నించారు. అయితే, వారమంతా ఆట చూడకుండా ఇప్పుడే నామినేట్ చేయడం ఏంటని రతిక ప్రశ్నించారు.

టాస్కుల్లో విజయాలను బట్టి కంటెస్టెంట్లకు కెప్టెన్సీ ఇవ్వాలని బిగ్‍బాస్‍కు టేస్టీ తేజ రిక్వెస్ట్ చేశారు. డిసర్వ్, అన్‍డిసర్వ్ అంటూ కంటెస్టెంట్లకే కెప్టెన్‍ను ఎంపిక చేసుకునే పంచాయితీ పెట్టవద్దని కోరాడు. గత వారం కెప్టెన్సీ కంటెండర్లలో కెప్టెన్‍ను కంటెస్టెంట్లే ఎంపిక చేసుకున్నారు. గౌతమ్ కెప్టెన్ అయ్యారు. అయితే, ఈ కెప్టెన్ ఎంపిక ప్రక్రియలో చాలా రచ్చరచ్చ అయింది. దీంతో తేజ ఈ రిక్వెస్ట్ చేశారు.

నామినేషన్ల ప్రక్రియలో భోలే షావలి, ప్రియాంక మధ్య హీట్ వాదన జరిగింది. తనకు గత వారం ఓటేశారు కదా అని షావలితో ప్రియాంక అన్నారు. దీంతో “పోటేశాను.. ఓటు వేయలేదు. పోటుకు.. ఓటుకు తేడా తెలియడం లేదు నీకు” అని షావలి పంచ్‍లు వేశారు. ఏం ఆలోచించి తనను తీశారో చెప్పాలని భోలేను ప్రియాంక అడిగారు. “ఈ అగ్రెసివ్‍నెస్ ఉందనే కారణంతోనే నేను నీకు మిరపకాయల దండ వేశా” అని షావలి బదులిచ్చారు.

ఆ తర్వాత అంబటి అర్జున్, శోభా శెట్టి మధ్య వార్ జరిగింది. తమ మధ్య ఉన్నంత వరకు మజాక్ అని, బయట చూసే వాళ్లకు మజాక్ కాదని అర్జున్ చెప్పారు. శోభను నామినేట్ చేశారు. దీంతో శోభ కోపంతో ఊగిపోయారు. “ఈ వారం గట్టిగా ఆడు” అని అర్జున్ సూచిస్తే.. “నాకు తెలుసు” అంటూ శోభ కోప్పడ్డారు. అర్జున్‍ను నామినేషన్‍కు తీసుకొస్తానంటూ అరిచారు. ఈ నామినేషన్ల ప్రక్రియ నేటి ఎపిసోడ్‍లో రానుంది.