Bigg Boss Nominations: హీరో శివాజీకి ఎక్కువగా ఓట్లు.. డబుల్ ఎలిమినేషన్‌లో ఆ ఇద్దరు.. ఈసారి కష్టమే!

Bigg Boss 7 Telugu 12th Week Nominations: బిగ్ బాస్ 7 తెలుగు హౌజ్‌లో ప్రస్తుతం 10 మంది కంటెస్టెంట్స్ ఉన్నారు. ఆదివారం ప్రసారమైన ఎపిసోడ్‌లో ఈవారం ఎలిమినేషన్ ఏం లేదని, కానీ వచ్చేవారం డబుల్ ఎలిమినేషన్ ఉంటుందని హోస్ట్ నాగార్జున చెప్పుకొచ్చారు. ఇక హౌజ్ మేట్స్‌కి 12 వారానికి సంబంధించిన నామనేషన్స్ నిర్వహించాడు బిగ్ బాస్.

ఆకలి తీర్చాలని

ఈసారి వినూత్నంగా బిగ్ బాస్ 7 తెలుగు 12వారం నామినేషన్స్ జరిగాయి. ఒక రూమ్‌లో చుట్టూ అడవి ఫీల్ కలిగేలా సెట్ చేశారు. అక్కడ కంటెస్టెంట్స్ సింహాన్ని ఎదుర్కోవాలని, అది బాగా ఆకలితో ఉందని, దాని నోట్లో నామినేట్ చేయాలనికునేవారి ఫొటోతో ఉన్న చికెన్ ముక్కలను పెట్టి సింహం ఆకలి తీర్చాలని బిగ్ బాస్ చెప్పాడు. అలా నామినేషన్ల ప్రక్రియను మొదలు పెట్టమని బిగ్ బాస్ సూచించాడు.

అమర్ తప్పు అని

ఈ వారం నామినేషన్స్ కూడా రెండు రోజులు జరిగాయి. సోమవారం మొదలైన నామినేషన్ల ప్రక్రియ మంగళవారానికి ముగిసింది. సోమవారం రోజున ప్రిన్స్ యావర్, రతికను అమర్ దీప్ నామినేట్ చేశాడు. బాల్ టాస్క‌ులో ఫౌల్ గేమ్ ఆడావని అమర్ దీప్ కారణంగా చెబితే.. అది చూడకపోవడం సంచాలక్‌గా అమర్ తప్పు అని యావర్ డిఫెండ్ చేసుకున్నాడు. అలాగే హీరో శివాజీని, పల్లవి ప్రశాంత్‌ను గౌతమ్ కృష్ణ నామినేట్ చేశాడు.

ఒప్పుకోని బిగ్ బాస్

అనంతరం వచ్చిన అర్జున్ అంబటి కూడా హీరో శివాజీని, ప్రిన్స్ యావర్‌ను నామినేట్ చేశాడు. అశ్విని దగ్గర ఏ పాయింట్స్ లేకపోవడంతో సెల్ప్ నామినేట్ అయింది. ఇక మంగళవారం గౌతమ్‌ను శివాజీ నామినేట్ చేశాడు. అనంతరం అశ్వినిని నామినేట్ చేస్తున్నట్లు శివాజీ చెబితే.. బిగ్ బాస్ ఒప్పుకోలేదు. ఆమె ఆల్రెడీ సెల్ఫ్ నామినేట్ అయిన కారణంగా ఇంకొకరిని చేయాలని చెప్పాడు. దాంతో అర్జున్‌ను నామినేట్ చేశాడు శివాజీ.

శివాజీకి ఎక్కువగా

అర్జున్ అండ్ అమర్‌ని యావర్ నామినేట్ చేశాడు. యావర్ అండ్ శివాజీని ప్రియాంక నామినేట్ చేసింది. ఈ క్రమంలో శివాజీ, ప్రియాంక మధ్య వాగ్వాదం జరిగింది. అర్జున్ అండ్ శివాజీని శోభా నామినేట్ చేసింది. ఇలా జరిగిన బిగ్ బాస్ 7 తెలుగు 12వ వారం నామినేషన్లలో 8 మంది శివాజీ, రతిక, యావర్, పల్లవి ప్రశాంత్, అర్జున్ అంబటి, అమర్ దీప్, గౌతమ్ కృష్ణ, అశ్విని నామినేట్ అయ్యారు. వీరిలో శివాజీకి ఎక్కువగా 4 ఓట్లు పడ్డాయి.

డబుల్ ఎలిమినేషన్

ప్రియాంక కెప్టెన్ అయిన కారణంగా, శోభాను ఎవరు నామినేట్ చేయకపోవడంతో ఇద్దరూ సేఫ్ అయ్యారు. ఇక బిగ్ బాస్ 7 తెలుగు 12వ వారం డబుల్ ఎలిమినేషన్ ఉంటుందని హోస్ట్ నాగార్జున చెప్పిన విషయం తెలిసిందే. ఈ డబుల్ ఎలిమినేషన్‌లో రతిక, అశ్వినిని ఎలిమినేట్ అయ్యే అవకాశం ఉంది. కంటెస్టెంట్లలో అతి తక్కువ గేమ్‌తో చివర్లో ఉన్నది వీరిద్దరే. అయితే, పల్లవి ప్రశాంత్‌కు ఫ్రీ ఎవిక్షన్ పాస్ వచ్చింది. మరి దాన్ని ఎలా ఉపయోగిస్తారనేది కీలకంగా మారనుంది.