Aakhri Sach OTT Release: ‘11 చావులు.. ఎన్నో రహస్యాలు’: దర్యాప్తు చేస్తున్న తమన్నా.. కొత్త వెబ్ సిరీస్ ట్రైలర్ రిలీజ్

Aakhri Sach OTT Release: స్టార్ హీరోయిన్ తమన్నా భాటియా విభిన్నమైన పాత్రలు పోషిస్తోంది. ఒకవైపు ప్రధాన సినిమాల్లో నటిస్తూనే… ఓటీటీల కోసం కూడా చిత్రాలు, సిరీస్‍లు చేస్తోంది. ఇప్పటికే ‘జీ కర్దా’, ‘లస్ట్ స్టోరీస్ 2’లతో ఓటీటీల్లోనూ తమన్నా మెరిసింది. ఇప్పుడు మరో విభిన్నమైన పాత్ర చేస్తోంది. ‘ఆఖరి సచ్’ అనే వెబ్ సిరీస్‍లో ఇన్వెస్టిగేషన్ ఆఫీసర్‌గా నటిస్తోంది తమన్నా. ఈ సిరీస్‍కు సంబంధించిన ట్రైలర్ నేడు (ఆగస్టు 11) రిలీజ్ అయింది.

‘ఆఖరి సచ్’ సిరీస్ ఆగస్టు 25వ తేదీన డిస్నీ+ హాట్‍స్టార్ ఓటీటీ ప్లాట్‍ఫాంలో స్ట్రీమింగ్‍కు రానుంది. ఈ సిరీస్ ట్రైలర్‌ నేడు రిలీజ్ అయింది. ఢిల్లీలో ఒకే కుటుంబానికి చెందిన 11 మంది మరణించడం వెనుక ఉన్న రహస్యాలను కనుగొనే ఇన్వెస్టిగేషన్ ఆఫీసర్ పాత్రను ఈ సిరీస్‍లో పోషించింది తమన్నా. ఆ 11 మంది తమ ఇంట్లో ఉరి వేసుకున్న స్థితిలో కనిపిస్తారు. మొత్తంగా 9 నుంచి 71 మధ్య వారు ఈ చనిపోయిన వారిలో ఉంటారు. తమన్నా, ఆమె టీం ఈ మరణాల గురించి దర్యాప్తు చేయడం ఈ ట్రైలర్‌లో ఉంది. మొత్తంగా ‘ఆఖరి సచ్’ ట్రైలర్ చాలా సీరియస్‍గా, ఇంటెన్స్‌గా ఉంది.

2018లో ఢిల్లీలోని బురారీలో ఒకే కుటుంబానికి చెందిన 11 మంది చనిపోయారు. ‘ఆఖరి సచ్’ ట్రైలర్ చూస్తుంటే ఆ ఘటన ఆధారంగానే ఈ సిరీస్ రూపొందించారని తెలుస్తోంది. ఇప్పుటికే ఈ బురాారీ మరణాలపై నెట్‍ఫ్లిక్స్ ఓటీటీలో హౌస్ ఆఫ్ సీక్రెట్స్: ది బురారీ డెత్స్ అనే డాక్యు సిరీస్ స్ట్రీమ్ అవుతోంది.

‘ఆఖరి సచ్’ వెబ్ సిరీస్‍కు రాబీ గ్రేవెల్ దర్శకత్వం వహించారు. సౌరవ్ దేవ్ కథను అందించగా.. ఈ సిరీస్‍ను నిర్వికార్ ఫిల్మ్స్ నిర్మించింది. ఈ సిరీస్‍లో తమన్నాతో పాటు అభిషేక్ బెనర్జీ, శివిన్ నారంగ్, దనిష్ ఇక్బాల్, నిషూ దీక్షిత్, క్రితి విజ్, సంజీవ్ చోప్రా కీలక పాత్రలు పోషించారు.