Vinaro Bhagyamu Vishnu Katha Akhil Akkineni: విన‌రో భాగ్య‌ము విష్ణు క‌థ కోసం గెస్ట్‌గా రానున్న‌ అఖిల్ అక్కినేని

Vinaro Bhagyamu Vishnu Katha Akhil Akkineni: కిర‌ణ్ అబ్బ‌వ‌రం (Kiran Abbavaram) హీరోగా న‌టిస్తోన్న విన‌రో భాగ్య‌ము విష్ణు క‌థ సినిమా ఫిబ్ర‌వ‌రి 18న రిలీజ్ కానుంది. ఈ సినిమా ప్రీ రిలీజ్ ఈవెంట్‌ను హైద‌రాబాద్‌లో భారీ స్థాయిలో నిర్వ‌హించేందుకు చిత్ర యూనిట్ స‌న్నాహాలుచేస్తోంది.

ఈ ప్రీ రిలీజ్ ఈవెంట్‌కు అఖిల్ అక్కినేని (Akhil Akkineni) గెస్ట్‌గా రాబోతున్నాడు. ఈ విష‌యాన్ని చిత్ర యూనిట్ ప్ర‌క‌టిస్తూ స్పెష‌ల్ పోస్ట‌ర్స్ రిలీజ్ చేసింది. విన‌రో భాగ్య‌ము విష్ణు క‌థ సినిమాను జీఏ2 పిక్చ‌ర్స్ సంస్థ నిర్మిస్తోంది. ఇదే బ్యాన‌ర్‌లో అఖిల్ మోస్ట్ ఎలిజిబుల్ బ్యాచ్‌ల‌ర్ సినిమా చేశాడు. ఆ అనుబంధంతోనే అత‌డు విన‌రో భాగ్య‌ము విష్ణు క‌థ‌ ప్రీ రిలీజ్ ఈవెంట్‌కు గెస్ట్‌గా రాబోతున్న‌ట్లు స‌మాచారం.

విన‌రో భాగ్య‌ము.. సినిమాకు ముర‌ళీ కిషోర్ అబ్బూరు ద‌ర్శ‌క‌త్వం వ‌హిస్తోన్నాడు. ఫోన్ నంబ‌ర్ నైబ‌రింగ్ అనే కాన్సెప్ట్‌తో ల‌వ్ యాక్ష‌న్ ఎంట‌ర్‌టైన‌ర్‌గా ఈ సినిమా రూపొందింది. ఇందులో కిర‌ణ్ అబ్బ‌వ‌రం స‌ర‌స‌న కాశ్మీరా ప‌ర‌దేశీ హీరోయిన్‌గా న‌టిస్తోంది. ప్ర‌చార చిత్రాల‌తో ఈ చిన్న సినిమా తెలుగు ప్రేక్ష‌కుల్లో ఆస‌క్తిని రేకెత్తిస్తోంది.

ఈ సినిమాను అల్లు అర‌వింద్ స‌మ‌ర్ప‌ణ‌లో బ‌న్నీవాస్ నిర్మిస్తోన్నారు. ముర‌ళీశ‌ర్మ కీల‌క పాత్ర‌లో న‌టిస్తోన్న ఈ సినిమాకు చైత‌న్ భ‌ర‌ద్వాజ్ సంగీతాన్ని అందిస్తోన్నాడు. ఈ సినిమాను తొలుత ఫిబ్ర‌వ‌రి 17న రిలీజ్ చేయ‌బోతున్న‌ట్లు ప్ర‌క‌టించారు. కానీ థియేట‌ర్ ఇష్యూస్ కార‌ణంగా ఒక‌రోజు వాయిదాప‌డింది. ఫిబ్ర‌వ‌రి 18న ప్రేక్ష‌కుల ముందుకొస్తోంది.