Xiaomi first electric vehicle: షియోమీ తొలి ఎలక్ట్రిక్ వెహికిల్.. ఫస్ట్ లుక్, ఫీచర్స్ ఇవే

గురువారం జరిగిన షియోమీ ఈవీ టెక్నాలజీ లాంచ్ ఈవెంట్లో చైనీస్ స్మార్ట్‌ఫోన్ తయారీదారు దీర్ఘకాలికంగా ఎదురు చూస్తున్న మొదటి ఎలక్ట్రిక్ వాహనాన్ని ఆవిష్కరించింది. ఎస్‌యూ7గా పిలిచే ఈ సెడాన్ తన షేర్‌డ్ ఆపరేటింగ్ సిస్టమ్‌ను కంపెనీ పాపులర్ ఫోన్లతో అనుసంధానం చేస్తుందని భావిస్తున్నారు.

వచ్చే 15 నుంచి 20 ఏళ్లలో కష్టపడి పనిచేయడం ద్వారా ప్రపంచంలోని టాప్ 5 ఆటోమొబైల్ తయారీదారుల్లో ఒకరిగా ఎదుగుతామని, చైనా మొత్తం ఆటోమొబైల్ పరిశ్రమను పైకి తీసుకురావడానికి కృషి చేస్తామని చీఫ్ ఎగ్జిక్యూటివ్ లీ జున్ అన్నారు.

షియోమీ ఈవీ ఎస్ యూ7 ఐదు కోర్ టెక్నాలజీలు

ఎలక్ట్రిక్ వాహనాల్లోని ఐదు ప్రధాన టెక్నాలజీలు ఈ-మోటార్స్, బ్యాటరీ, హైపర్ కాస్టింగ్, అటానమస్ డ్రైవింగ్, స్మార్ట్ క్యాబిన్.

• షియోమి సిటిబి (సెల్-టు-బాడీ) టెక్నాలజీని అభివృద్ధి చేసింది. బ్యాటరీని వెహికిల్ బాడీలో అనుసంధానించింది. నిర్మాణ దృఢత్వాన్ని మెరుగుపరుస్తుంది. విశాలమైన క్యాబిన్ కోసం ఎత్తును తగ్గిస్తుంది.

• 21,000 ఆర్‌పిఎమ్ గరిష్ట రోటర్ వేగంతో వీ6, వీ6ఎస్‌లు భారీ సంఖ్యలో ఉత్పత్తి అవుతున్నాయి. 27,200 ఆర్‌పిఎమ్ సామర్థ్యం కలిగిన షియోమీ హైపర్ ఇంజిన్ వీ8ఎస్ 2025 నాటికి రోడ్డెక్కనుంది.

• షియోమి హైపర్ కాస్టింగ్ ఆటోమోటివ్ రంగంలో అవకాశాలను పునర్నిర్మించాలని లక్ష్యంగా పెట్టుకుంది.

• షియోమి హైపర్ ఓఎస్‌ని షియోమి ఈవీలో విలీనం చేస్తుంది.