Bigg Boss Nominations: నామినేషన్లలో ఏడుగురు.. మార్చేసిన ఎలిమినేట్ కంటెస్టెంట్.. ఇట్స్ అశ్వద్ధామ 2.0 బేబి

Bigg Boss 7 Telugu 6th Week Nominations: బిగ్ బాస్ 7 తెలుగు 2.0 సీజన్ జోరుగా మొదలైంది. ఆదివారం జరిగిన గ్రాండ్ లాంచ్ ఈవెంట్‌తో ఐదుగురు కొత్త కంటెస్టెంట్స్ నయని పావని, అర్జున్ అంబటి, సింగర్ భోలే, పూజా మూర్తి, అశ్వినీ శ్రీ హౌజ్‌లోకి ఎంట్రి ఇచ్చారు. దీంతో హౌజ్‌లో ప్రస్తుతం 10 మంది ఉన్నారు. హౌజ్ మేట్స్ చేత ఎలిమినేట్ అయిన గౌతమ్ కృష్ణను సీక్రెట్ రూమ్‌లోకి పంపించిన విషయం తెలిసిందే.

సీక్రెట్ రూమ్ నుంచి

అయితే, సోమవారం (అక్టోబర్ 9) నామినేషన్స్ జోరుగా సాగాయి. కొత్త కంటెస్టెంట్లను పోటుగాళ్లుగా.. పాత కంటెస్టెంట్లను ఆటగాళ్లుగా బిగ్ బాస్ విభజించాడు. ఇలా బిగ్ బాస్ 7 తెలుగు ఆరో వారం నామినేషన్లలో ఆట సందీప్, ప్రిన్స్ యావర్, అమర్ దీప్ చౌదరి, శోభా శెట్టి, టేస్టీ తేజ, అశ్వినీ శ్రీ, పూజా మూర్తి, నయని పావని 8 మంది ఉన్నారు. నామినేషన్ ప్రక్రియ తర్వాత సీక్రెట్ రూమ్‌ నుంచి గౌతమ్ కృష్ణను హౌజ్‌లోకి వెళ్లాల్సిందిగా బిగ్ బాస్ చెప్పాడు.

నేరుగా నామినేట్

బిగ్ బాస్ ఆదేశంతో హౌజ్‌లోకి గౌతమ్ ఎంట్రీ ఇచ్చాడు. తేనే పూసిన కత్తితో చంపేశారు. కానీ ఈ అశ్వద్ధామకు చావు లేదు. గౌతమ్ ఈజ్ బ్యాక్.. ఇట్స్ అశ్వద్ధామ 2.0 బేబి అంటూ హంగామా చేశాడు గౌతమ్. తర్వాత గౌతమ్‌కి ఒకరిని సేవ్ చేయడం, మరొకరిని నేరుగా నామినేట్ చేసే పవర్ ఇచ్చాడు బిగ్ బాస్. దీంతో తాను నేరుగా ఎవరిని నామినేట్ చేయట్లేదని చెప్పిన గౌతమ్.. ఆట సందీప్‌ను సేవ్ చేస్తున్నట్లు తెలిపాడు.

మారిన ఆటతీరు

నామినేట్ చేస్తే వచ్చే పెయిన్ ఏంటీ తనకు తెలుసు అని. అందుకే ఎవరినీ నామినేట్ చేయట్లేదని గౌతమ్ కృష్ణ వివరించాడు. ఇక హౌజ్‌మేట్ ఎలిమినేషన్ ప్రాసెస్‌లో తనను సపోర్ట్ చేసిన ఆట సందీప్‌ను నామినేషన్ నుంచి సేవ్ చేసినట్లు పేర్కొన్నాడు. గౌతమ్ మార్చిన ఆట తీరుతో బిగ్ బాస్ 7 తెలుగు ఆరో వారం నామినేషన్లలో ఏడుగురు ఉన్నారు.