Bigg Boss Telugu: కొట్టుకున్నంత పని చేసిన అర్జున్, ప్రశాంత్.. మాట మార్చిన రైతుబిడ్డ.. గలీజ్ ఫెలోస్ అంటూ!

Bigg Boss 7 Telugu December 5th Episode: బిగ్ బాస్ 7 తెలుగు సీజన్ తుది ఘట్టానికి చేరుకుంది. అందుకే హౌజ్‌లో ప్రస్తుతం ఉన్న ఏడుగురు కంటెస్టెంట్లకు ఓట్ అప్పీల్ చేసుకునేందుకు బిగ్ బాస్ టాస్క్‌లు ఇస్తున్నాడు. ఇందులో భాగంగానే టాప్ ఆన్ చెర్రీ అనే టాస్క్ ఇచ్చాడు. ఇసుకపై ఉన్న చెర్రీ పండు పడకుండా కంటెస్టెంట్స్ ఒక్కొక్కరు వచ్చి ఇసుక కేక్‌ను తీయాలి. ఈ టాస్క్‌లో చివరి వరకు ఔట్ కాకుండా ఉన్న అమర్ దీప్ గెలిచాడు.

ఓట్ అప్పీల్ కోసం అమర్ దీప్ కంటెండర్ అయ్యాడు. అనంతరం రెండో టాస్క్ ఇచ్చాడు. గార్డెన్ ఏరియాలో ఉన్న గంటను బజర్ మోగినప్పుడు ఎవరు ఫస్ట్ కొడతారో వాళ్లు యాక్టివిటీ రూమ్‌లోకి వెళ్లే అవకాశం దక్కించుకుంటారు. ఆ గదిలో బిగ్ బాస్ ఇచ్చే మరో టాస్క్ చేయాల్సి ఉంటుంది. అయితే బజర్ మోగిన వెంటనే పక్కనే పరిగెడుతున్న ప్రశాంత్‌ని చేతితో ఆపేశాడు అర్జున్. దాంతో అర్జున్ చేయి ప్రశాంత్ దవడకు తగిలింది.

అప్పుడు అర్జున్‌ను ప్రశాంత్ ఆపే ప్రయత్నం చేశాడు. కానీ, అర్జున్ వేగంగా, బలంగా పరిగెత్తడంతో ముందుగా వెళ్లి బెల్ కొట్టాడు. అనంతరం తనను కావాలనే అర్జున్ ఆపేశాడని ప్రశాంత్ గొడవకు దిగాడు. నేను పరుగెత్తుతుంటే నా చేతులు అలాగే వస్తాయి. నువ్ కూడా నన్ను పట్టుకుని లాగేందుకు ట్రై చేశావ్ కదా అని ప్రశాంత్‌పై అర్జున్ సీరియస్ అయ్యాడు. నాకు దవడతు తగిలిందని ప్రశాంత్ అంటుంటే.. అందరూ లాగారు. గలీజ్ ఫెలోస్ అని ప్రియాంక తిట్టింది.

అనంతరం బిగ్ బాస్ నాకు ఈ వీడియో మీరు ప్లే చేసి చూపించాలి. కావాలనే అర్జున్ నన్ను ఆపేశాడంటూ ప్రశాంత్ వాదించాడు. దీంతో అర్జున్ సీరియస్ అయ్యాడు. నిన్న నువ్వు కూడా స్విమ్మింగ్ పూల్‌ టాస్క్‌లో నాకు ఇలాగే తాకించావ్. నేను ఏమైనా అన్నానా. సోది చెప్పకు. వెధవ రీజన్సు ఆపు. ఏమనట్లేదు కదా అని ఫస్ట్ నుంచి.. నోరుముయ్.. ఎక్కువ మాట్లాడకు.. అంటూ ప్రశాంత్‌పై తెగ ఫైర్ అయ్యాడు.

నువ్ నన్ను కావాలనే ఆపావ్. అందుకే నేను పట్టుకుని లాగాను అని చెప్పిన ప్రశాంత్ కాసేపటికి నేను లాగలేదు అని మాట మార్చాడు. అర్జున్ అడిగే ప్రశ్నలకు స్ట్రయిట్‍గా సమాధానాలు ఇవ్వకుండా ఏదోదో చెప్పాడు ప్రశాంత్. ఇక శోభా, ప్రియాంక కూడా అర్జున్‌కే సపోర్ట్ చేశారు. అనంతరం ఆపండ్రా అంటూ శివాజీ వచ్చి అందరికీ నచ్చజెప్పాడు. తర్వాత ఆ పిల్ల ఊరుకోదు. ఎప్పుడు ఏదో ఒకటి కావాలి. ఎప్పుడు దూరిపోవాలని ప్రయత్నిస్తుంటుంది అని ప్రియాంక గురించి యావర్, ప్రశాంత్‌తో శివాజీ అంటాడు.