Realme 5th Anniversary Sale: రియల్‍మీ మొబైళ్లు, స్మార్ట్ టీవీలపై ఆఫర్లు: వివరాలివే
02 May 2023, 10:01 IST
Share
- Realme 5th Anniversary Sale: రియల్‍మీ 5వ యానివర్సరీ సేల్ అందుబాటులోకి వచ్చింది. ఈనెల 3వ తేదీ వరకు ఈ సేల్ ఉండనుంది. ఈ సేల్‍లో రియల్‍మీ మొబైళ్లు, ల్యాప్‍టాప్‍లు, స్మార్ట్ టీవీలు డిస్కౌంట్‍లతో అందుబాటులో ఉన్నాయి.
Realme 5th Anniversary Sale: రియల్‍మీ మొబైళ్లు, స్మార్ట్ టీవీలపై ఆఫర్లు (Photo: Realme)
Realme 5th Anniversary Sale: 5వ యానివర్సరీ సందర్భంగా రియల్‍మీ ఓ ప్రత్యేక సేల్‍ను తీసుకొచ్చింది. రియల్‍మీ 5వ యానివర్సరీ సేల్ (Realme 5th Anniversary Sale) అందుబాటులోకి వచ్చింది. ఇప్పటికే ఈ సేల్ ప్రారంభం కాగా ఈనెల 3వ తేదీ వరకు ఉండనుంది. రియల్‍మీ అఫీషియల్ వెబ్‍సైట్‍తో పాటు ఫ్లిప్కార్ట్, అమెజాన్ ప్లాట్‍ఫామ్‍ల్లో కూడా ఈ యానివర్సరీ సేల్ సందర్భంగా రియల్‍మీ మొబైళ్లు, స్మార్ట్ టీవీలు, ల్యాప్‍టాప్‍లు సహా ఆ కంపెనీ ప్రొడక్టులపై ప్రత్యేక ఆఫర్లు ఉన్నాయి. రియల్‍మీ వెబ్‍సైట్‍లో డిస్కౌంట్ ధరలతో పాటు ఐసీఐసీఐ క్రెడిట్ కార్డుతో కొంటే అదనపు తగ్గింపు కూడా పొందవచ్చు. ఈ సేల్‍లో ఉన్న ఆఫర్ల వివరాలివే.
కొన్ని బెస్ట్ డీల్స్
Realme 5th Anniversary Sale: రియల్‍మీ 5వ యానివర్సరీ సేల్ సందర్భంగా రియల్‍మీ జీటీ నియో 3టీ మొబైల్ సుమారు రూ.8,000 డిస్కౌంట్తో రూ.19,999కే రియల్‍మీ వెబ్‍సైట్, ఫ్లిప్కార్ట్ లో అందుబాటులో ఉంది. బ్యాంక్ కార్డు ఆఫర్ వినియోగించుకుంటే మరింత తక్కువకే దక్కించుకోవచ్చు. స్నాప్‍డ్రాగన్ 870 ప్రాసెసర్, అమోలెడ్ డిస్‍ప్లే, 80 వాట్ల ఫాస్ట్ చార్జింగ్ సపోర్టును ఈ మొబైల్ కలిగి ఉంది. ఫ్లాగ్‍షిప్ రియల్‍మీ జీటీ 2 ప్రో.. రూ.14వేల డిస్కౌంట్తో రూ.35,999కు లభిస్తోంది. ఈ సేల్‍లో రియల్‍మీ 10 ప్రో 5జీ, రియల్‍మీ 10 మొబైళ్లపై రూ.2,000 వరకు ఆఫర్ ఉంది.
రియల్‍మీ 9ఐ 5జీ, రియల్‍మీ సీ55, రియల్‍మీ సీ30 ,రియల్‍మీ సీ35, రియల్‍మీ జీటీ2, రియల్‍మీ 9 ప్రో+ 5జీ సహా మరిన్ని మొబైళ్లపై ఈ సేల్ సందర్భంగా డిస్కౌంట్లు లభిస్తున్నాయి.
Realme 5th Anniversary Sale: రియల్‍మీ యానివర్సరీ సేల్ సందర్భంగా రియల్‍మీ బుక్ స్లిమ్ ఇంటెల్ కోర్ ఐ5 ప్రాసెసర్ ల్యాప్‍టాప్ (Laptop) డిస్కౌంట్తో ప్రస్తుతం రూ.47,999 లభిస్తోంది. రియల్‍మీ బుక్ స్లిమ్ ఇంటెల్ కోర్ ఐ3 ల్యాప్‍టాప్ రూ.32,999కు ప్రస్తుతం అందుబాటులో ఉంది. ఫ్లిప్కార్ట్(Flipkart)లో ఈ ఆఫర్లతో ల్యాప్‍టాప్‍లు అందుబాటులో ఉన్నాయి.
Realme 5th Anniversary Sale: యానివర్సరీ సేల్ సందర్భంగా ఫ్లిప్కార్ట్, రియల్‍మీ వెబ్‍సైట్‍లో రియల్‍మీ స్మార్ట్ టీవీలపై డిస్కౌంట్లు ఉన్నాయి. రియల్‍మీ 32 ఇంచుల టీవీలు, 43 ఇంచుల 4కే యూహెచ్‍డీ టీవీలపై రూ.3,000 వరకు డిస్కౌంట్లు ఉన్నాయి. రియల్‍మీ స్మార్ట్ టీవీ నియో 32 ఇంచుల టీవీ రూ.1,000 డిస్కౌంట్తో రూ.11,999కే అందుబాటులో ఉంది. ఈ రియల్‍మీ 5వ యానివర్సరీ సేల్ మే 3వ తేదీ వరకు ఉంటుంది.