WhatsApp : అయ్యో! ముఖ్యమైన వాట్సాప్​ చాట్స్​ డిలీట్​ అయిపోయాయా? ఇలా చేయండి..

ప్రపంచవ్యాప్తంగా అత్యంత ప్రాచుర్యం పొందిన మెసేజింగ్ ప్లాట్​ఫామ్స్​లో ఒకటి వాట్సాప్. ఇది వినియోగదారులకు స్నేహితులు, కుటుంబం, సహోద్యోగులతో కనెక్ట్ కావడానికి అంతరాయం లేని మార్గాన్ని అందిస్తుంది. ఏదేమైనా, కొన్నిసార్లు మనం అనుకోకుండా ముఖ్యమైన సందేశాలు లేదా మొత్తం చాట్​ని తొలగిస్తాము. అవి తిరిగొస్తే బాగుంటుందని కోరుకుంటాము. అదృష్టవశాత్తూ, మీకు బ్యాకప్ ఉంటే డిలీట్ చేసిన వాట్సాప్ చాట్లను తిరిగి పొందే అవకాశం ఉంది! ఆ వివరాలను ఇక్కడ చూసేయండి..

డిలీట్ అయిన వాట్సాప్ చాట్స్​ని రికవరీ చేయడం ఎలా?

మీ వాట్సాప్ డేటా బ్యాకప్​ని పునరుద్ధరించడం ద్వారా డిలీట్ చేసిన వాట్సాప్ చాట్లను సులభంగా పొందొచ్చు. చాట్లను తొలగించడానికి ముందు మీరు సాధారణ బ్యాకప్​ని సెటప్ చేసినట్లయితే, మీరు ఈ డేటాను సులభంగా యాప్​లోకి ఇంపోర్ట్​ చేసుకోవచ్చు. మీ సందేశాలను పునరుద్ధరించవచ్చు.

వాట్సాప్ సందేశాలను బ్యాకప్ చేయడానికి అత్యంత సాధారణ పద్ధతులలో ఒకటి గూగుల్ డ్రైవ్ (ఆండ్రాయిడ్ వినియోగదారుల కోసం). మీరు ఇంతకు ముందు మీ చాట్స్​ని గూగుల్ డ్రైవ్​కి బ్యాకప్ చేసి ఉంటే, రికవరీ ప్రక్రియ చాలా సులభం అవుతుంది.

గూగుల్ డ్రైవ్​లో వాట్సాప్ సందేశాలను బ్యాకప్ చేయడం ఎలా?

భవిష్యత్తులో మీ సందేశాలు బ్యాకప్ అవుతాయని మీరు నిర్ధారించుకోవాలనుకుంటే, గూగుల్ డ్రైవ్ బ్యాకప్​లను సెటప్ చేయడానికి ఈ సులభమైన స్టెప్స్​ అనుసరించండి:

1. మీ వాట్సప్ యాప్ ఓపెన్ చేసి కుడివైపు పైభాగంలో ఉన్న 3 డాట్స్​ని నొక్కండి.

2. సెట్టింగ్స్ > చాట్స్​లోకి వెళ్లండి.

3. చాట్ బ్యాకప్​పై ట్యాప్ చేయండి.

4. గూగుల్ డ్రైవ్​కి బ్యాకప్ ఎంచుకోండి.

5. మీ చాట్స్​ని ఎంత తరచుగా బ్యాకప్ చేయాలనుకుంటున్నారో ఎంచుకునే కొత్త పేజీకి మిమ్మల్ని తీసుకెళ్తారు. మీకు సరిపోయే ఆప్షన్​ని ఎంచుకోండి (రోజువారీ, వారపు లేదా నెలవారీ).

6. మీరు మీ వాట్సాప్ బ్యాకప్​లను స్టోర్ చేయాలనుకుంటున్న గూగుల్ అకౌంట్​ని లింక్ చేయండి.

7. మీ ప్రాధాన్యత, డేటా వినియోగాన్ని బట్టి వై-ఫై లేదా మొబైల్ డేటాపై బ్యాకప్ చేయాలా వద్దా అని ఎంచుకోండి.

8. అన్ని ఆప్షన్​లు సెట్ అయిన తర్వాత బ్యాకప్ ప్రాసెస్ మొదలవుతుంది.

రెగ్యులర్ బ్యాకప్​లతో, మీ చాట్ హిస్టరీ క్లౌడ్​లో సురక్షితంగా నిల్వ చేసి ఉంటుంది. అవసరమైనప్పుడు ఈజీగా చాట్స్​ పొందొచ్చు.

గూగుల్ డ్రైవ్ నుంచి డిలీట్ చేసిన వాట్సాప్ సందేశాలను ఎలా పొందాలి?

మీరు అనుకోకుండా ఒక చాట్​ని డిలీట్ చేసి, దానిని మీ గూగుల్ డ్రైవ్ బ్యాకప్ నుంచి పునరుద్ధరించాలనుకుంటే, మీరు ఏమి చేయాలో ఇక్కడ తెలుసుకోండి..

1. ముందుగా మీ డివైస్ నుంచి వాట్సప్​ని అన్- ఇన్​స్టాల్ చేయండి.

2. గూగుల్ ప్లే స్టోర్ నుంచి వాట్సాప్​ని డౌన్​లోడ్​ చేయండి.

3. వాట్సప్ ఓపెన్ చేసి ఎప్పటిలాగే మీ ఫోన్ నెంబర్ వెరిఫై చేయండి.

4. యాప్ మీ నంబర్​ని గుర్తించిన తర్వాత, గూగుల్ డ్రైవ్​లో స్టోర్ చేసిన మునుపటి బ్యాకప్లను ఆటోమేటిక్​గా గుర్తిస్తుంది.

5. మీరు మీ చాట్ హిస్టరీని పునరుద్ధరించాలనుకుంటున్నారా అని మీకు ఒక సందేశం వస్తుంది. అనుమతి ఇవ్వండి.

6. ప్రాసెస్ పూర్తయ్యే వరకు వేచి ఉండండి. మీరు తొలగించిన సందేశాలు తిరిగొస్తాయి.

గమనిక: మెసేజ్​లు డిలీట్​ అవ్వడానికి ముందు అవి బ్యాకప్​ అయితేనే వాటిని తిరిగి పొందొచ్చని గుర్తుపెట్టుకోవాలి.