Stock market holiday today : నేడు స్టాక్​ మార్కెట్​లకు సెలవు

Stock market holiday today : దలాల్​ స్ట్రీట్​ టేడర్స్​, ఇన్​వెస్టర్లకు ముఖ్యమైన వార్త. బాబాసాహెబ్​ అంబేడ్కర్​ జయంతి సందర్భంగా.. దేశీయ స్టాక్​ మార్కెట్​లకు నేడు సెలవు. బీఎస్​ఈ, ఎన్​ఎస్​ఈ మూతపడి ఉండాయి. శని, ఆదివారాల సెలవు అనంతరం సోమవారం తిరిగి తెరుచుకుంటాయి. శుక్రవారం స్టాక్​ మార్కెట్​లో ఎలాంటి ట్రేడింగ్​ కార్యకలాపాలు ఉండవు.

2023 స్టాక్​ మార్కెట్​ హాలీడేస్​ లిస్ట్​ ప్రకారం.. శుక్రవారం ఈక్విట సెగ్మెంట్​, ఈక్విటీ డెరివేటివ్​ సెగ్మెంట్​, ఎస్​ఎల్​బీ సెగ్మెంట్​లలో ఎలాంటి కార్యకలాపాలు ఉండవు. బాబాసాహెబ్​ అంబేడ్కర్​ జయంతి ఇందుకు కారణం.

కమోడిటీ డెరివేటివ్​ సెగ్మెంట్​, ఎలక్ట్రానిక్​ గోల్డ్​ రెసిప్ట్స్​ (ఈజీఆర్​)లలో మార్నింగ్​ సెషన్​.. అంటే ఉదయం 9 గంటల నుంచి సాయంత్రం 5 గంటల వరకు సెలవు. సాయంత్రం 5 గంటల నుంచి 9 గంటల వరకు పనిచేస్తాయి. ఇక ఎంసీఎక్స్​, ఎన్​సీడీఈఎక్స్​లు ఈవినింగ్​ సెషన్​లో పనిచేస్తాయి.

స్టాక్​ మార్కెట్​ సెలవులు..

ఏప్రిల్​లో స్టాక్​ మార్కెట్​లు ఇప్పటికే రెండు రోజులు సెలవులు తీసుకున్నాయి. ఇది మూడోది. ఏప్రిల్​ 4న మహావీర్​ జయంతి, ఏప్రిల్​ 7వ గుడ్​ ఫ్రైడే నేపథ్యంలో స్టాక్​ మార్కెట్​లు పనిచేయలేదు. ఇక ఈ నెలలో ఇదే చివరి హాలీడే.

మే నెలలో స్టాక్​ మార్కెట్​లకు కేవలం 1 రోజు మాత్రమే సెలవు ఉంటుంది. అది మే 1 (మే డే, మహారాష్ట్ర డే).

గురువారం ట్రేడింగ్​ సెషన్​..

ఇక గురువారం ట్రేడింగ్​ సెషన్​లో బీఎస్​ఈ సెన్సెక్స్​ 38 పాయింట్లు పెరిగి 60,431 వద్ద ముగిసింది. ఎన్​ఎస్​ఈ నిఫ్టీ 16 పాయింట్ల లాభంతో 17,828 వద్ద స్థిరపడింది.