Upcoming EV's in 2023 : 2023లో ‘ఈవీ’ జాతర.. లాంచ్కు సిద్ధంగా సూపర్ మోడల్స్!
27 December 2022, 7:43 IST
- Electric cars launching in 2023 : 2022లో ఇండియాలో కనిపిస్తున్న ఎలక్ట్రిక్ వాహనాల హవా.. 2023లోనూ కొనసాగనుంది! అనేక సంస్థలు.. 2023లో కొత్త ఈవీ మోడల్స్ను లాంచ్ చేసేందుకు ఏర్పాట్లు చేసుకుంటున్నాయి. ఆ వివరాల ఓసారి చూద్దాము..
సిట్రోయెన్ లోగో
Electric cars launching in 2023 in India : 2022లో ఇండియా ఈవీ మార్కెట్ దూసుకెళ్లింది. మునుపెన్నడు కూడా లేని విధంగా.. ఈ సారి వృద్ధి కనిపించింది. ఆటో సంస్థల మధ్య నెలకొన్న తీవ్ర పోటీతో.. ప్రతి నెల కొత్త కొత్త మోడల్స్ బయటకొచ్చాయి. ఇప్పుడు ఆటో సంస్థల లైనప్ చూస్తుంటే.. 2023లోనూ ఇదే కొనసాగనుంది! మరి వచ్చే ఏడాది ఇండియాలో లాంచ్ కానున్న పలు ఎలక్ట్రిక్ వాహనాల వివరాలను ఓసారి చూద్దాం..
ఆడీ క్యూ8 ఈ-ట్రాన్:-
Audi Q8 e-tron launch date in India : అంతర్జాతీయంగా ఈ ఆడీ క్యూ8 ఈ-ట్రాన్ ఈవీ.. రెండు వేరియంట్లలో లభిస్తోంది. వీటికి ట్వీన్ మోటార్ సెటప్ ఉంటుంది. మొదటి వేరియంట్కి 89కేడబ్ల్యూహెచ్ బ్యాటరీ ఉంటుంది. ఒక్కసారి ఛార్జ్ చేస్తే ఇది 505కి.మీల దూరం వరకు ప్రయాణిస్తుంది. రెండో వేరియంట్లో 104కేడబ్ల్యూహెచ్ బ్యాటరీ ప్యాక్ ఉంటుంది. ఒక్కసారి ఛార్జ్ చేస్తే ఇది 600కి.మీల దూరం ప్రయాణిస్తుంది.
ఇండియాలో ఆడీ క్యూ8 ఈ-ట్రాన్ ఈవీ.. 2023 రెండో భాగంలో లాంచ్ అయ్యే అవకాశాలు ఉన్నాయి. ధర రూ. 1.05కోట్లు- రూ. 1.25కోట్లు(అంచనా)
సిట్రోయెన్ ఈసీ3..
Citroen EC3 launch in India : సిట్రోయెన్ సీ3.. ఈ ఏడాదిలోనే ఇండియా మార్కెట్లో లాంచ్ అయ్యింది. ఇక దీనికి ఈవీ వర్షెన్ను తీసుకొచ్చేందుకు ఆటో సంస్థ ఏర్పాట్లు చేసుకుంటోంది. ఈ సిట్రోయెన్ ఈ సీ3లో 30.2కేడబ్ల్యూహెచ్ బ్యాటరీ ఉండొచ్చు. కారులో 3.3కేడబ్ల్యూ ఏసీ ఛార్జర్, సీసీఎస్2 ఫాస్ట్ ఛార్జింగ్ కెపాసిటీ కూడా ఉండే అవకాశం ఉంది. ఒక్కసారి ఛార్జ్ చేస్తే ఇది 350కి.మీల దూరం ప్రయాణిస్తుందని తెలుస్తోంది.
ఈ సిట్రోయెన్ ఈసీ3.. 2023 జనవరిలో లాంచ్ అవ్వొచ్చు. ధర రూ. 10లక్షలు- 12లక్షలు(అంచనా).
