NBK 109: బాలకృష్ణ 109 మూవీ షూటింగ్ స్టార్ట్.. రక్తపాతానికే బ్రాండ్ అంటూ క్రేజీగా పోస్టర్

Balakrishna NBK 109 Update: నందమూరి నటసింహం, గాడ్ ఆఫ్ మాసెస్ బాలకృష్ణ వరుసగా సినిమాలతో దూసుకుపోతున్నాడు. ఇప్పటికే సంక్రాంతికి వీర సింహా రెడ్డితో హిట్ కొట్టగా ఇటీవల దసరాకు భగవంత్ కేసరి మూవీతో అలరించాడు. ఇప్పుడు మరో సినిమాతో సందడి చేసేందుకు రెడీ అయ్యాడు బాలయ్య బాబు. వాల్తేరు వీరయ్యతో బ్లాక్ బస్టర్ హిట్ కొట్టిన యంగ్ డైరెక్టర్ బాబీ కొల్లి అలియాస్ కేఎస్ రవీంద్ర దర్శకత్వంలో బాలకృష్ణ తన 109వ సినిమా చేస్తున్న విషయం తెలిసిందే.

బాలకృష్ణ 109 సినిమాకు సంబంధించి తాజాగా క్రేజీ అప్డేట్ ఇచ్చారు. ఇప్పటికే బాలయ్య పుట్టినరోజు సందర్భంగా.. మందు బాటిల్, మారణాయుధాలతో బాలకృష్ణ 109వ సినిమా పోస్టర్ విడుదల చేయగా ఇప్పుడు మరో క్రేజీ పోస్టర్ రిలీజ్ చేశారు మేకర్స్. లైట్స్ యాక్షన్ కెమెరా అంటూ బాలకృష్ణ 109 మూవీ షూటింగ్‌ను బుధవారం (నవంబర్ 8) ప్రారంభం అయినట్లు మేకర్స్ తెలిపారు. ఇందుకు సంబంధించిన పోస్టర్‌కు "బ్లడ్ బాత్ కా బ్రాండ్ నేమ్, వయోలెన్స్ కా విజిటింగ్ కార్డ్ నటసింహం బాలకృష్ణ, డైరెక్టర్ బాబీ ఎన్బీకే 109 సినిమా షూటింగ్ ప్రారంభం" అని రాసుకొచ్చారు.

ఎన్బీకే 109 షూటింగ్ స్టార్ అయినట్లు తెలుపుతూ విడుదల చేసిన పోస్టర్‌లో గొడ్డలిని చూపించారు. ఆ గొడ్డలిపై స్పెక్ట్స్, మెడలో వేసుకునే దేవుడు చైన్ ఉన్నాయి. ఈ పోస్టర్ చాలా క్రేజీగా, ఇంట్రెస్టింగ్‌గా ఉంది. అలాగే గొడ్డలి కూడా డిఫరెంట్ డిజైన్‌తో ఉంది. గొడ్డలపై ఉన్న షేడ్స్ లో ఇద్దరూ ఫైట్ చేస్తున్నట్లుగా కనిపిస్తోంది. ప్రస్తుతం ఈ పోస్టర్ నెట్టింట్లో వైరల్ అవుతోంది.

ఇదిలా ఉంటే బాలకృష్ణ 109 చిత్రాన్ని శ్రీకర స్టూడియోస్ సమర్పణలో సితార ఎంటర్టైన్ మెంట్స్, ఫార్చ్యూన్ ఫోర్ సినిమాస్ సంస్థలు సంయుక్తంగా నిర్మిస్తున్నాయి. డైరెక్టర్ త్రివిక్రమ్ శ్రీనివాస్ సతీమణి సాయి సౌజన్య, సూర్యదేవర నాగవంశీ నిర్మాతలుగా వ్యవహరిస్తున్నారు. ఇంకా టైటిల్ ఫిక్స్ కానీ ఈ సినిమాను వచ్చే ఏడాడి ప్రథమార్థంలో విడుదల చేయనున్నట్లు ఇదివరకే మేకర్స్ తెలిపారు.