Allu Arjun - Srikanth Odela Movie: పుష్ప‌రాజ్‌తో ద‌స‌రా డైరెక్ట‌ర్ మూవీ ఫిక్స్‌? - సెట్స్‌పైకి వెళ్లేది ఎప్పుడంటే?

Allu Arjun - Srikanth Odela Movie: ద‌స‌రాతో (Dasara Movie) తొలి సినిమాతోనే వంద కోట్ల డైరెక్ట‌ర్‌గా పేరుతెచ్చుకున్నాడు శ్రీకాంత్ ఓదెల‌. నాని హీరోగా మాస్ క‌మ‌ర్షియ‌ల్ ఎంట‌ర్‌టైన‌ర్‌గా మార్చి 30న విడుద‌లైన ఈ మూవీ 2023లో బిగ్గెస్ట్ క‌మ‌ర్షియ‌ల్ హిట్స్‌లో ఒక‌టిగా నిలిచింది.

అర‌వై కోట్ల బ‌డ్జెట్‌తో తెర‌కెక్కిన ఈ మూవీ 120 కోట్ల వ‌ర‌కు వ‌సూళ్ల‌ను రాబ‌ట్టి నిర్మాత‌ల‌కు డ‌బుల్ ప్రాఫిట్స్‌ను మిగిల్చింది. నాని, కీర్తిసురేష్ యాక్టింగ్‌తో పాటు సింగ‌రేణి బ్యాక్‌డ్రాప్‌లో డైరెక్ట‌ర్ శ్రీకాంత్ ఓదెల క‌థ‌ను రాసుకున్న తీరు, రియ‌లిస్టిక్ టేకింగ్‌పై ప్ర‌శంస‌లు ల‌భించాయి.

ద‌స‌రా హిట్‌తో టాలీవుడ్‌లో శ్రీకాంత్ పేరు మారుమ్రోగింది. ద‌స‌రా త‌ర్వాత త‌న త‌దుప‌రి సినిమాను టాలీవుడ్ టాప్ హీరోతో శ్రీకాంత్ ఓదెల చేయ‌బోతున్న‌ట్లు ప్ర‌చారం జ‌రుగుతోంది. ఆ హీరో మ‌రెవ‌రో కాదు ఐకాన్ స్టార్ అల్లు అర్జున్‌. ద‌స‌రా రిలీజ్ త‌ర్వాత సినిమాతో పాటు యూనిట్‌ను ప్ర‌శంసిస్తూ అల్లు అర్జున్(Allu Arjun) పెట్టిన‌ ట్వీట్ సోష‌ల్ మీడియాలోవైర‌ల్‌గా మారిన సంగ‌తి తెలిసిందే.

శ్రీకాంత్ ఓదెల డైరెక్ష‌న్ స్టైల్‌కు అల్లు అర్జున్ ఇంప్రెస్ అయిన‌ట్లు స‌మాచారం. అందుకే అత‌డితో క‌లిసి సినిమా చేయాల‌ని ఫిక్స్ అయిన‌ట్లు చెబుతోన్నారు. ఇప్ప‌టికే బ‌న్నీని క‌లిసిన శ్రీకాంత్ ఓదెల అత‌డికి ఓ పాయింట్‌ను వినిపించిన‌ట్లు తెలిసింది ఈ పాయింట్‌బ‌న్నీకి న‌చ్చిన‌ట్లు ప్ర‌చారం జ‌రుగుతోంది.

ఫుల్ స్క్రిప్ట్ రెడీ చేసే ప‌నిలో శ్రీకాంత్ ఓదెల ఉన్న‌ట్లు తెలిసింది. వ‌చ్చే ఏడాది సెకండాఫ్‌లో బ‌న్నీ, శ్రీకాంత్ ఓదెల మూవీ ఈ సినిమాను సెట్స్‌పైకి తీసుకెళ్లే అవ‌కాశం ఉన్న‌ట్లు స‌మాచారం. ప్ర‌స్తుతం సుకుమార్ ద‌ర్శ‌క‌త్వంలో పుష్ప సీక్వెల్ (Pushpa 2) షూటింగ్‌తో అల్లు అర్జున్ ఫుల్ బిజీగా ఉన్నాడు.

ప్ర‌జెంట్‌ హైద‌రాబాద్‌లో అల్లు అర్జున్, ర‌ష్మిక మంద‌న్న‌ల‌పై ఓ రొమాంటిక్ డ్యూయెట్ సాంగ్‌ను షూట్ చేస్తున్నారు. ఈ సీక్వెల్ త‌ర్వాత త్రివిక్ర‌మ్‌తో హ్యాట్రిక్ ఫిల్మ్‌కు గ్రీన్ సిగ్న‌ల్ ఇచ్చాడు అల్లు అర్జున్‌. ఈ రెండు సినిమాలు పూర్త‌యిన త‌ర్వాతే బ‌న్నీ, శ్రీకాంత్ ఓదెల మూవీ సెట్స్‌పైకి వ‌చ్చే అవ‌కాశం ఉన్న‌ట్లు స‌మాచారం.