Nithin Kamath health : ఫిట్గా ఉండే జెరోధా సీఈఓ నితిన్ కామత్కు స్వల్ప గుండెపోటు!
26 February 2024, 15:36 IST
Nithin Kamath heart attack : జెరోధా కో-ఫౌండర్, సీఈఓ నితిన్ కామత్కు స్వల్ప గుండెపోటు వచ్చింది. ఫిట్నెస్కు అధిక ప్రాధాన్యత ఇచ్చేవారిలో నితిన్ కామత్ ఒకరు!
ఫిట్గా ఉండే జెరోధా సీఈఓ నితిన్ కామత్కు స్వల్ప గుండెపోటు!
Nithin Kamath health : ఎల్లప్పుడు ఫిట్గా ఉంటూ, ఫిట్నెస్కు అధిక ప్రాధాన్యత ఇచ్చే ప్రముఖ స్టాక్ బ్రోకరేజ్ సంస్థ జెరోధా కో-ఫౌండర్, సీఈఓ నితిన్ కామత్ స్వల్ప గుండెపోటుకు గురయ్యారు! ఈ విషయాన్ని ఆయనే స్వయంగా వెల్లడించారు. ఆరు వారాల క్రితం.. మైల్డ్ స్ట్రోక్తో ఆరోగ్యం దెబ్బతినట్టు వివరించారు.
ఆరు వారాల క్రితం.. నితిన్ కామత్కు స్ట్రోక్!
"ఆరు వారాల క్రితం.. అనూహ్యంగా నాకు స్వల్ప గుండెపోటు వచ్చింది. తండ్రి మరణించడం, నిద్ర సరిగ్గా లేకపోవడం, అలసిపోవడం, డీహైడ్రేషన్, ఎక్కువగా వర్కౌట్స్ చేయడం.. వీటిల్లో ఏదో ఒకటి కారణం అవ్వొచ్చు," అని సోమవారం.. ఓ ట్వీట్ చేశారు 44ఏళ్ల నితిన్ కామత్.
తన ముఖం పొడిబారినట్టు, అప్పటి నుంచి చదవడం- రాయడం కష్టంగా ఉన్నట్టు వెల్లడించారు జెరోధా కో-ఫౌండర్ నితిన్ కామత్. పూర్తిగా రికవర్ అవ్వడానికి 3 నుంచి 6 నెలల సమయం పడుతుందని తెలిపారు.
Zerodha CEO Nithin Kamath : "ముఖంలో చాలా మార్పులు కనిపించాయి. గతంలో చదవడానికి, రాయడానికి వచ్చేది కాదు. ఇప్పుడు కాస్త బాగుంది. మెదడు సరిగ్గా పనిచేయలేదు. ఇప్పుడు బాగుంది. రికవరీకి 3 నుంచి 6 నెలల పాటు సమయం పడుతుంది," అని స్పష్టం చేశారు నితిన్ కామత్.
ఇదీ చూడండి:- Zerodha CEO: ‘‘సొంత ఇల్లు కొనడం బెటరా? రెంట్ కు ఉండడం బెటరా?’’.. జెరోధా సీఈఓ లెక్కకు నెటిజన్లు ఫిదా..
ఫిట్నెస్కి అధిక ప్రాధాన్యత ఇవ్వాలని చెప్పే వారిలో నితిన్ కామత్ ఒకరు. ఆయన చాలా ఫిట్గా ఉంటారు. స్టాక్ మార్కెట్ కన్నా.. ఆరోగ్యంపైనే అధిక దృష్టిపెట్టాలని కూడా చాలా సందర్భాల్లో యువతకు మెసేజ్ ఇచ్చారు. కానీ ఇప్పుడు ఆయనకు మైల్డ్ స్ట్రోక్ రావడం.. సర్వత్రా చర్చకు దారితీసింది. అంత ఫిట్గా ఉండే మనిషికి కూడా స్ట్రోక్ వస్తోందేంటని చర్చలు జరుగుతున్నాయి.
Nithin Kamath mild stroke : అయితే.. తనకు మైల్డ్ స్ట్రోక్ వచ్చిన తర్వాత.. తన హాబిట్స్, అలవాట్లపై మళ్లీ దృష్టిపెట్టినట్టు, ఎవైనా మార్చుకునేవి ఉంటే.. మార్చుకుంటాని జెరోధా నితిన్ కామత్ తెలిపాు.
"నిత్యం ఫిట్గా ఉండి, తన గురించి తాను కేర్ తీసుకునే వారికి ఎందుకు ఇలా అవుతుందో నాకు తెలియదు. ఎప్పుడు ఏం చేయాలో, ఎప్పుడు నెమ్మదించాలో మనకి కచ్చితంగా తెలియాలి అని డాక్టర్లు చెబుతున్నారు. కాస్త బాధగా ఉంది. కానీ రికవర్ అవుతున్నాను. ట్రెడ్మిల్ కౌంట్ని పెంచుతున్నాను," అని నితిన్ కామత్ వివరించారు.
Nithin Kamath latest news : జెరోధా బ్రెదర్స్గా గుర్తింపు పొందిన నితిన్ కామత్, నికిల్ కామత్లు.. సోషల్ మీడియాలో చాలా యాక్టివ్గా ఉంటారు. యువతకు ఫైనాన్స్, హెల్త్తో పాటు ఇతర విషయాల్లో కీలక టిప్స్ ఇస్తూ ఉంటారు. పాడ్కాస్ట్లు కూడా నిర్వహించి.. హెల్తీ లైఫ్స్టైల్కి ఉన్న అవసరాన్ని ప్రమోట్ చేస్తూ ఉంటారు. ఇక ఇప్పుడు.. నితిన్ కామత్ త్వరగా కోలుకోవాలని నెటిజన్లు మెసేజ్లు చేస్తున్నారు.