vijay devarakonda | వార్ బ్యాక్ డ్రాప్ లో విజ‌య్‌-పూరి జ‌గ‌న్నాథ్ నెక్ట్స్ సినిమా... ప్రీ లుక్ రిలీజ్

విజ‌య్ దేవ‌ర‌కొండ,ద‌ర్శ‌కుడు పూరి జ‌గ‌న్నాథ్ క‌ల‌యిక‌లో ప్ర‌స్తుతం ‘లైగ‌ర్’ సినిమా రూపొందుతోంది. బాక్సింగ్ బ్యాక్‌డ్రాప్‌లో రానున్న ఈ చిత్రం ఆగ‌స్ట్ లో ప్రేక్ష‌కుల ముందుకురానున్న‌ది. ‘లైగర్’ రిలీజ్ కాక‌ముందే విజ‌య్‌,పూరి జ‌గ‌న్నాథ్ కాంబినేష‌న్ లో మ‌రో సినిమా రాబోతోంది. ఈ చిత్రానికి సంబంధించిన అప్‌డేట్‌ను సోమ‌వారం ప్ర‌క‌టించారు.

ప్రీ లుక్ పోస్ట‌ర్ ను రిలీజ్ చేశారు. ఇందులో ఎయిర్‌ఫోర్స్ విమానంతో పాటు యుద్ద ట్యాంక‌ర్స్ క‌నిపించ‌డం ఆస‌క్తిని పంచుతోంది. వార్ బ్యాక్‌డ్రాప్‌లో ఈ సినిమా రూపొంద‌నున్న‌ట్లు వార్త‌లు వినిపిస్తున్నాయి. ఇందులో విజ‌య్ దేవ‌ర‌కొండ ఎయిర్‌ఫోర్స్ పైలెట్ గా క‌నిపించ‌బోతున్న‌ట్లు చెబుతున్నారు. ఈ సినిమాకు సంబంధించిన పూర్తి వివ‌రాల్ని మంగ‌ళ‌వారం ప్ర‌క‌టించ‌బోతున్న‌ట్లు విజ‌య్ దేవ‌ర‌కొండ త‌న ట్విట్ట‌ర్ ద్వారా వెల్ల‌డించాడు. నెక్ట్స్ మిష‌న్ లాంఛ్ అంటూ అత‌డు షేర్ చేసిన పోస్ట‌ర్ పై ఉన్న క్యాప్ష‌న్ ఆసక్తిని పంచుతోంది.

ఈ సినిమాకు పూరి జ‌గ‌న్నాథ్ ద‌ర్శ‌క‌త్వం వ‌హించ‌డంతో పాటు త‌న స్వీయ నిర్మాణ సంస్థ పూరి క‌నెక్ట్స్ ప‌తాకాల‌పై పూరి జ‌గ‌న్నాథ్‌,ఛార్మి నిర్మించనున్నట్లు సమాచారం.