Bhool Bhulaiyaa 2 trailer | హ్యూమర్‌, హారర్‌ కలిస్తే.. భూల్‌ భులయ్యా 2 ట్రైలర్‌

కాస్త హ్యూమర్‌, మరికాస్త హారర్‌తో వచ్చేసింది భూల్ భులయ్యా 2 ట్రైలర్‌. కార్తీక్‌ ఆర్యన్‌, కియారా అద్వానీ, టబు ప్రధాన పాత్రల్లో నటించిన ఈ మూవీ 15 ఏళ్ల ఏళ్ల కిందట వచ్చిన భూల్‌ భులయ్యాకు సీక్వెల్‌. అనీస్‌ బాజ్మీ దీనికి డైరెక్టర్‌. 2007లో వచ్చిన తొలి పార్ట్‌లో అక్షయ్‌ కుమార్‌, విద్యా బాలన్‌, షైనీ అహూజా నటించారు. ఈ తాజా ట్రైలర్‌కు ఆడియెన్స్‌ నుంచి మంచి రెస్పాన్స్‌ వస్తోంది. ట్రైలర్ మొత్తం భూల్ భులయ్యా హిట్ సాంగ్ హరే రామ్ బ్యాక్ గ్రౌండ్ లో వస్తూ ఉంటుంది.

ముఖ్యంగా కార్తీక్‌ ఆర్యన్‌ కామెడీ టైమింగ్‌కు వాళ్లు ఫిదా అవుతున్నారు. రూహ్‌ బాబా క్యారెక్టర్‌లో కార్తీక్‌ కనిపిస్తున్నాడు. అయితే ఈ ట్రైలర్‌ చాలా మందికి బాగా నచ్చినా.. అక్షయ్‌ కుమార్‌ను మిస్‌ అవుతున్నట్లు కామెంట్స్‌ చేశారు. ఈ ట్రైలర్‌ ఎంత బాగున్నా.. ఒరిజినల్‌ ఒరిజనలే అంటూ అప్పటి సినిమాపై ప్రశంసలు కురిపించారు మరికొందరు. ఓల్డ్‌ ఈజ్‌ గోల్డ్‌ అంటూ కామెంట్‌ చేశారు ఇంకొందరు.

హారర్‌ కంటే హ్యూమర్‌కే ఎక్కువ ప్రాధాన్యమిచ్చినట్లుగా ట్రైలర్‌ చూస్తే తెలుస్తోంది. ఈ సినిమా మే 20న రిలీజ్‌ కాబోతోంది. 2007లో వచ్చిన అక్షయ్‌ కుమార్‌ భూల్‌ భులయ్యా.. 1993లో వచ్చిన మలయాళ సినిమా మణిచిత్రతాళు మూవీకి రీమేక్‌. ఆ సినిమాలో మోహన్‌లాల్‌, సురేశ్‌ గోపి, శోభన నటించారు.