Hrithika Srinivas: హీరోయిన్‌గా ఆమని మేనకోడలు హ్రితిక శ్రీనివాస్.. బిగ్ బాస్ విన్నర్‌తో రొమాన్స్

ఒకప్పుడు స్టార్ హీరోయిన్‌గా ప్రేక్షకులను అలరించారు ఆమని. తన నటన, హావాభావాలతో తెలుగు ప్రేక్షకులకు బాగా దగ్గరయ్యారు. ఇప్పుడు సపోర్టింగ్ పాత్రలతో అలరిస్తున్న ఆమని ఫ్యామిలీ నుంచి ఒకరు హీరోయిన్‌గా ఎంట్రీ ఇచ్చారు. ఆమని మేనకోడలు హ్రితక శ్రీనివాస్ హీరోయిన్‌గా తెలుగు సినీ ఇండస్ట్రీలోకి అడుగు పెట్టింది. అల్లంత దూరాన సినిమాతో హీరోయిన్‌గా కెరీర్ స్టార్ట్ చేసిన హ్రితిక ఇప్పుడు సౌండ్ పార్టీ మూవీతో రానుంది.

సౌండ్ పార్టీ మూవీలో హీరోగా బిగ్ బాస్ తెలుగు 5 సీజన్ విన్నర్ వీజే సన్నీ చేస్తున్నాడు. ఈ సినిమాలో వీజే సన్నీతో హ్రితిక శ్రీనివాస్ రొమాన్స్ చేయనుంది. ఇప్పటికే విడుదలైన సౌండ్ పార్టీ ట్రైలర్ ప్రేక్షకులను ఆకట్టుకుంటోంది. సౌండ్ పార్టీ సినిమాను ఈ నెల 24న ప్రపంచవ్యాప్తంగా గ్రాండ్‌గా థియేటర్లలో విడుదల చేయనున్నారు. ఫుల్ మూన్ మీడియా ప్రొడ‌క్ష‌న్స్ ప‌తాకంపై ప్రొడ‌క్ష‌న్ నెం-1గా రూపొందిన ఈ చిత్రానికి సంజ‌య్ శేరి దర్శకత్వం వహించారు.

జయశంకర్ సమర్పణలో వస్తున్న సౌండ్ పార్టీ మూవీకి రవి పొలిశెట్టి, మహేంద్ర గజేంద్ర, శ్రీ శ్యామ్ గజేంద్ర నిర్మాత‌లు. ఇక ఈ సినిమాలో వీజే సన్ని, హ్రితిక శ్రీనివాస్‌తోపాటు శివన్నారాయణ, అలీ, సప్తగిరి, థర్టీ ఇయర్స్ పృథ్వి, ‘మిర్చి’ ప్రియ, మాణిక్ రెడ్డి, అశోక్ కుమార్, కాదంబరి కిరణ్, ‘జెమిని’ సురేష్, భువన్ సాలూరు, ‘ఐ డ్రీమ్’ అంజలి, ఇంటూరి వాసు, చలాకి చంటి, ప్రేమ్ సాగర్, ఆర్.జె. హేమంత్, శశాంక్ మౌళి, త్రినాధ్, కృష్ణ తేజ త‌దిత‌రులు నటిస్తున్నారు.