RBI interest rates : 7వసారి వడ్డీ రేట్లు యథాతథం.. ఆర్బీఐ ప్రకటన
05 April 2024, 10:47 IST
- RBI interest rates : వడ్డీ రేట్లను వరుసగా 7వసారి యథాతంగా ఉంచింది ఆర్బీఐ. ఈ మేరకు రిజర్వ్ బ్యాంక్ ఆఫ్ ఇండియా గవర్నర్ ప్రకటన చేశారు.
వడ్డీ రేట్లపై ఆర్బీఐ ప్రకటన..
RBI interest rates : మొనేటరీ పాలసీ కమిటీ మీటింగ్ ముగింపు నేపథ్యంలో వడ్డీ రేట్లపై శుక్రవారం ప్రకటన చేశారు ఆర్బీఐ (రిజర్వ్ బ్యాంక్ ఆఫ్ ఇండియా) గవర్నర్ శక్తికాంత దాస్. కీలక వడ్డీ రేట్లను యథాతథంగా ఉంచుతున్నట్టు వెల్లడించారు. ఫలితంగా వరుసగా 7వసారి రెపో రేటును 6.5శాతంగా ఉంచింది ఆర్బీఐ.
Skoda new SUV : మారుతీ సుజుకీ బ్రెజాకు పోటీగా స్కోడా కొత్త ఎస్యూవీ..!
Infinix GT 20 Pro : ఇండియాలో ఇన్ఫీనిక్స్ జీటీ 20 ప్రో లాంచ్ డేట్ ఫిక్స్.. ఫీచర్స్ ఇవే!
Honda Civic into Lamborghini : హోండా సివిక్ని లంబోర్ఘినిగా మార్చిన యూట్యూబర్- నెటిజన్లు ఫిదా!
Motorola X50 Ultra : మోటోరోలా ఎక్స్50 అల్ట్రా లాంచ్.. సూపర్ కూల్ ఫీచర్స్తో!
దేశంలోని బ్యాంక్లకు డబ్బులను అప్పుగా ఇస్తుంది ఆర్బీఐ. అప్పుపై వడ్డీ రేటును వసూలు చేస్తుంది. దానిని రెపో రేట్ అంటారు. రెపో రేట్ పెరిగితే.. బ్యాంక్లకు కష్టమవుతుంది. అందుకే ఆ బ్యాంక్లు కూడా వివిధ లోన్లపై వడ్డీని పెంచుతాయి. రెపో రేటు తగ్గితే.. ఆర్బీఐకి బ్యాంక్లు ఇవ్వాల్సిన వడ్డీ కూడా తగ్గుతుంది. ఫలితంగా.. ప్రజలకు బ్యాంక్లు ఇచ్చే రుణాలపై వడ్డీ రేట్లు దిగొస్తాయి.
RBI monetary policy meeting : ఇక రెపో రెట్లు మారకపోవడంతో.. ప్రస్తుతం దేశంలో ఉన్న వివిధ లోన్లపై వడ్డీ రేట్లు కూడా మారే అవకాశం లేదు.
చివరిగా ఫిబ్రవరిలో జరిగిన ఆర్బీఐ మొనేటరీ పాలసీ మీటింగ్లోనూ వడ్డీ రేట్లను యథాతథంగా ఉంచడం జరిగింది. అయితే.. ఈసారి మాత్రం వడ్డీ రేట్లను యథాతథంగా ఉంచాలన్న ప్రతిపాదనకు పూర్తిస్థాయి మెజారిటీతో లభించలేదు! 5:1తో ప్రతిపాదన పాసైంది. వడ్డీ రేట్లను ఈసారి మార్చాలని.. పాలసీ కమిటీ మీటింగ్ సభ్యుల్లో ఒకరు అభిప్రాయపడ్డారు.
ద్రవ్యోల్బణం తమ టార్గెట్స్కి దగ్గరిగానే ఉందని పేర్కొన్నారు శక్తికాంత దాస్. కోర్ ఇన్ఫ్లేషన్.. గత 9 నెలలుగా దిగొస్తోందని చెప్పుకొచ్చారు.
RBI interest rates latest news : "ద్రవ్యోల్బణం దిగొస్తోంది. కానీ ఫుడ్ ప్రైజ్ విషయంలో నెలకొన్న అనిశ్చితి కాస్త సవాలు విసురుతోంది. అందుకే.. ద్రవ్యోల్బణం పెరిగి రిస్క్ని మేము తీవ్రంగా పరిగణిస్తున్నాము. ఎప్పటికప్పుడు ట్రాక్ చేస్తున్నాము," అని ఆర్బీఐ గవర్నర్ శక్తికాంత దాస్ తెలిపారు.
దేశంలో ఆర్థిక వ్యవస్థ బలంగా ఉందని, అందుకే ద్రవ్యోల్బణంపై ఫోకస్ చేయగలుగుతున్నామని శక్తికాంత దాస్ అన్నారు. అంతర్జాతీయ ఆర్థిక వ్యవస్థ కూడా సానుకూలంగానే ఉందని, 2024లో గ్లోబల్ ట్రేడ్ మరింత వేగంగా వృద్ధిచెందుతుందని అంచనా వేస్తున్నట్టు స్పష్టం చేశారు.
ఇండియా లిక్విడిటీ పరిస్థితులు మార్చ్ నెలలో మెరుగుపడినట్టు వివరించారు ఆర్బీఐ గవర్నర్.