Vistara airlines special sale: విస్తారా ఏర్ లైన్స్ స్పెషల్ డిస్కౌంట్ సేల్.. రూ. 1950 నుంచే ప్రారంభం
Published Jan 26, 2024 05:18 PM IST
Share
Vistara airlines special sale: విస్తారా ఎయిర్ లైన్స్ రిపబ్లిక్ డే సేల్ ను ప్రారంభించింది. గణతంత్ర దినోత్సవం సందర్భంగా తక్కువ ధరకే విమాన టికెట్లను ఆఫర్ చేస్తోంది. ఈ ఆఫర్ లో బుక్ చేసుకుని సెప్టెంబర్ 30 వ తేదీ వరకు ప్రయాణించవచ్చు.
ప్రయోగాత్మక చిత్రం
రిపబ్లిక్ డే సందర్భంగా విస్తారా ఏర్ లైన్స్ ప్రత్యేక డిస్కౌంట్ సేల్ (Vistara airlines Republic Day special sale) ను ప్రకటించింది. జనవరి 26 వ తేదీ నుంచి జనవరి 28వ తేదీ వరకు ఆ ఆఫర్ ద్వారా విమాన టికెట్లను బుక్ చేసుకోవచ్చు. ఇప్పుడు బుక్ చేసుకున్న టికెట్లతో సెప్టెంబర్ 30వ తేదీ వరకు ప్రయాణించవచ్చు. ఎకానమీ, ప్రీమియం ఎకానమీ, బిజినెస్ క్లాస్ మూడు క్యాబిన్లలో డిస్కౌంట్లు అందుబాటులో ఉంటాయి.
రూ.1,950 నుంచి
ఈ విస్తారా ప్రత్యేక రిపబ్లిక్ డే సేల్ లో రూ.1,950 నుంచి వన్ వే టికెట్ చార్జీలు ప్రారంభమవుతున్నాయి. డిస్కౌంట్ బుకింగ్స్ జనవరి 26 అర్ధరాత్రి ప్రారంభమై జనవరి 28 అర్ధరాత్రి 23:59 గంటల వరకు కొనసాగుతాయి. ఇది సెప్టెంబర్ 30 వరకు చేసే (బ్లాక్అవుట్ తేదీలను మినహాయించి) ప్రయాణాలకు వర్తిస్తుంది. "వన్-వే డొమెస్టిక్ ఛార్జీలు ఎకానమీకి రూ .1,950, ప్రీమియం ఎకానమీకి రూ .2,426, బిజినెస్ క్లాస్ కు రూ .9,926 (కన్వీనియన్స్ ఫీజు వర్తిస్తుంది) నుండి ప్రారంభమవుతాయి. అన్ని ఛార్జీలు పన్నులతో సహా ఉంటాయి. ఎంపిక చేసిన సెక్టార్లు / విమానాలకు వర్తిస్తాయి" అని విస్తారా ఒక అధికారిక ప్రకటనలో వివరించింది.
ఎలా బుక్ చేసుకోవడం?
వెబ్ సైట్ లో, మొబైల్ యాప్స్ లో (ఐఓఎస్, ఆండ్రాయిడ్), విస్తారా విమానాశ్రయ టికెట్ కార్యాలయాలలో, ఎయిర్ లైన్స్ కాల్ సెంటర్, ఆన్ లైన్ ట్రావెల్ ఏజెన్సీల ద్వారా, ట్రావెల్ ఏజెంట్ల ద్వారా ఈ డిస్కౌంట్ ఆఫర్ లో ప్రయాణికులు టికెట్లను బుక్ చేసుకోవచ్చు. అయితే, ఈ ప్రమోషనల్ ఛార్జీలపై డైరెక్ట్ ఛానల్ డిస్కౌంట్లు, కార్పొరేట్ డిస్కౌంట్లు లేదా సాఫ్ట్ బెనిఫిట్స్ వర్తించవు. ఈ బుకింగ్ లకు వోచర్లు కూడా వర్తించవు. అమ్మకానికి అందుబాటులో ఉన్న సీట్లు పరిమితం మరియు ఫస్ట్-కమ్, ఫస్ట్-సర్వ్ ప్రాతిపదికన లభిస్తాయి.
టాటా, సింగపూర్ ఎయిర్ లైన్స్
టాటా గ్రూప్, సింగపూర్ ఎయిర్ లైన్స్ ల జాయింట్ వెంచర్ అయిన విస్తారా ప్రస్తుతం 67 విమానాలను కలిగి ఉంది. ప్రతిరోజూ 320 విమానాలను నడుపుతోంది. ఈ ఏడాది ఏప్రిల్ నాటికి బోయింగ్ 787తో సహా మరో మూడు విమానాలను అందుబాటులోకి తీసుకురావాలని భావిస్తోంది. 2023 క్యాలెండర్ ఇయర్లో దేశీయ విమాన ప్రయాణికుల రద్దీ 8.34 శాతం పెరిగి 15.20 కోట్లకు చేరుకుంది. డైరెక్టరేట్ జనరల్ ఆఫ్ సివిల్ ఏవియేషన్ డేటా ప్రకారం 2022 డిసెంబర్ 31తో ముగిసిన సంవత్సరంలో మొత్తం దేశీయ ప్రయాణీకుల పరిమాణం 12.32 కోట్లుగా నమోదైంది. మొత్తం దేశీయ ప్రయాణీకుల రద్దీలో, విస్తారా 2023 లో 1.38 కోట్ల ప్రయాణీకులతో 9.1% మార్కెట్ వాటాను కలిగి ఉంది.