Stocks to buy today : ఈ రూ. 570 స్టాక్తో షార్ట్ టర్మ్లో భారీ లాభాలు..!
16 April 2024, 9:02 IST
- Stocks to buy today : స్టాక్ మార్కెట్ ట్రేడర్లు నేడు ట్రాక్ చేయాల్సిన స్టాక్స్ టు బై లిస్ట్ని నిపుణులు వెల్లడించారు. ఆ వివరాలు..
స్టాక్స్ టు బై లిస్ట్..
Stocks to buy today : ఇజ్రాయెల్- ఇరాన్ మధ్య నెలకొన్న ఉద్రిక్తతల కారణంగా దేశీయ స్టాక్ మార్కెట్లు.. సోమవారం ట్రేడింగ్ సెషన్లో భారీగా నష్టపోయాయి. బీఎస్ఈ సెన్సెక్స్ 845 పాయింట్లు కోల్పోయి 73,400 వద్ద స్థిపడింది. ఎన్ఎస్ఈ నిఫ్టీ.. 247 పాయింట్ల నష్టంతో 22,272 వద్ద ముగిసింది. ఇక 791 పాయింట్లు కోల్పోయిన బ్యాంక్ నిఫ్టీ.. 47,773 వద్దకు చేరింది.
ఇజ్రాయెల్- ఇరాన్ మధ్య ఉద్రిక్తతలు శాంతించేంత వరకు.. దేశీయ స్టాక్ మార్కెట్లతో పాటు అంతర్జాతీయ మార్కెట్లలో అనిశ్చితి, ఒదుడొకులు కొనసాగే అవకాశం ఉందని నిపుణులు చెబుతున్నారు. ట్రేడర్లు, మదుపర్లు అలర్ట్గా ఉండాలని హెచ్చరిస్తున్నారు.
ఎఫ్ఐఐలు.. డీఐఐలు..
సోమవారం ట్రేడింగ్ సెషన్లో ఎఫ్ఐఐలు రూ. 3,268 కోట్లు విలువ చేసే షేర్లను విక్రయించారు. అదే సమయంలో డీఐఐలు రూ. 4762.93 కోట్లు విలువ చేసే షేర్లను కొనగోలు చేశారు.
ఇక దేశీయ స్టాక్ మార్కెట్లు.. మంగళవారం ట్రేడింగ్ సెషన్ని సైతం భారీ నష్టాల్లో మొదలుపెట్టే అవకాశం ఉంది. గిఫ్టీ నిఫ్టీ దాదాపు 120 పాయింట్ల నష్టంలో ఉండటమే ఇందుకు కారణం.
అమెరికా స్టాక్ మార్కెట్లు..
అంతర్జాతీయ ప్రతికూల పరిస్థితుల మధ్య.. అమెరికా స్టాక్ మార్కెట్లు సైతం సోమవారం ట్రేడింగ్ సెషన్లో నష్టపోయాయి. డౌ జోన్స్ 0.65శాతం పడింది. ఎస్ అండ్ పీ 500 1.2శాతం, నాస్డాక్ 1.79శాతం మేర నష్టపోయాయి.
స్టాక్స్ టు బై టుడే లిస్ట్..
Intraday Stocks to buy : కోల్గోట్ పాల్మోలివ్:- బై రూ. 2673.30, స్టాప్ లాస్ రూ. 2585, టార్గెట్ రూ .2820
గుజరాత్ గ్యాస్:- బై రూ. 573, స్టాప్ లాస్ రూ. 546, టార్గెట్ రూ. 620
మంగళం సిమెంట్:- బై రూ. 854- రూ. 856, స్టాప్ లాస్ రూ. 829,
సింగ్నిటి టెక్నాలజీస్:- బై రూ. 1273- రూ. 1275, స్టాప్ లాస్ రూ. 1240, టార్గెట్ రూ. 1330