OPPO A58 launch : ఒప్పో ఏ58 4జీ లాంచ్​ రేపే.. ధర, ఫీచర్స్​ లీక్​!

OPPO A58 launch : ఇండియా స్మార్ట్​ఫోన్​ మార్కెట్​పై ఫోకస్​ పెంచింది ఒప్పో సంస్థ. త్వరలోనే ఓ 4జీ స్మార్ట్​ఫోన్​ను లాంచ్​ చేయనుందని సమాచారం. దీని పేరు ఒప్పో ఏ58. ఈ మోడల్​ ఫీచర్స్​, ధర వంటి వివరాలు ఆన్​లైన్​లో లీక్​ అయ్యాయి. వాటిపై ఓ లుక్కేద్దాము..

ఈ స్మార్ట్​ఫోన్​ ఫీచర్స్​ ఏంటి..?

ఒప్పో ఏ58 4జీలో 6.72 ఇంచ్​ ఫుల్​ హెచ్​డీ ప్లస్​ ఎల్​సీడీ స్క్రీన్​ ఉంటుంది. సైడ్​ ఫేసింగ్​ ఫింగర్​ప్రింట్​ సెన్సార్​ దీని సొంతం. ఇందులో 50ఎంపీ ప్రైమరీ, 2ఎంపీ పోట్రైట్​ కెమెరా ఉంటుందని తెలుస్తోంది. ఇక సెల్ఫీ, వీడియో కాల్స్​ కోసం ఇందులో 8ఎంపీ కెమెరా వస్తుందని లీక్స్​ సూచిస్తున్నాయి.

OPPO A58 4G price in India : ఈ గ్యాడ్జెట్​లో హీలియో జీ85 ప్రాసెసర్​ ఉండొచ్చు. ఎల్​పీడీడీఆర్​4ఎక్స్​ ర్యామ్​, ఈఎంఎంసీ 5.1 స్టోరేజ్​ వంటివి లభించే అవకాశం ఉంది. ఆడ్రాయిడ్​ 13 ఆధారిత కలర్​ఓఎస్​ 13.1 సాఫ్ట్​వేర్​పై ఇది పనిచేస్తుందని సమాచారం. 5000ఎంఏహెచ్​ బ్యాటరీ, 33 వాట్​ ఫాస్ట్​ ఛార్జింగ్​ కెపాసిటీ వస్తుంది.

డాజ్లింగ్​ గ్రీన్​, గ్లోయింగ్​ బ్లాక్​ కలర్స్​లో ఈ స్మార్ట్​ అందుబాటులోకి రానుందని తెలుస్తోంది.

ఇదీ చూడండి:- బడ్జెట్​ ఫ్రెండ్లీ స్మార్ట్​ఫోన్స్​.. వీటి ధర రూ. 10వేల కన్నా తక్కువే!

లాంచ్​ ఎప్పుడు? ధర ఎంత?

ఒప్పో ఏ58 4జీకి ఇటీవలే బీఐఎస్​ సర్టిఫికేట్​ లభించింది. ఇక ఆగస్ట్​ 8న ఈ మొబైల్​ లాంచ్​ అవుతుందని వార్తలు వస్తున్నాయి. 6జీబీ ర్యామ్​- 128జీబీ స్టోరేజ్​ వేరియంట్​ ధర రూ. 14,999గా ఉండొచ్చు.

ధరకు సంబంధించిన వార్త నిజమే అయితే.. ఈ ఫీచర్స్​కు ప్రైజ్​ కాస్త ఎక్కువేనని టెక్​ నిపుణులు అభిప్రాయపడుతున్నారు.

పోకో ఎం6 ప్రో చూశారా..?

POCO M6 Pro price : రూ. 14,999 ప్రైజ్​ ట్యాగ్​తో ఒప్పో ఏ58 లాంచ్​ అయితే.. పోకో ఎం6 ప్రో దానికి ప్రత్యామ్నాయంగా ఉంటుందని టెక్​ నిపుణులు చెబుతున్నారు. ఇందులో 6.79 ఇంచ్​ ఫుల్​ హెచ్​డీ ప్లస్​ ఎల్​సీడీ స్క్రీన్​ వస్తోంది. 50ఎంపీతో కూడిన డ్యూయెల్​ రేర్​ కెమెరా దీని సొంతం. ఫ్రెంట్​లో 8ఎంపీ సెల్ఫీ కెమెరా వస్తోంది.

ఇక ఈ గ్యాడ్జెట్​లో స్నాప్​డ్రాగన్​ 4 జెన్​ 2 ఎస్​ఓసీ ప్రాసెసర్​ ఉంటుంది. ఆండ్రాయిడ్​ 13 ఆధారిత ఎంఐయూఐ 14 సాఫ్ట్​వేర్​పై పనిచేస్తుంది. 5,000ఎంఏహెచ్​ బ్యాటరీ సెటప్​ లభిస్తుంది. 18వాట్​ ఛార్జింగ్​ సపోర్ట్​ వస్తోంది. పూర్తి వివరాల కోసం ఇక్కడ క్లిక్​ చేయండి.