మిని ఈవీ:-
Mini EV price in India : బీఎండబ్ల్యూ, గ్రేట్ వాల్ మోటార్స్ జాయింట్ వెంచర్ కలిసి.. నెక్స్ట్ జనరేషన్ మిని ఈవీని రూపొందిస్తున్నాయి. ఇదొక త్రీ- డోర్ మోడల్ అని తెలుస్తోంది. పాత మోడల్తో పోల్చుకుంటే దీని పొడవు 40ఎంఎం ఎక్కువగా ఉండొచ్చు. ఒక్కసారి ఛార్జ్ చేస్తే ఇది 400 కి.మీల దూరం ప్రయాణిస్తుందని తెలుస్తోంది.
ఇండియాలో ఈ మిని ఈవీ 2023 రెండో భాగంలో లాంచ్ అవ్వొచ్చు. ధర రూ. 60లక్షలుగా ఉండొచ్చని మార్కెట్లో అంచనాలు ఉన్నాయి.
స్కోడా ఎన్యాక్ 4:-
Skoda Enyaq 4 : సీబీయూ మార్గంలో ఈ స్కోడా ఎన్యాక్ 4 ఇండియాలోకి వస్తుంది. ఇందులో 82కేడబ్ల్యూ బ్యాటరీ ప్యాక్ ఉండొచ్చు. 125కేడబ్ల్యూ డీసీ ఫాస్ట్ ఛార్జింగ్ ఉండే అవకాశం ఉంది. ఫలితంగా.. ఒక్కసారి ఛార్జ్ చేస్తే.. ఇది 513కి.మీల దూరం ప్రయాణించవచ్చు.
ఈ స్కోడా ఎన్యాక్ 4.. 2023 మధ్యలో ఇండియాలో లాంచ్ అవ్వొచ్చు. ధర రూ. 60లక్షలు (అంచనా).
వోల్వో ఈఎక్స్90..
Volvo EX90 launch date in India : వోల్వోకి మూడే ఈవీగా గుర్తింపు పొందింది ఈ ఎక్స్90. ఇందులో ఫీచర్స్ చాలా రిచ్గా ఉంటాయి! ఇందులో ట్విన్ మోటార్ ఉంటుంది. ఇందులో 111కేడబ్ల్యూహెచ్ బ్యాటరీ ప్యాక్ ఉండొచ్చు. ఒక్కసారి ఛార్జ్ చేస్తే ఇది 600 కి.మీల దూరం ప్రయాణించే అవకాశం ఉంది.
ఈ వోల్వో ఈఎక్స్90.. ఇండియాలో 2023 చివర్లో లాంచ్ అవ్వొచ్చు. ధర రూ. 1.5కోట్లు (అంచనా).
వోక్స్వ్యాగన్ ఐడీ.4:-
Volkswagen ID.4 launch in India news : ఇండియాలో ఐడీ.4ని టెస్ట్ చేస్తున్నట్టు వోక్స్వ్యాగన్ వెల్లడించింది. దీనిని ఎంఈబీ ఎలక్ట్రిక్ ప్లాట్ఫామ్పై రూపొందిస్తోంది ఆ సంస్థ. వోక్స్వ్యాగన్ నుంచి ఇండియాలోకి వస్తున్న తొలి ఈవీ ఇదే. ఇందులో ట్విన్ మోటార్ ఉంటుంది. ఇది 299హెట్పీ పవర్ను, 460ఎన్ఎం టార్క్ను జనరేట్ చేస్తుంది. దీని టాప్ స్పీడ్ 180కేపీహెచ్. 0-100 కేపీహెచ్ను కేవలం 6.2సెకన్లలో అందుకుంటుంది. ఒక్కసారి ఛార్జ్ చేస్తే ఈ ఈవీ.. 480కి.మీల దూరం ప్రయాణించే అవకాశం ఉంది.
ఇండియలో ఈ వోక్స్వ్యాగన్ ఐడీ.4 2023 మధ్యలో లాంచ్ అవ్వనుంది. ధర రూ. 50లక్షలు- 65లక్షలు (అంచనా).
- పైన చెప్పిన ధరలన్నీ ఎక్స్షోరూం ప్రైజ్లు.